MAHTE 8:29 - Jinghpaw Common Language Bible 2009

²⁹ Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

Jinghpaw Hanson Version Bible

²⁹ Shan gaw, “Karai Kasang a Kasha e, an nang hte hpa seng nga ga ta? aten garai n du yang, an hpe zingri na nang sa du rin ni?” ngu nna jahtau mu ai.

MAHTE 8:29 ပူးပေါင်းရင်းမြစ်များ

2 SAMUELA 16:10

Hkawhkam wa gaw Abishai hte shi a kahpu Yoab yan hpe, “Ndai gaw nan a bungli n rai nga ai: dai Madu shi hpe tsun shangun nga ai majaw shi ngai hpe matsa ai rai jang mung, shi shing nga ai hpe kadai wa san lu na ahkang lu nga a ta?,” ngu nna tsun wu ai.

2 SAMUELA 19:22

Rai ti mung Dawi gaw Abishai hte shi a kahpu Yoab yan hpe, “Nan a myit nshat hpe kadai san yu a ta? Nan gaw ngai hpe ru yak shoichyum ai lam jaw na ngu myit ni? Ngai gaw Israela a hkawhkam wa rai nga nngai majaw dai ni e, Israela masha ni kadai mung sat kau hkrum lu na ma ai n rai,” ngu nna tsun wu ai.

1 HKAWHKAM 17:18

Shi gaw Elia hpe, “Karai Kasang a masha wa e, nang hpa majaw ndai zawn ngai hpe galaw kau n ta? Karai Kasang hpe nye a yubak shadum ya nhtawm nye a kasha hpe si mat shangun na matu ndai yang e nang du sa ai n rai ni?,” ngu nna san wu ai.

2 HKAWHKAM 3:13

Elisha gaw Israela hkawhkam wa hpe, “Nanhte hpe ngai hpa lam a majaw karum ang na rai nga a ta? Nanhte a kanu kawa ni san san re ai myihtoi ni kaw mahtang sa san la masu,” ngu nna tsun wu ai. Yoram gaw, “N rai law, hkawhkam masum ngu ai anhte hpe Moba hkawhkam a daru magam n-gun lata de ap kaw nga ai gaw dai Madu rai nga ai,” ngu nna tsun htang wu ai.

2 HKAWHKAM LABAU 35:21

rai ti mung Niko gaw Yoshia hpang de ning ngu shiga shana dat wu ai: “Ngai gasat nga ai ndai majan gaw nang Yuda Hkawhkam wa hte hpa n seng nga ai. Nang hpe gasat na matu ngai pru sa ai n rai; nye a gumlau hpyen ni hpe gasat na she ngai pru sa nngai. Tin tin rai galaw na matu Karai Kasang ngai hpe tsun ni ai. Karai Kasang gaw nye a maga de nga nga ai majaw ngai hte nhtan shai ai lam hkum galaw et; dai n rai yang shi nang hpe jahten shamyit kau na ra ai.”

YOELA 3:4

“Turu, Sidon hte Hpilisti ginwang ni yawng hte e, nanhte ngai hpe hpa galaw mayu nga myit ni? Nanhte gaw lam lama ma a majaw ngai hpe matai htang mayu myit ni? Dai zawn galaw mayu ai rai yang, ngai nanhte hpe alawan matai htang na made ai!

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

MAHTE 8:30

Ya shanhte tsawmra mi tsan kaw e, wa wunawng kaba langai mi kanaw sha nga ma ai.

MARKU 1:24

Dai wa gaw, “Nazaret wa Yesu e, anhte nang hte hpa seng ga ta? Anhte hpe jahten kau na matu nang sa du n ni? Nang kadai re ai hpe ngai chye nga nngai, nang gaw Karai Kasang a Chyoi Pra ai Wa rai nga ndai!,” nga nna marawn jahtau ai.

MARKU 3:11

N seng ai nat kap ni masha ni Yesu hpe mu shagu, shi a man e dingnyawm dagup nna, “Nang gaw Karai Kasang a Kasha rai nga ndai!,” nga nna kyek jahtau ma ai.

MARKU 5:7

“Tsaw htum ai Karai Kasang a Kasha Yesu e! Nang ngai hpe hpa di mayu n ta? Nang ngai hpe n zingri n ga, Karai Kasang a marang e nang hpe ngai hpyi nem, nngai law!,” ngu nna nsen kaba hte jahtau wu ai.

LUKA 4:34

“Ah! Nazaret wa Yesu e, anhte nang hte hpa seng ga ta? Anhte hpe jahten kau na matu ndai kaw nang sa du nga n ni? Nang kadai re ai ngai chye nga nngai, nang gaw Karai Kasang a chyoi pra ai wa rai nga ndai,” nga ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, “Tsaw Htum ai Karai Kasang a Kasha Yesu e, nang ngai hte hpa daw nga a ta? Nang ngai hpe n zingri n ga, ngai nang hpe hpyi nem nga nngai,” ngu nna marawn tsun wu ai.

YAWHAN 2:4

Shaloi Yesu gaw, “Hpa amu galaw na lam ngai hpe hkum tsun et, nye a ahkying garai n du li ai,” ngu nna shi hpe htan wu ai.

KASA 16:17

Dai shangun ma numsha gaw Pawlu hte anhte a hpang hkan nang nna, “Ndai ni gaw law, Tsaw Htum ai Wa a shangun ma ni rai nna nanhte kaning rai hkye hkrang la hkrum na lam tsun shana dan ai ni rai nga ma ai law!” nga nna jahtau htau re ai.

YAKU 2:19

Karai Kasang langai sha nga ai hpe nang kam n ni? Rai sa, mai kaja nga ai! Nat ni mung kam sham nga nna hkrit gari nga ma ai.

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.

YUDA 1:6

Tinang lu tawn da ai ahkang aya kata hta myit n dik nna tinang a nga shara buga hpe kau da nna pru mat wa ai lamu kasa ni hpe mung myit dum nga mu. Karai Kasang gaw shi tara daw dan ai Nhtoi kaba hta shanhte hpe daw dan nna ari jaw na matu nsin sin ai kata hta htani htana re ai hpri sumri ni hte gyit hkang da mu ai.

TARA AGYI 11:12

Yephta gaw Amon hkawhkam hpang de kasa ni hpe shangun dat nhtawm, “Anhte hte hpa ra rawng nga a ta? Hpa majaw nang nye a mungdan hpe gasat la mayu n ta?,” ngu nna san wu ai.