MAHTE 8:18 - Jinghpaw Common Language Bible 2009

¹⁸ Ya, Yesu gaw shi hpe shinggrup nga ai masha wunawng wuwa hpe mu mu yang, nawng wora hkran de rap sa wa na shi hkang da nga ai.

Jinghpaw Hanson Version Bible

¹⁸ Ya, Yesu gaw shi hpe shinggrup nga ai masha wunawng wuwa hpe mu mu yang, nawng wora hkran de rap sa wa na shi hkang da nga ai.

MAHTE 8:18 ပူးပေါင်းရင်းမြစ်များ

MAHTE 14:22

Shaloi Yesu gaw, shawa masha ni hpe shabawn dat nga yang, sape ni hpe mung li shajawn nna, shi a shawng e nawng wora hkran de rap mat wa shangun mu ai.

MAHTE 8:1

Yesu dai bum de nna yu hkrat wa yang, Masha wunawng wuwa kaba shi kaw hkan nang ma ai.

MARKU 4:35

Dai shani a shana maga de du jang, Yesu gaw, shi a sape ni hpe, “Anhte nawng wora hkran de rap sa wa saga,” ngu nna tsun mu ai.

MARKU 5:21

Yesu hte sape ni gaw hka nawng a wora hkran de bai rap mat wa ma ai. Dai nawng makau de masha wunawng kaba shi kaw sa hpawng ma ai.

MARKU 6:45

Yesu gaw shawa masha ni hpe shabawn dat nga yang, shi a sape ni hpe mung shaloi jang li hta shang nna shi a shawng e nawng wora hkran Betsaida mare de rap sa wa shangun dat mu ai.

MARKU 8:13

Madu gaw shanhte kaw na pru mat wa nna, li hta e bai shang nhtawm nawng wora hkran de rap mat wa ai.

LUKA 8:22

Lani mi hta, shi gaw shi a sape ni hte rau li langai mi hta shang nna, “Anhte nawng wora hkran de rap sa wa ga,” ngu nna shanhte hpe tsun mu ai. Shaloi shanhte rap sa wa magang ma ai.

YAWHAN 6:15

Yesu gaw masha ni shi hpe adip arip di rim la nna Hkawhkam shatai na maw nga ma ai hpe chye wu ai majaw, shi hkrai sha dai kawng de mayun lung mat wa ai.