MAHTE 8:4 - Jinghpaw Common Language Bible 2009

⁴ Shaloi Yesu gaw, “Madat u! Ndai lam kadai hpe mung hkum tsun dan et, pru wa nhtawm na a hkum hkinjawng agyi wa hpe jep yu shangun u; dai hpang, nang san pra mat sai lam shanhte a man e sakse tai u ga, Mawshe hkang tawn da ai hkungga nawng ya u,” ngu shi hpe tsun wu ai.

Jinghpaw Hanson Version Bible

⁴ Shaloi Yesu gaw, “Dai lam kadai hpe mung hkum tsun dan et; pru wa nhtawm na hkum hkinjawng wa hpe madun dan u; shanhte a matu sakse tai u ga, Mawshe tawn da ai kumhpa jaw da nu,” shi hpe ngu dat wu ai.

MAHTE 8:4 ပူးပေါင်းရင်းမြစ်များ

ESAIA 42:21

Dai Madu gaw hkye la na matu sharawng awng ai Karai Kasang rai nga ai, dai rai nna, shi gaw shi a tara ni hte sharin shaga lam ni hpe shagrau da nga ai, shi gaw shanhte hpe shagrau sha-a na matu shi a amyu masha ni hpe ra nga ai.

JAW JAU 13:49

tsit tsit hkyeng hkyeng re ai rai yang, dai gaw nshu lamu hpra jawng nga ai rai nna hkinjawng wa hpe madun dan na rai wu ai.

MAHTE 10:18

Nye a majaw nanhte hpe up hkang ai du ni hte hkawhkam ni a man e jeyang na matu dun bang wa ai hkrum na marin dai. Dai rai nna shanhte a man e mung, tara maigan masha ni a man e mung, dai Kabu Gara Shiga hpe tsun dan na ahkang lu na marin dai.

MAHTE 16:20

Dai hpang Yesu gaw shi Meshia rai nga ai lam, kadai hpe mung n tsun dan mu ga, sape ni hpe ginhtim da mu ai.

MAHTE 17:9

Ya dai bum na shanhte yu wa ma yang, Yesu gaw, “Dai Masha Kasha si ai ni kaw na sharawt la ai garai n hkrum hkrum gaw, ndai nanhte mu lu ai shingran hpe, kadai hpe mung hkum tsun dan myit,” ngu nna shanhte hpe hkang dat mu ai.

MAHTE 3:15

Shaloi Yesu gaw, “Ya dai shabyin ya rit, hpa majaw nga yang, ding man ai lam shagu hpe shadik lu u ga, an a matu sut nga mali ai,” ngu nna shi hpe htan wu ai: shaloi shi hpe dai lam shabyin ya wu ai.

MAHTE 5:17

Mawshe a Jep ai Tara hte myihtoi ni a sharin shaga ai ga ni hpe run jahten kau na matu ngai sa du ai zawn hkum nawn nga myit. Dai ni hpe run jahten kau na matu n rai, shanhte a sharin shaga ai lam ni hpe shadik na matu she, ngai sa du ring ngai.

MAHTE 6:1

Nanhte hpa galaw ai hpe masha ni mada mu lu mu ga, shawa a man e sha nanhte a nawku htung hte seng nna galaw daw ra ai amu ni hpe n galaw myit ga, sadi nga mu; shing n rai yang gaw, sumsing lamu hta nga ai nanhte a Kawa kaw na hpa shabrai mung nanhte n lu na myit dai.

MAHTE 9:30

Shaloi shan a myi hpaw wa malu ai. Yesu chyawm gaw, “Kadai mung ndai hpe n chye lu mu ga sadi nga mu,” ngu nna shan hpe aja awa ginhtim da mu ai.

