MAHTE 8:25 - Jinghpaw Common Language Bible 2009

²⁵ Dai rai nna Sape ni shi kaw sa nhtawm jasu let, “Madu e, hkye la mi, anhte si na sha rai saga ai!,” ngu mu ai.

Jinghpaw Hanson Version Bible

²⁵ Dai rai nna shi hpe sa jasu let shanhte gaw, “Madu e, hkye la mi, anhte htum mat wa nga ga ai,” ngu mu ai.

MAHTE 8:25 ပူးပေါင်းရင်းမြစ်များ

2 HKAWHKAM LABAU 14:11

Asa gaw dai Madu shi a Karai Kasang hpe, “O Madu e, nang chyawm gaw n-gun ja wa hkra karum ya lu nga ndai. Dai rai nna ya jang anhte hpe karum la mi. O Madu anhte a Karai Kasang e, nang hta anhte shamyet shanat nga ga ai majaw na a mying ningsang hta ndai hpyen hpung kaba hpe gasat ninghkap na matu anhte pru sa wa na ga ai. Madu e, nang gaw anhte a Karai Kasang rai nga ndai, kadai mung nang hpe dang kau lu na matu myit mada lu nga ai n rai,” ngu nna hpyi tsun wu ai.

2 HKAWHKAM LABAU 20:12

Nang gaw anhte a Karai Kasang rai nga ndai, shanhte hpe ari jaw u; anhte hpe gasat nga ai ndai hpyen luksuk kaba a man hta anhte gaw karum la lam n lu ai ni she rai nga saga ai. Kaning rai galaw na mung anhte n chye saga ai, rai ti mung anhte chyawm gaw karum la hkrum na matu nang hpe sha mada yu nga saga ai law,” ngu nna nsen ja ja hte hpyi jahtau wu ai.

SHAKAWN KUNGDAWN 10:1

Madu e, nang gaw hpa rai tsan tsan e nga nga n ta? Anhte ru tsang hkrum nga ga ai shaloi nang hpa majaw makoi nga n ta?

YONA 1:6

Li agyi wa dai yang e shi hpe mu nna shi hpe, “Nang hpa rai yup nga n ta? Rawt nna karum la lam a matu na a karai kaw akyu hpyi u. Shi mi she anhte hpe myit dum nna anhte a asak ni hpe shalawt la dam nhten,” ngu nna tsun wu ai.

MAHTE 8:2

Dai shaloi manggang kap ai masha langai mi sa du nna shi a man e dingnyawm let, “Madu e, nang hkraw n-yang gaw, ngai hpe shapra ya lu na rai nga ndai,” ngu wu ai.

MAHTE 8:24

Shaloi dai nawng e akajawng sha laru kaba ru wa nna, hka leng ni dai li hpe ka-up wa mu ai rai nna lup mat magang wa nga ai; rai ti mung Yesu gaw yup pyaw nga ai.

MAHTE 9:18

Yesu dai ga shanhte hpe naw tsun nga yang, tara jawng up ai Yuda agyi langai mi shi kaw sa du nna, shi a man e hput di let, “Nye a shayi sha, ya sha si mat sai; rai ti mung nang sa nna shi a ntsa e lata mara ya yang gaw, shi hkrung wa na ra ai,” ngu wu ai.

LUKA 8:24

Sape ni Madu kaw sa nhtawm, “Madu e, Madu e, anhte si na sha rai saga ai,” ngu nna shi hpe jasu mu ai. Shaloi shi rawt nna, nbung hte hkaleng ni hpe daru kau wu ai, dai ni mung sim mat wa nna, dai yang e atsin sim rai nga ai.