MAHTE 8:16 - Jinghpaw Common Language Bible 2009

¹⁶ Ya shana de du yang, masha ni gaw nat kap ai ni law law hpe Yesu hpang de woi sa wa mu ai rai nna, ga hte sha, dai nat ni hpe shi shaden kau mu ai; machyi makaw hkrum ai ni yawng hte hpe mung shamai ya mu ai.

Jinghpaw Hanson Version Bible

¹⁶ Ya, shana de du yang, shanhte gaw nat kap ai masha law law hpe shi hpang de woi sa wa mu ai rai nna, ga hte sha dai nat ni hpe shi shaden kau mu ai; machyi makaw hkrum ai ni nlang hte hpe mung, shamai ya mu ai.

MAHTE 8:16 ပူးပေါင်းရင်းမြစ်များ

PRU MAT 15:26

Shi gaw, “Nye a hkang da ai ga ni hpe shadik shatup nna, ding man ai hku galaw ai hte nye a ga matsun hpe tsep kawp madat mara hkan sa myit dai rai yang chyawm gaw Egutu masha ni hta ngai shakap ai ana ahkya hpa hte mung, nanhte hpe ngai ari jaw na made ai n rai. Ngai gaw nanhte hpe shamai ya ai dai Madu rai nga nngai,” ngu nna tsun wu ai.

MAHTE 12:22

Dai shaloi jang, myi kyaw ai hte n chye shaga ai nat kap ai wa langai mi hpe shi kaw woi bang mu ai. Yesu gaw dai wa hpe shamai ya wu ai rai nna, n chye shaga ai wa gaw shaga lu ai hte myi mu lu nu ai.

MAHTE 14:14

Li hta na pru wa yang, masha wunawng wuwa kaba hpe mu hkrup nna, shanhte hpe matsan dum ai hte machyi makaw hkrum ai ni hpe shamai shatsai ya mu ai.

MAHTE 8:15

Shi a lata hpe ahtawk ya wu yang, dai hkali kawp mat nna, shi rawt nhtawm Yesu hpe galaw daw wu ai.

MAHTE 8:33

Wa rem ai ni chyawm gaw hprawng mat wa ma ai hte, dai mare de shang nna, byin mabyin hte hte, nat kap ai yan a lam hpe tsun dan mu ai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MARKU 2:3

Dai shaloi hkum katsing si ai wa langai mi hpe masha marai mali Yesu kaw hpai sa mu ai.

MARKU 5:8

(Ndai zawn nga nna tsun ai lam gaw, Yesu shi hpe, “N seng ai nat e, ndai masha kaw na pru mat wa u!,” nga nna hkang da nu ai majaw rai nga ai.)

MARKU 9:25

Yesu gaw shanhte hpang de shawa masha ni kahtep shani sa wa nga ma ai hpe mu wu yang, dai n seng ai nat hpe, “N chye shaga nna na lahpang ai nat e, ndai ma kaw na pru mat wa u. Htawm hpang e galoi mung bai hkum shang nit!, ngu nna ngai nang hpe hkang da de ai,” ngu wu ai.

LUKA 13:12

Yesu dai numsha hpe mu jang, shi hpang de shaga la nna, “Numsha e, na a machyi ai hta na, nang lawt lu nit dai!” ngu wu ai.

LUKA 4:40

Jan shang wa jang, machyi makaw re ai hte ana ahkya amyu myu kap ai masha ni yawng Yesu hpang de woi sa mu ai. Shi gaw, langai hte langai a ntsa e lata mara ai hte shanhte hpe shamai ya mu ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai. Shi Meshia rai nga ai hpe shanhte chye ma ai majaw, ga n tsun shangun lu hkra, Nat ni hpe Yesu jet kau mu ai.

KASA 5:15

Kasa ni galaw dan nga ai magam bungli ni a majaw, Petru lai sa wa yang nkau mi a ntsa e shi a shingnip sha pyi hkra u ga, nga nna machyi makaw hkrum ai ni hpe mare lam makau de hpai shapraw nhtawm yup ku ni hte panep ni hta tawn da shajang ma ai.