MARKU 13:9

“Nanhte mahtang tinang dai sadi let nga mu. Nanhte hpe rim la nna tara rung de ap kau na mara ai. Tara jawng ni hta nanhte gaw anu kayat ai hkrum na marin dai; up hkang ai du ni hte hkawhkam ni a man e nye a majaw nanhte tsap nna shanhte hpe dai Kabu Gara Shiga tsun dan lu na rai myit dai.

MARKU 3:12

Yesu gaw, shi kadai rai nga ai ngu ai hpe kadai e mung n tsun shabrawng u ga, n seng ai nat ni hpe shi aja awa hkang da mu ai.

MARKU 5:43

Rai ti mung Yesu gaw, dai lam kadai hpe mung n tsun mu ga, aja awa ginhtim hkang da mu ai; dai hta kaga, “Ma hpe shahpa lama ma jaw mu,” nga nna shi htet da mu ai.

MARKU 6:11

Nanhte mare langai ngai de du nna dai mare kaw na masha ni nanhte hpe n hkap la nna nanhte hpe n madat n mara nga ma yang gaw, nanhte a lagaw lahpan hta kap ai ga nhpu hpe ahpu sharun kau da nna dai shara kaw na pru mat wa mu. Dai gaw shanhte hpe sadi jaw ai lam tai na ra ai.’’ ngu nna kahtap tsun dat mu ai.

MARKU 7:36

Dai hpang Yesu gaw, dai lam kadai hpe mung n tsun dan mu ga, masha ni hpe ginhtim da mu ai. Rai ti mung, je ginhtim magang je tsun hkai dan shajang ma ai.

MARKU 8:30

Dai shaloi Yesu gaw, “Nye a lam kadai hpe mung hkum tsun dan myit,” ngu nna shanhte hpe ginhtim hkang da mu ai.

MARKU 9:9

Ya dai bum de na yu hkrat wa ma yang, Yesu gaw, “Dai Masha Kasha si ai kaw na garai n rawt rawt gaw, nanhte mu ai hpe kadai hpe mung hkum hkai dan myit,” ngu nna shanhte hpe ginhtim hkang da mu ai.

LUKA 17:14

Yesu shanhte hpe mu jang, “Hkinjawng ni nanhte hpe jep yu mu ga, sa wa mu,” ngu nna shanhte hpe tsun dat mu ai. Shanhte lam e wa nga yang pyi san pra mat ma ai.

LUKA 21:13

Dai gaw nanhte a matu Kabu Gara Shiga sakse hkam na ahkaw ahkang kaja tai na ra ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.

LUKA 5:14

Shaloi Yesu gaw, “Dai lam kadai hpe mung n tsun dan ai sha, hkinjawng wa kaw ading tawk wa nna, na a hkum jep yu shangun u. Dai hpang nang mai mat sai lam masha shagu a man e sakse tai na matu Mawshe hkang da ai hte maren, hkungga wa nawng ya u,” ngu nna shi hpe ginhtim dat wu ai.

LUKA 8:56

Dai ma a kanu yan kawa chyawm gaw, mau mahka mat ma ai. Rai ti mung, dai byin ai lam kadai hpe mung n tsun dan u ga, shi shanhte hpe ginhtim da mu ai.

LUKA 9:21

Dai shaloi Yesu gaw, “Dai lam kadai hpe mung, hkum tsun dan myit,” ngu nna ginhtim da mu ai.

YAWHAN 5:41

Ngai gaw masha e shakawn shagrau ai hkam la na lam tam nga nngai n rai.

YAWHAN 7:18

Tinang myit hte tsun ai wa gaw, tinang a arawng sadang tam ai wa rai nga ai. Rai ti mung shi hpe shangun dat ai wa a arawng sadang hpe tam ai wa chyawm gaw, teng man nga ai rai nna, shi hta n ding n man ai n rawng lu ai.

YAWHAN 8:50

Ngai gaw nye a arawng sadang hpe n tam nngai. Rai ti mung nye a arawng sadang hpe tam ya nna, ngai hpang maga de jeyang ai wa langai mi nga ai.