MAHTE 9:27 - Jinghpaw Common Language Bible 2009

²⁷ Yesu gaw dai shara kaw na sat sa wa yang, myi kyaw ai masha lahkawng shi kaw hkan nang let, “Dawi a Kasha e, an hpe matsan dum la mi,” nga nna jahtau ma ai.

Jinghpaw Hanson Version Bible

²⁷ Yesu gaw dai shara kaw nna sat sa wa yang, myi kyaw ai masha lahkawng shi kaw hkan nang let, “Dawi a kasha e, an hpe matsan dum la mi,” nga nna jahtau ma ai.

MAHTE 9:27 ပူးပေါင်းရင်းမြစ်များ

MAHTE 1:1

Ndai gaw Abraham a aru arat rai nga ai Dawi a matu mara Yesu Hkristu a labau gawn ai hta lawm ai kaji kawa ni a mying jahpan rai nga ai.

MAHTE 11:5

Myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu Kabu Gara Shiga hkaw dan nga ai.

MAHTE 15:22

Dai buga shara e nga ai Hkanan amyu numsha langai mi, shi kaw sit sa nna, “Dawi a Kasha Madu e, ngai hpe matsan dum e law; nye a shayi sha nat e zingri nna grai machyi sawng nga ai,” nga nna jahtau let tsun wu ai.

MAHTE 17:15

“Madu e, ngai sha hpe matsan dum la ya e law! Shi ma mu mu ai rai nna wan hta mung, hka hta mung law law lang htan malap kadawng bang bang re ai.

MAHTE 20:29

Ya, Yesu hte shi a sape ni Yerihko mare na pru wa ma yang, masha wunawng wuwa kaba hkan nang ma ai.

MAHTE 21:15

Hkinjawng agyi ni hte Tara sara ni chyawm gaw, shi galaw ai mauhpa amu ni hte, “Dawi a Kasha hpe shakawn kungdawn mu law!,” nga nna Nawku Htingnu kata hta jahtau ai ma ni hpe mu mu yang, shanhte masin pawt ma ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

MAHTE 9:28

Yesu dai nta de shang mat wa yang, dai myi kyaw ai yan shi kaw sa du ma ai rai nna, Yesu gaw, “Ngai nan hpe shamai ya lu na re ngu nna nan kam nga myit ni?,” ngu nna shan hpe san mu ai. Shan mahtang, “Rai sa, Madu e,” ngu mu ai.

MARKU 11:10

Du magang ra ai anhte a wa Dawi a mungdan gaw a nga u ga law! Madu Karai Kasang a hpung shingkang hpe shakawn kungdawn mu law!,” nga nna jahtau garu ma ai.

MARKU 9:22

Nat gaw ma hpe sat kau lu hkra nga, wan hta mung, hka hta mung law law lang kadawng bang shangun wu ai. Madu nang rai lu n yang gaw, anhte hpe matsan dum nna karum la mi law!,” ngu wu ai.

LUKA 17:13

“Madu Yesu e, anhte hpe matsan dum la mi law,” nga nna jahtau ma ai.

LUKA 20:41

Yesu gaw shanhte hpe, “Meshia gaw Dawi a kasha rai nga ai nga nna shanhte kaning rai tsun lu nga ma ta?

LUKA 7:21

Dai ahkying e nan Yesu gaw, shanhte a machyi makaw ni, ana ahkya ni hte n hkru ai nat kap ai ni hpe shamai kau ya mu ai, myi kyaw ai masha law law hpe mung myi bai mu lu shangun mu ai.

YAWHAN 7:42

Meshia gaw, Dawi a amyu lakung kaw na rai na ra ai, nga nna mung Dawi nga lai wa ai Betlehem mare kaw na she paw pru na ra ai, nga nna mung, Chyum Laika hta tsun nga ai n rai ni?,” nga nna tsun hkat ma ai.

ROMA 1:3

Dai Kabu Gara Shiga gaw Karai Kasang shi a Kasha anhte a Madu Yesu Hkristu a lam rai nga ai. Dai Madu gaw shinggyim masha labau hku gawn yang, Dawi a aru arat kaw na rai nga ai.

ROMA 9:5

Shanhte gaw mying gumhkawng ai Hebre kaji kawa ni kaw na yu hkrat wa ai ni rai ma ai rai nna masha labau hku gawn yang Hkristu gaw shanhte kaw na rai nga ai. Yawng mayawng a ntsa e up nga ai Karai Kasang hpe htani htana shagrau sha-a nga ga law! Amen.