MAHTE 9:37 - Jinghpaw Common Language Bible 2009

³⁷ Dai rai nna shi a sape ni hpe shi tsun mu ai gaw, “Nmut shang shara law law nga ai, amu galaw na ni mahtang n law ma ai.

Jinghpaw Hanson Version Bible

³⁷ Dai rai nna, shi a sape ni hpe shi tsun mu ai gaw, “Nmut shang shara law law nga ai, amu galaw na ni mahtang n law ma ai:

MAHTE 9:37 ပူးပေါင်းရင်းမြစ်များ

SHAKAWN KUNGDAWN 68:11

Dai Madu gaw hkang da ai ga jaw dat ai hte, num law law wa dai shiga hpe gun hkawm nga ma ai;

MAHTE 20:1

“Sumsing lamu a Mungdan gaw, sabyi sun madu langai mi hkrum katut ai mabyin masa hte bung nga ai. Kalang mi na sabyi sun madu langai mi gaw, shi a sabyi sun hta amu galaw na masha saw bang na matu jahpawt jau jau e pru sa wa ai.

MAHTE 28:19

Dai majaw nanhte pru sa nna, shara shagu na masha amyu baw shagu ni hpe nye a sape ni shatai let, Kawa a Kasha a Chyoi Pra Ai Wenyi a amying nsang hta shanhte hpe hkalup jaw nhtawm,

MAHTE 9:38

Dai majaw, shi a nmut hta amu galaw na masha shangun dat ya mu ga, mam madu kaw akyu hpyi nga mu,” ngu mu ai.

MARKU 16:15

Bai shi shanhte hpe, “Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.

LUKA 10:2

Shi shanhte hpe, “Nmut shang shara law law nga ai, amu galaw na ni mahtang n law ma ai. Dai majaw, shi a nmut hta amu galaw na masha law law shangun dat ya u ga, Madu kaw akyu hpyi nga mu.

LUKA 24:47

Shi a mying nsang hte, yubak mara dat ya kau na lam hte myit malai lu na lam shiga hpe Yerusalem kaw nna masha amyu baw shagu hpe hkaw tsun lu na, nga nna ka da nga ai.

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

KASA 18:10

Hpa majaw nga yang, ngai nang hte rau rai nga nngai, nang hpe kadai mung hkra lu na n rai, ndai mare hta nye a masha ni law law nga ma ai,” ngu nna tsun wu ai.

1 KORINHTU 3:9

Hpa majaw nga yang, anhte gaw Karai Kasang a matu amu bungli galaw nga ai shingdep shingtau ni rai nga ga ai. Nanhte gaw Karai Kasang a yi hkauna hte Karai Kasang a wahpang htingnu rai nga myit dai.

2 KORINHTU 6:1

Nanhte gaw Karai Kasang a chyeju hkam la ai ni rai nga myit dai hte maren dai chyeju hpe lahpawt lama n di kau myit ga, anhte Karai Kasang a shingdep shingtau ni hku nna nanhte hpe hpyi lajin dat ga ai.

KOLOSE 4:11

Yustu ngu nna mung shamying ai Yesu mung, nanhte hpe shakram dat ai. Ndai marai masum chyu sha kam sham ai Yuda masha ni rai nna, Karai Kasang a mungdan a matu ngai hte rau amu galaw ai nye a shingdep shingtau ni rai nga ma ai hte ngai hpe karum dik ai ni rai ma ai.

1 TIMOHTI 5:17

Ningbaw ningla amu hpe atsawm galaw ai hpung woi ni gaw shabrai htam lahkawng hkam la ging ai wa re ngu nna sawn la mai nga ai. Grau nna mungga htawn tsun ai lam sharin achyin ai lam hpe shakut shaja gun hpai ai ni gaw shing rai hkam la ging ai ni rai nga ma ai.

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.