MAHTE 8:6 - Jinghpaw Common Language Bible 2009

⁶ “Madu e, nye a shangun ma gaw katsing si ai ana hte nta e yup ra hta n lu shamu hkra aja awa machyi hkrum sha nga ai,” ngu nna shi hpe hpyi nem wu ai.

Jinghpaw Hanson Version Bible

⁶ “Madu e, nye a ma katsing si ai ana hte nye a nta e a taw nga nna, aja awa aju machyi nga ai,” ngu nna shi hpe hpyi nem wu ai.

MAHTE 8:6 ပူးပေါင်းရင်းမြစ်များ

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 8:7

Yesu gaw, “Ngai sa nna shi hpe shamai shatsai ya na we ai,” ngu nna tsun wu ai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

KASA 10:7

Dai lamu kasa wa mat ai hpang Korneli gaw shangun ma lahkawng hte shi kaw tut hkan nga ai ni hta na tara hkungga ai hpyen la langai mi shaga la nna,

KASA 8:7

N seng ai nat shung nga ai masha ni law law kaw nna nat ni gaw nsen kaba hte jahtau marawn let pru mat shajang ma ai. Lagaw hten ai ni hte katsing si ai ni law law mung mai mat shajang ma ai.

KASA 9:33

Dai yang e katsing si nna matsat ning tup yup ra na n rawt lu ai Ainea mying ai masha langai mi hpe mu hkrup wu ai.

KOLOSE 3:11

De a majaw, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, masha chyazai chyalam ni, mayam ni, shanglawt masha ni ngu nna shanhte a lapran e naw ginhka chyai nga na lam mi n nga sai. Hkristu gaw nanhte yawng mayawng a kraw lawang hta shanu nga ai rai nna Hkristu gaw yawng mayawng hta ahkyak dik ai wa mung rai nga ai.

KOLOSE 4:1

Madu ni e, nanhte mung sumsing lamu e Madu langai mi lu nga myit dai hpe myit dum let, tinang a mayam ni hpe shangun marang sha ai lam ni hta ram ging ai hte tara ding ai hku galaw nga mu.

1 TIMOHTI 6:2

Hkristan madu ni a npu e nga ai mayam ni gaw tinang a madu ni hpe maren mara hpu nau ni rai ma ai ngu nna n kaw n law n mai di ai; hpa majaw nga yang, tinang a galaw daw ai majaw akyu hkam sha ai ni gaw tinang ni tsaw ra nga ai kam sham ai ni rai nga ma ai majaw shanhte hpe grau nna pyi daw jau ra nga ai. Nang gaw ndai lam hpe sharin shaga nna hkaw tsun lu na rai ndai.

HPILEMON 1:16

Ya shi gaw yu maya mayam sha n rai mat sai, masha a hkum shan lam hku yu yang mung, madu a lam hku yu yang mung, mayam madang hta jan ai tsaw ra ai Hkristan hpu nau langai mi tai wa sai: shi gaw nye a matu hte na a matu mayam langai mi hku nna mung, Hkristu hta hpu nau langai mi hku nna mung, grau nna hpu reng nga ai.