MAHTE 8:27 - Jinghpaw Common Language Bible 2009

²⁷ Sape ni chyawm gaw mau mahka nga nna, “Ndai wa gaw kaning re ai wa rai nga a ta? Nbung hte hkaleng ni pyi shi hpe madat mara nga ma hka!,” nga shajang ma ai.

Jinghpaw Hanson Version Bible

²⁷ Masha ni chyawm gaw, mau mahka nga nna, “Ndai wa gaw kaning re ai wa rai nga a ta? nbung hte nawng pyi, shi hpe madat mara nga ma hka?” nga shajang ma ai.

MAHTE 8:27 ပူးပေါင်းရင်းမြစ်များ

MAHTE 14:33

Dai shaloi li kata e nga ai sape ni mahtang shi hpe nawku nna, “Nang gaw Karai Kasang a Kasha kaja wa teng teng rai nga ndai,” ngu mu ai.

MAHTE 15:31

Dai rai nna, n chye shaga ai ni shaga lu ma ai, hkum hkrang hten ai ni mai tsai wa lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu ma yang shanhte mau mahka nga ma ai rai nna, Israela Karai Kasang hpe shakawn kungdawn shajang ma ai.

MAHTE 8:10

Dai ga hpe Yesu na ai shaloi shi mau nna shi kaw hkan nang ai ni hpe, “Nanhte hpe ngai teng teng tsun made ga, Israela amyu hta pyi dai hte wa kam sham ai gaw langai mi muk n mu hkrup ga nngai.

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

MAHTE 8:28

Ya hka nawng wora hkran Gadara ginwang de sa du ai shaloi, lup wa e sa nga ai nat kap ai masha lahkawng Yesu hte sa hkrum ma ai. Shan hta nat kap nna nachying n hkru la nga ma ai majaw, dai lam hku kadai mung n lai hkawm gwi ma ai.

MARKU 1:27

Masha ni yawng mung mau mahka mat nna, “Ndai gaw hpa rai nga a ta? Sharin shaga ai lam ningnan lama mi rai nga a ni? Ndai masha wa hta n seng ai nat ni hpe hkang da ai lam ni jaw na daru magam ahkang aya nga nga ai rai nna, shanhte shi hpe madat mara nga ma ai,” nga nna shada da tsun ma ai.

MARKU 6:51

Dai hpang dai li de, shi shanhte kaw shang nna dai nbung num mat wa ai, Sape ni nachying wa mau mahka nga ma ai.

MARKU 7:37

Dai byin ai lam hpe na lu ai masha yawng mayawng gaw nachying wa mau mahka mat ma ai rai nna, “Shi gaw lam yawng mayawng hte hpe mai kaja ai hku galaw lu nga ai! Na lahpang ai ni hpe na lu shangun nna, n chye shaga ai ni hpe ga tsun shangun lu ai!,” nga nna tsun shajang ma ai.