MAHTE 9:22 - Jinghpaw Common Language Bible 2009

²² Yesu mahtang kayin yu nna shi hpe mu wu yang, “Shayi sha e, ngwi pyaw nga n ga, na a kam sham ai gaw nang hpe shamai ya nit dai,” ngu wu ai. Dai ahkying kaw nna nan dai numsha mai mat nga ai.

Jinghpaw Hanson Version Bible

²² Yesu mahtang kayin nna shi hpe mu wu yang, “Shayi sha e, ngwipyaw n ga; na a kamsham ai gaw nang hpe shamai ya nit dai,” ngu wu ai. Dai ahkying kaw nna, dai numsha mai mat nga ai.

MAHTE 9:22 ပူးပေါင်းရင်းမြစ်များ

MAHTE 15:28

Dai rai nna Yesu gaw, “Nang gaw kam sham myit kaba ai numsha rai nga ndai! Nang ra sharawng ai hte maren byin wa lit ga,” ngu nna shi hpe htan wu ai. Dai ahkying kaw nna nan, shi a shayi sha mai mat lu ai.

MAHTE 17:18

Yesu gaw dai nat hpe daru kau wu ai rai nna, dai ma gaw shaloi jang mai mat lu ai.

MAHTE 8:13

Dai hpang Yesu gaw, dai hpyen du wa hpe, “Nta de wa su, nang kam sham ai hte maren, nang hta byin u ga,” ngu dat wu ai. Dai ahkying hta nan dai shangun ma gaw mai mat lu ai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MAHTE 9:29

Dai rai nna shan a myi hpe ahtawk nna, “Nan kam sham nga ai hte maren, byin wa malit ga,” ngu mu ai.

MARKU 10:52

Yesu gaw, hkawm wa su; na a kam sham ai gaw nang hpe shamai ya nit dai,” ngu nna shi hpe tsun wu ai. Dai wa gaw shaloi jang myi mu lu nna Madu sa wa ai lam e shi kaw hkan nang nga ai.

MARKU 5:34

Yesu gaw, “Nye a shayi sha e, na a kam sham ai myit gaw nang hpe shamai ya nit dai. Ngwi pyaw ai hte wa su, na a machyi ai atsu atsam mai wa nu ga,” ngu nna tsun dat wu ai.

LUKA 17:19

Dai hpang, dai wa hpe, “Rawt hkawm wa nu, na a kam sham ai gaw nang hpe kaja shangun nit dai,” ngu nna shi hpe tsun dat wu ai.

LUKA 18:42

Yesu gaw, “Mu sanu! Na a kam sham ai gaw nang hpe shamai ya nit dai,” ngu nna shi hpe tsun wu ai.

LUKA 7:50

Rai ti mung, Yesu gaw numsha hpe, “Na a kam sham ai gaw nang hpe hkye la nit dai, apyaw sha wa nu,” ngu nna tsun dat wu ai.

LUKA 8:48

Yesu gaw, “Shayi sha e, na a kam sham ai gaw nang hpe shamai ya nit dai, ngwi pyaw ai hte wa u,” ngu nna shi hpe tsun dat wu ai.

YAWHAN 4:53

Dai rai nna, dai ahkying gaw, “Na nsha bran salit dai,” ngu nna Yesu shi hpe tsun ai ahkying nan rai nga ai hpe kawa chye wu ai rai nna, shi hkum nan hte shi a nta masha ni nlang hte gaw kam sham mat ma ai.

KASA 14:9

Shi mung dai kaw dung nga let, Pawlu tsun ai ga ni hpe madat nga ai, Pawlu gaw dai wa hta mai wa lu hkra kam sham ai myit rawng nga ai hpe shi mu wu yang, shi hpe azi yu let,

KASA 16:18

Dai numsha gaw dai zawn nhtoi law law ya wa marawn jahtau htau re ai majaw Pawlu myit n pyaw nna, kayin nhtawm, dai nat hpe, “Yesu a mying nsang hte ngai nang hpe hkang da de ga, shi kaw na pru mat u!,” ngu wu yang dai shaloi jang numsha kaw na pru mat wa ai.

HEBRE 4:2

Hpa majaw nga yang, anhte gaw moi shawng de na masha ni hte maren, dai Kabu Gara Shiga hpe na yu saga ai. Rai ti mung shanhte na lu ai Kabu Gara Shiga gaw, shanhte a matu akyu n nga malu ai, hpa majaw nga yang, shanhte na la ai shaloi shanhte dai hpe makam masham hte n hkap la ma ai.