MAHTE 9:20 - Jinghpaw Common Language Bible 2009

²⁰ Ya shi lahkawng ning sai htaw machyi ai numsha langai mi mung Yesu a shingdu maga hku sit sa wa nna palawng ban byau matu hpe ahtawk wu ai.

Jinghpaw Hanson Version Bible

²⁰ Shaloi, yu mu, shi lahkawng ning sai htaw machyi ai numsha langai mi shi hpang de sit sa wa nna, shi a palawng a banbyau ahtawk wu ai;

MAHTE 9:20 ပူးပေါင်းရင်းမြစ်များ

MAHTE 14:36

Shanhte gaw, machyi makaw hkrum ai ni shi a palawng ban byau hpe sha pyi ahtawk na ahkang hpyi nem ma ai: ahtawk ai ni kadai mung mai mat wa ma ai.

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

MAHTE 9:19

Shing rai Yesu rawt nna, shi a sape ni hte rau, dai wa kaw hkan nang ma ai.

MARKU 6:56

Dai hta kaga, Yesu sa du hkawm ai shara shagu, mare, kahtawng ningchyawng hkan na masha ni gaw machyi ai masha ni hpe gat shara ni de woi sa nna shi a hpun palawng ban byau matu sha pyi shanhte hpe ahtawk la shangun na matu ahkang hpyi nem ya mu ai: Shi hpe ahtawk lu ai ni yawng nan, mai tsai mat wa ma ai.

MARKU 8:22

Yesu hte sape ni Betsaida de du ma ai. Dai yang e myi kyaw ai masha langai mi hpe masha nkau mi shi hpang de woi sa nna, shi hpe ahtawk ya na hpyi da mu ai.

KASA 19:12

Masha ni gaw, Pawlu lang ai hpajet hte lawng sap zawn re ai ni hpe pyi machyi ai ni hpang de la wa jang, shanhte a ana ahkya ni hpe shamai ya mu ai hte, shung ai n hkru ai nat ni mung pru mat wa ma ai.

KASA 5:15

Kasa ni galaw dan nga ai magam bungli ni a majaw, Petru lai sa wa yang nkau mi a ntsa e shi a shingnip sha pyi hkra u ga, nga nna machyi makaw hkrum ai ni hpe mare lam makau de hpai shapraw nhtawm yup ku ni hte panep ni hta tawn da shajang ma ai.

TARA JAHPRANG 22:12

“Na a hpun nba jut mali kaw shingman banbyau chywi shakap da na rai ndai.