MAHTE 8:3 - Jinghpaw Common Language Bible 2009

³ Yesu gaw shi a lata ladawn nna, shi hpe ahtawk let, “Ngai hkraw nga nngai, san pra wa nu!,” ngu wu ai. Dai shaloi jang, shi a manggang ana san pra mat lu ai.

Jinghpaw Hanson Version Bible

³ Shi chyawm gaw lata ladawn nna, shi hpe ahtawk let, “Ngai hkraw nga nngai, san pra wa nu,” ngu wu ai: dai shaloi jang, shi a manggang san pra mat lu ai.

MAHTE 8:3 ပူးပေါင်းရင်းမြစ်များ

NINGPAWT NINGHPANG 1:3

Shaloi Karai Kasang gaw, “Nhtoi tai u ga” ngu yang, nhtoi pru wa nga ai.

2 HKAWHKAM 5:11

Rai ti mung, Naman gaw masin pawt let pru mat wa nhtawm, “Myihtoi wa ngai hpang de kaja wa pru sa wa nna, dai Madu shi a Karai Kasang kaw akyu hpyi let shi a lata hte machyi ai shara e masawp ya nna ngai hpe shamai ya na zawn ngai myit nawn nngai re wa!

2 HKAWHKAM 5:14

Dai rai nna Naman gaw Yawdan hka de yu sa nna shi hpe Elisha matsun ai hte maren, shi hkum hpe sanit lang tsing dat wu yang tsep kawp shamai shatsai ai hkrum wu ai. Shi a hkum shan mung ma kaji a hkum zawn ting ting hkang hkang rai hkam kaja wa nga ai.

SHAKAWN KUNGDAWN 33:9

Shi ga shaga dat ai shaloi, mungkan ga byin pru wa sai; shi a hkang da ai mungga a jaw e, arai yawng mayawng dan pru wa sai.

PRU MAT 4:7

Dai hpang Madu gaw, “Na a lata hpe palawng galu kata de bai bang dat u,” ngu nna tsun wu ai. Dai hte maren shi galaw wu ai. Ndai lang shi dai hpe bai shaw la wu yang, dai gaw akaja sha rai nna kaga ngam ai shi a hkum shan zawn rai nga ai.

MAHTE 12:13

Shaloi shi gaw dai wa hpe, “Na lata ladawn u,” ngu wu ai. Dai wa gaw lata hpe ladawn dat wu yang, maga mi na zawn majing rai mai mat lu ai.

MARKU 1:41

Yesu gaw matsan dum ai hte shi a lata ladawn nna ahtawk let, “Ngai hkraw nga nngai, san pra wa nu!,” ngu nna htan wu ai.

MARKU 4:39

Dai majaw shi rawt tsap nna nbung hpe, “Atsin sim rai nga u!,” ngu nna hkang dat wu ai hte hkaleng ni hpe mung, “Sim mat u!,” ngu wu ai. Dai nbung num mat wa nna dai yang e akatsi sha rai mat wa ai.

MARKU 5:41

Dai ma a lata hpe shi jum da nna, “Talitha, koum,” ngu wu ai. (De a lachyum gaw, “Mahkawn ma e rawt u, ngu nna ngai tsun de ai,” nga ai re.)

MARKU 7:34

Dai hpang Yesu gaw lamu de mada yu let, aja wa nsa kaba shaw madai nna, dai masha wa hpe ‘‘Eph-hpa-hta,” ngu wu ai, dai gaw ‘‘Hpaw wa u!,” nga ai rai lu ai.

MARKU 9:25

Yesu gaw shanhte hpang de shawa masha ni kahtep shani sa wa nga ma ai hpe mu wu yang, dai n seng ai nat hpe, “N chye shaga nna na lahpang ai nat e, ndai ma kaw na pru mat wa u. Htawm hpang e galoi mung bai hkum shang nit!, ngu nna ngai nang hpe hkang da de ai,” ngu wu ai.

LUKA 4:27

Myihtoi Elisha a prat hta mung, Israela amyu hta manggang kap ai masha law law nga ma ai, rai ti mung, shanhte hta na langai mi mung san pra wa lu ai n rai; Suri masha Naman ngu ai wa chyu sha pra wa lu ai,” ngu mu ai.

LUKA 5:13

Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang ana mai mat wa ai.

LUKA 7:14

Dai hpang shi ani sha sit sa nna, dai da-u hpe ahtawk wu ai; hpai ai ni mung hkring tsap ya ma ai; shaloi shi gaw, “Shabrang e, ngai nang hpe tsun de ai, rawt u!” ngu wu ai.

YAWHAN 11:43

Shing nga shi tsun ngut jang shi gaw, “Lazaru e, pru wa rit!,” ngu nna nsen kaba hte jahtau dat wu ai.

YAWHAN 15:24

Masha kadai n di lu ai amu ni hpe, ngai shanhte hta n galaw dan yu nngai rai taw gaw, shanhte mara lu na n rai ma ai; ya chyawm gaw, shanhte ngai galaw ai amu ni hpe mu lu masai rai nna, ngai hpe mung, nye Wa hpe mung n dawng n yawt rai masai.

YAWHAN 5:21

Kawa gaw si ai ni hpe jahkrung sharawt la nna asak jahkrung ya ai zawn Kasha wa mung shi ra ai ni hpe asak jahkrung ya wu ai.