MAHTE 8:31 - Jinghpaw Common Language Bible 2009

³¹ Dai rai nna, nat ni Yesu hpe hpyi nem ma ai gaw, “Nang anhte hpe shaden kau na rai n-yang gaw, dai wa wunawng hta anhte hpe shang shangun mi,” ngu ma ai.

Jinghpaw Hanson Version Bible

³¹ Dai rai nna, nat ni shi hpe hpyi nem nna, “Nang anhte hpe hkyawt kau mi yang gaw, dai wa wunawng hta anhte hpe shang lu shangun mi,” ngu mu ai.

MAHTE 8:31 ပူးပေါင်းရင်းမြစ်များ

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

MAHTE 8:30

Ya shanhte tsawmra mi tsan kaw e, wa wunawng kaba langai mi kanaw sha nga ma ai.

MAHTE 8:32

Shi gaw, “Sa wa mu” ngu shanhte hpe ngu mu ai. Shing rai shanhte pru mat wa ma yang, shanhte dai wa ni hta shang wa ma ai rai nna, dai wa wunawng yawng hte gaw n-gam mahka kaw nna nawng de gat ru bang wa ma ai hte hka hta e marit si mat ma ai.

MARKU 5:12

Dai rai nna, n seng ai nat ni gaw, “Anhte dai wa ni hta shang lu u ga, shangun dat mi,” ngu nna Yesu hpe hpyi nem nu ai.

MARKU 5:7

“Tsaw htum ai Karai Kasang a Kasha Yesu e! Nang ngai hpe hpa di mayu n ta? Nang ngai hpe n zingri n ga, Karai Kasang a marang e nang hpe ngai hpyi nem, nngai law!,” ngu nna nsen kaba hte jahtau wu ai.

SHINGRAN 12:12

Dai re ai majaw, sumsing lamu ni hte dai hta rawng nga ai ni e, kabu gara nga mu! Rai ti mung, ginding aga hte nammukdara chyawm gaw dingnye lu ma ai. Hpa majaw nga yang, nat gaw, shi a aten nhtoi loi sha ngam sai hpe chye wu ai majaw, n yun bu let nanhte hpang de yu wa sai,” nga nna tsun ma ai hpe ngai na nngai.