MAHTE 9:8 - Jinghpaw Common Language Bible 2009

⁸ Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkaw ahkang jaw ai Karai Kasang hpe shakawn shagrau nga ma ai.

Jinghpaw Hanson Version Bible

⁸ Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkang jaw ai Karai Kasang hpe sharawng awng nga ma ai.

MAHTE 9:8 ပူးပေါင်းရင်းမြစ်များ

MAHTE 12:23

Dai majaw shawa masha ni mau mahka nna, “Ndai wa gaw Dawi a Kasha rai nga a hka!,” nga nna tsun shajang ma ai.

MAHTE 15:31

Dai rai nna, n chye shaga ai ni shaga lu ma ai, hkum hkrang hten ai ni mai tsai wa lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu ma yang shanhte mau mahka nga ma ai rai nna, Israela Karai Kasang hpe shakawn kungdawn shajang ma ai.

MAHTE 28:18

Yesu gaw sape ni hpang de sit sa wa nna, “Sumsing lamu hta e mung, ginding aga hta e mung, up hkang na ahkang nlang hte ngai hpe ap ya ni ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

MAHTE 9:7

Dai masha mung rawt nna shi a nta de wa mat ai.

MARKU 2:12

Shanhte yawng la yu nga ma yang, dai masha wa rawt nna, shi a yup ra rai hta hpai let tin tin pru mat wa ai. Shanhte yawng mau mahka mat ma ai hte, Karai Kasang hpe shakawn kungdawn let, “Anhte galoi mung ndai zawn re ai n mu yu ga ai,” nga nna tsun ma ai.

MARKU 7:37

Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.

LUKA 13:13

Shi a ntsa e lata mara ya wu ai; shaloi jang shi amalang jan rai lu nna, Karai Kasang a chyeju hpe shakawn kungdawn nga ai.

LUKA 17:15

Shanhte hta na marai langai mi gaw, tinang hkum san pra mat sai hpe mu chye jang, bai nhtang sa nna, nsen kaba hte Karai Kasang hpe shagrau sha-a wu ai.

LUKA 17:18

Ndai tsasam masha hta kaga, Karai Kasang hpe shagrau sha-a na, bai nhtang sa ai langai mi pyi n nga sani?,” nga nna san ai.

LUKA 18:43

Dai wa gaw shaloi jang myi mu lu nna, Karai Kasang hpe shagrau sha-a let, Yesu kaw hkan nang wu ai. Dai byin ai lam hpe mu ai ni yawng, Karai Kasang hpe shakawn kungdawn nga ma ai.

LUKA 2:20

Sagu rem ai ni mung shanhte wa nna, shanhte hpe lamu kasa tsun dan manu ai hte maren, na la, mu la, ai lam mahkra a majaw, Karai Kasang hpe shagrau sha-a nna, shakawn kungdawn let bai wa ma ai.

LUKA 23:47

Shing rai byin ai lam hpe hpyen latsa up ai du wa mu wu yang, “Kaja wa ndai wa gaw masha kaja langai mi she rai nga ai!,” nga nna Karai Kasang hpe shagrau sha-a wu ai.

LUKA 7:16

Masha yawng hte mung hkrit let mau mat shajang ma ai rai nna, Karai Kasang hpe shagrau sha-a let, “Myihtoi kaba anhte kaw paw pru ra ai, nga nna mung; Karai Kasang gaw shi a amyu hpe hkye la na matu du sa ra ai, nga nna mung,” shanhte tsun gara ma ai.

YAWHAN 15:8

Nanhte asi law law si wa ai a majaw nye Wa a hpung shingkang dan hkung wa na ra ai, ndai hku nna nanhte gaw nye a sape ni tai wa myit dai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 21:20

Shing nga tsun dan ai hpe na jang shanhte yawng Karai Kasang hpe shagrau sha-a ma ai. Dai hpang shanhte gaw Pawlu hpe, “Hpu wa e Yuda masha ni hta na kam sham ai ni gade hkying mun law nga ma ai lam, shanhte yawng dai jep ai Tara hta myit jung ai hkrai rai nga ma ai lam nang chye nga ndai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

2 KORINHTU 9:13

Ndai nanhte a galaw daw ai amu a awng dang ai kasi kaja a majaw, masha law law gaw, nanhte Hkristu a kabu gara shiga hpe kangka sadi dung ai hku hkap la kam sham myit dai majaw mung, nanhte a shawang myit hte shanhte hte kaga masha ni hpe ndaw nhta alu jaw ya myit dai majaw mung, Karai Kasang a hpung shingkang hpe shagrau sha-a na mara ai.

GALATI 1:24

Dai majaw shanhte gaw nye a lam ninghkan e Karai Kasang a hpung shingkang hpe shakawn kungdawn nga ma ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.