MAHTE 8:8 - Jinghpaw Common Language Bible 2009

⁸ Shaloi dai hpyen du wa gaw, “Madu e, nye nta de nang sa shang na gaw, ngai n ging n dan nngai, na a ga hkaw mi sha tsun dat rit, shaloi nye a shangun ma mai mat na ra ai.

Jinghpaw Hanson Version Bible

⁸ Shaloi dai hpyen du wa gaw, “Madu e, nye a nta magaw npu e nang sa shang na gaw, ngai n ging n dan nngai: na ga hkaw mi sha tsun dat rit, shaloi nye ma mai na ra ai.

MAHTE 8:8 ပူးပေါင်းရင်းမြစ်များ

NINGPAWT NINGHPANG 32:10

Na a shangun ma wa, ngai gaw nang madun dan sai matsan dum ai chyeju hte sadi sahka lam mahkra hte n ging n dan la nga nngai. Nye a dawhkrawng langai mi hte sha, ndai Yawdan hka hpe rap di nngai; ya chyawm gaw ndai hpung lahkawng hte ngai nhtang wa ni ai.

SHAKAWN KUNGDAWN 10:17

O Madu e, grit nem ai ni a akyu hpyi ga ni hpe nang madat ya na rin dai; nang gaw shanhte hpe nden marai jaw ya na ra ai.

SHAKAWN KUNGDAWN 107:20

Shi gaw shi a mungga hte shanhte hpe shamai shatsai ya ai hte, lup sung hku kata na, shanhte hpe hkye hkrang la wu ai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

BU HKAWM 20:8

“Ga Shaka Sumpu a man na dawhkrawng la u; dai hpang nang hte Arun gaw shawa hpung ting hpe jahpawng tawn da na rai myit dai. Shaloi shanhte yawng a man e dai nlung kaw na hka shapraw ya na lam tsun na rai ndai; hka mung dai kaw na kahpawk pru wa na ra ai. Ndai hku nna amyu masha ni a matu nlung kaw na hka pru wa nhtawm shanhte mung, yam nga ni mung lu lu na rai ma ai,” ngu nna tsun wu ai.

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

MAHTE 3:14

Rai ti mung Yawhan gaw, Yesu a myit ai lam galai kau ya na matu, “Ngai mahtang she nang kaw nna hkalup hkam la na ra nga nngai, nang mahtang ngai kaw du sa rin ni?,” ngu nna shi hpe hkap ndang let tsun wu ai.

MAHTE 8:3

Yesu gaw shi a lata ladawn nna, shi hpe ahtawk let, “Ngai hkraw nga nngai, san pra wa nu!,” ngu wu ai. Dai shaloi jang, shi a manggang ana san pra mat lu ai.

MAHTE 8:7

Yesu gaw, “Ngai sa nna shi hpe shamai shatsai ya na we ai,” ngu nna tsun wu ai.

MAHTE 8:9

Ngai mung du kaba ni a ahkang aya npu na masha langai mi rai nga nngai. Nye lawu de mung hpyen ma ni nga ma ai rai nna, marai langai mi hpe, ‘Sa su’ ngu yang, shi sa wa ai; kaga wa hpe ‘Wa rit’ ngu yang shi wa ai; nye a mayam wa hpe mung, ‘Ndai galaw u’ ngu yang shi galaw nga ai,” ngu nna htan wu ai.

LUKA 15:19

Ya kaw nna na nsha ngu na, ngai n ging n dan nngai, na a shabrai sha ai amu galaw masha langai mi zawn ngai hpe tawn da e law, ngu na we ai,’ nga ai.

LUKA 15:21

Shaloi kasha wa gaw, ‘Wa e, Karai Kasang hpe mung, nang hpe mung, ngai shut ni ai. Ya kaw nna na nsha ngu na ngai n ging n dan nngai,’ ngu nna kawa hpe tsun nem wu ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

YAWHAN 1:27

Dai wa gaw nye a hpang e du sa ai wa rai nga ai; shi a kyepdin sumri hpe raw ya na pyi ngai n ging nngai,” ngu nna shanhte hpe htan mu ai.