MAHTE 8:9 - Jinghpaw Common Language Bible 2009

⁹ Ngai mung du kaba ni a ahkang aya npu na masha langai mi rai nga nngai. Nye lawu de mung hpyen ma ni nga ma ai rai nna, marai langai mi hpe, ‘Sa su’ ngu yang, shi sa wa ai; kaga wa hpe ‘Wa rit’ ngu yang shi wa ai; nye a mayam wa hpe mung, ‘Ndai galaw u’ ngu yang shi galaw nga ai,” ngu nna htan wu ai.

Jinghpaw Hanson Version Bible

⁹ Kaning rai nme law, ngai mung du lawu na masha rai nga nngai, nye a lawu de mung hpyen masha nga ma ai rai nna, marai mi hpe, ‘Sa u,’ ngu yang, shi sa wa ai; kaga wa hpe, ‘wa rit’ ngu yang, shi wa ai; nye a mayam wa hpe mung, ‘Ndai galaw u,’ ngu yang, shi galaw nga ai,” ngu nna htan wu ai.

MAHTE 8:9 ပူးပေါင်းရင်းမြစ်များ

SHAKAWN KUNGDAWN 119:91

Arai yawng mayawng hte gaw na a shangun ma ni rai nga ma ai; na a hkang da ai ga ni a majaw, dai ni yawng dai ni du hkra anga nga ma ai.

MAHTE 8:10

Dai ga hpe Yesu na ai shaloi shi mau nna shi kaw hkan nang ai ni hpe, “Nanhte hpe ngai teng teng tsun made ga, Israela amyu hta pyi dai hte wa kam sham ai gaw langai mi muk n mu hkrup ga nngai.

MAHTE 8:8

Shaloi dai hpyen du wa gaw, “Madu e, nye nta de nang sa shang na gaw, ngai n ging n dan nngai, na a ga hkaw mi sha tsun dat rit, shaloi nye a shangun ma mai mat na ra ai.

MARKU 1:27

Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

LUKA 4:39

Shi gaw numsha a yupku makau e shang tsap nga let, dai hkali hpe numsha kaw na pru mat na hkang da wu ai rai nna, shi a hkali kawp mat ai, shaloi jang shi rawt nna shanhte hpe galaw daw mu ai.

LUKA 7:8

Hpa majaw nga yang, ngai mung lahta de na du ni e dang da hkrum ai masha rai nngai, nye a lawu de mung hpyen la ni nga ma ai. Ngai gaw, ndai langai wa hpe, ‘Sa su!,’ ngu yang shi sa wa ai; Kaga wa hpe ‘Wa rit!,’ ngu yang shi wa ai; nye mayam wa hpe mung, ‘Ndai galaw u!,’ ngu yang shi galaw nga ai,” ngu nna tsun shangun dat wu ai.

LUKA 9:1

Yesu gaw sape shi lahkawng hte hpe shaga la nhtawm, nat ni yawng hpe shaden kau lu na hte ana ahkya ni hpe shamai ya lu na atsam hte ahkaw ahkang shanhte hpe jaw mu ai.

KOLOSE 3:22

Mayam ni e nanhte a shinggyim madu ni hpe lam shagu hta madat mara nga mu: nanhte gaw myi man pa mayu ai hte shanhte a man e ga madat ai hku n re ai sha, Karai Kasang hpe hkrit hkungga let shanhte a ga hpe san seng ai myit hte madat mara nga mu.

TITU 2:9

Mayam ni gaw tinang a madu a npu e taw nga nna lam shagu hta shanhte kaw myi man pa lu hkra ga nhkap n tsun ai hte,