MAHTE 9:6 - Jinghpaw Common Language Bible 2009

⁶ Rai ti mung, “Dai Masha Kasha gaw, ga ntsa e yubak dat kau ya ai ahkang aya lu ai gaw nanhte chye lu myit ga,” nga tsun let, dai katsing si ai wa hpe, “Rawt u, na a hpun nba panep hpai la nna na a nta de wa u!,” ngu wu ai.

Jinghpaw Hanson Version Bible

⁶ Rai timung, dai Masha Kasha gaw ga ntsa e, yubak dat kau ya ai ahkang aya lu ai gaw, nanhte chye myit ga, shaloi dai katsing si ai wa hpe, Rawt u, na a hpun panep hpai la nna, na a nta de wa u,” ngu wu ai.

MAHTE 9:6 ပူးပေါင်းရင်းမြစ်များ

ESAIA 43:25

Rai tim, Ngai gaw na a yubak mara ni hpe raw dat ya ai Karai Kasang rai nga nngai, ngai rai nga nngai majaw ndai amu hpe ngai galaw nngai. Ngai gaw na a yubak ni hpe dum nga na nngai n rai.

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u tsip ni lu ma ai, dai Masha Kasha chyawm gaw baw tawn na shara pyi n lu nga ai,” ngu shi hpe tsun wu ai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MAHTE 9:5

Na a yubak dat kau ya sai; shing n rai, rawt hkawm wa u, ning ngu tsun ai ga yan hta, gara mahtang grau tsun loi a ta?

MAHTE 9:7

Dai masha mung rawt nna shi a nta de wa mat ai.

MARKU 2:10

Masha Kasha gaw ga ntsa e, yubak dat kau ya ai ahkang aya lu ai wa re ai lam ya ngai nanhte hpe madun dan made ga,” ngu nhtawm dai hkum katsing si ai wa hpe,

MARKU 2:7

Karai Kasang chyu sha yubak mara ni hpe dat kau ya lu ai wa rai nga ai nga nna shanhte dai shanhte myit la nga ma ai.

LUKA 5:21

Shaloi, Tara sara ni hte Hparishe ni gaw, “Ning nga Karai Kasang hpe shut hpyit ai hku tsun shaga ai wa gaw, kadai wa rai ta? Karai Kasang chyu sha yubak dat kau ya lu ai wa rai nga ai!” nga nna shanhte a myit hta ga san san let aru yu nga ma ai.

YAWHAN 10:28

Ngai shanhte hpe n htum n wai asak jaw mawe ai rai nna, shanhte galoi mung si ai hkrum na ma ai n rai; nye a lata na shanhte hpe kadai e mung kashun gare kau lu na n rai.

YAWHAN 17:2

Hpa majaw nga yang, ngai nsha wa a lata de nang ap ya ai yawng mayawng hpe htani htana asak jaw n ga, nang gaw nsha wa hpe masha yawng mayawng a ntsa e up ai ahkang aya jaw ya nit dai.

YAWHAN 5:27

Shi gaw Masha Kasha rai nga ai majaw tara dara na ahkang mung shi hpe ap ya nu ai.

YAWHAN 5:8

Shaloi Yesu gaw, “Rawt u, na a hpun nba panep la hpai nna hkawm wa su,” ngu nna dai wa hpe tsun wu ai.

KASA 5:31

Israela amyu masha ni hpe myit malai lu shangun nna shanhte a mara raw dat kau ya ai ahkaw ahkang jaw ya na matu Karai Kasang gaw dai Madu hpe shi a hkra maga dung nga shangun nna ningbaw ningla hte Hkye hkrang la ai wa tai na matu shagrau shatsaw da nu ai.

KASA 9:34

Petru gaw dai wa hpe “Ainea e, Yesu Hkristu nang hpe shamai ya nit dai: rawt u, na a hpun panep lajang u,” ngu tsun wu ai shaloi jang shi rawt wa lu ai.

2 KORINHTU 2:10

Nanhte gaw marai langai ngai hpe shi shut ai mara dat kau ya myit yang, ngai mung raw dat ya nngai. Hpa majaw nga yang, lama rai nna masha marai langai ngai hpe mara dat ya ra wa ai shaloi, ngai gaw nanhte a myi man hpe tau nna Hkristu a man e shi a mara hpe dat ya nngai.

2 KORINHTU 5:20

Dai rai nna anhte gaw Hkristu a lam htinglet ya ai kasa ni tai let, Karai Kasang shi nan anhte a n-gup aga hku nna nanhte hpe lajin nga ai. Nanhte gaw shi hpe hpyen ai ni tai nga ai kaw nna shi a jinghku ni tai wa mu ngu, Hkristu a malai anhte hpyi nem nga ga ai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

KOLOSE 3:13

Nanhte hta marai langai ngai a ntsa e mara shagun shara nga ai shaloi shada da hkam sharang ai hte shada da mara raw dat hkat nga mu. Dai Madu gaw nanhte hpe mara raw dat kau ya manit dai hte maren, nanhte shada da mung mara raw dat lu na rai myit dai.