MAHTE 9:12 - Jinghpaw Common Language Bible 2009

¹² Shi gaw dai ga na jang, “Hkam kaja ai ni tsi sara n ra ma ai; machyi ai ni sha ra ma ai.

Jinghpaw Hanson Version Bible

¹² Shi gaw dai na jang, “N-gun ja ai ni tsi sara n ra ma ai; machyi ai ni sha ra ma ai.

MAHTE 9:12 ပူးပေါင်းရင်းမြစ်များ

SHAKAWN KUNGDAWN 147:3

Shi gaw myit daw ai ni hpe shamai ya nna, shanhte a ningma ni hpe ahkyen kayawp ya wu ai.

SHAKAWN KUNGDAWN 41:4

“Madu e, nang hpe ngai yubak galaw kau ni ai; ngai hpe matsan dum la nna, ngai hpe shamai shatsai la e,” ngu nna ngai tsun ni ai.

SHAKAWN KUNGDAWN 6:2

O Madu e, ngai hki ba la nga nngai, ngai hpe matsan dum la e law! Ngai tsep kawp kya gumba mat nga nngai majaw ngai hpe n-gun jaw ya e.

YEREMIA 17:14

Madu e, ngai hpe shamai shatsai la e, shaloi ngai tsep kawp hkam kaja wa na ring ngai; ngai hpe hkye mawai la e, shaloi ngai hkum tsup hkra shim lu na ring ngai. Nang gaw ngai shakawn kungdawn ai wa rai nga ndai!

YEREMIA 30:17

Ngai gaw nanhte hpe kalang mi bai hkam kaja shangun na nngai; Nanhte a gumlau hpyen ni, ‘Ziun gaw kau da ai hkrum nga ai; kadai mung shi hpe lanu lahku ai n rai,’ nga nna tsun ma ti mung, ngai gaw nanhte a ningma ni hpe shamai shatsai ya na we ai. Dai Madu ngai nan tsun ni ai,” nga ai.

YEREMIA 33:6

Rai ti mung, ngai gaw ndai mare hte dai hta shanu nga ai amyu masha ni hpe shamai shatsai ai hte shanhte hpe hkam kaja shangun na nngai. Ngai shanhte hpe ngwi pyaw sim sa lam law htam shangun nna shim lum ai lam madun dan na nngai.

YEREMIA 8:22

Gilead mung e tsi mawan hpun ru hpa mung n nga nga a ni? Dai mung hta tsi sara ni n nga ma ni? Dai rai yang, nye a amyu masha ni hpa majaw shamai shatsai n hkrum nga ma ni?

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

MAHTE 18:11

Dai Masha Kasha gaw mat mat ai ni hpe hkye la na matu du sa ai rai nga ai.

MARKU 2:17

Yesu dai hpe na wu yang, “Hkam kaja ai ni tsi sara n ra ma ai, machyi ai ni sha ra ma ai. Ding hpring nna hkungga ging dum ai ni hpe shaga na matu n rai, yubak lu ai ngu nna kabai kau hkrum ai ni hpe shaga na matu she ngai sa du nngai,” ngu nna shanhte hpe tsun mu ai.

LUKA 5:31

Yesu gaw, “Hkam kaja ai ni tsi sara n ra ma ai, machyi ai ni sha ra ma ai.

LUKA 8:43

Dai shawa hpawng hta shi lahkawng ning tup sai htaw machyi nna, shi hta lu lawm ai ja gumhpraw yawng htum hkra tsi sara ni hte tsi sai rai ti mung, gade e mung n shamai ya lu ai numsha langai mi lawm nga ai.

LUKA 9:11

Shawa masha ni mung dai hpe hkan chye jang, shi hpang de hkan sa ma ai rai nna, shanhte hpe hkap la nhtawm, Karai Kasang a Mungdan lam hkaw dan let machyi mai mayu ai ni hpe shamai ya mu ai.

KOLOSE 4:14

Anhte a tsaw ra ai tsi sara Luka yan Dema gaw nanhte hpe shakram dat ma ai.