MAHTE 8:28 - Jinghpaw Common Language Bible 2009

²⁸ Ya hka nawng wora hkran Gadara ginwang de sa du ai shaloi, lup wa e sa nga ai nat kap ai masha lahkawng Yesu hte sa hkrum ma ai. Shan hta nat kap nna nachying n hkru la nga ma ai majaw, dai lam hku kadai mung n lai hkawm gwi ma ai.

Jinghpaw Hanson Version Bible

²⁸ Ya, wora hkran Gadare ginwang hkan e sa du jang, lupwa e sa nga ai nat kap ai masha lahkawng, shi hpe sa tau ma ai: shan gaw nachying n hkru la nga ma ai majaw, dai lam hta e kadai mung n lai hkawm lu ma ai.

MAHTE 8:28 ပူးပေါင်းရင်းမြစ်များ

NINGPAWT NINGHPANG 10:16

Hkanan gaw Yebusi, Amori, Girgashi, Hiwi,

NINGPAWT NINGHPANG 15:21

Amori, Hkanani, Girgashi hte Yebusi masha ni nga ai mung ni lawm hkra, na a amyu matu ni hpe jaw na matu, ngai ga sadi tawn da se ai,” ngu nna tsun wu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 8:27

Sape ni chyawm gaw mau mahka nga nna, “Ndai wa gaw kaning re ai wa rai nga a ta? Nbung hte hkaleng ni pyi shi hpe madat mara nga ma hka!,” nga shajang ma ai.

KASA 10:38

Nazaret wa Yesu gaw Karai Kasang kaw na Chyoi Pra ai Wenyi hte n-gun atsam gara hku hkam la lu ai hpe mung nanhte chye nga myit dai. Karai Kasang gaw Yesu hte rau rai nga ai majaw shi gaw shara shagu kawan katsan hkawm nna masha ni hpe mai kaja ai amu galaw ya let, nat gumlau e zingri zingrat hkrum ai ni yawng mayawng hpe shamai shatsai ya nga ai.

TARA JAHPRANG 7:1

Dai Madu nanhte a Karai Kasang gaw nanhte madu la na mungdan de woi shawn nna, dai mung na amyu baw law law hte hpe gawt shapraw kau na rai wu ai. Nanhte rawt lung wa myit yang, shi gaw nanhte hta grau galu kaba nna n-gun grau rawng ai amyu sanit rai nga ai Hiti, Girgashi, Amori, Hkanani, Perizi, Hiwi hte Yebusi masha ni hpe gawt shapraw kau na ra ai.

TARA AGYI 5:6

Anat a shadang sha Shamga a lak htak hte Yaela a aprat hte hta, hpaga nmaw lam katsi mat nna, bu hkawm ai ni masun lam ni hpe she lang mat masai.