MAHTE 8:15 - Jinghpaw Common Language Bible 2009

¹⁵ Shi a lata hpe ahtawk ya wu yang, dai hkali kawp mat nna, shi rawt nhtawm Yesu hpe galaw daw wu ai.

Jinghpaw Hanson Version Bible

¹⁵ Shi a lata hpe ahtawk ya wu yang, dai hkali kawp mat nna, shi rawt nhtawm, shi hpe galaw daw wu ai.

MAHTE 8:15 ပူးပေါင်းရင်းမြစ်များ

2 HKAWHKAM 13:21

Lani mi na moi mang jahkrat ai aten hta, Moba masha gumlau hpung ni hpe mu ma ai rai nna, masha ni gaw dai mang hpe Elisha a lup kata de kabai bang nna kagat mat wa ma ai. Shaloi dai si mang gaw Elisha a nrut nra ni hte sa hkra ai shaloi jang shi hkrung wa nna rawt tsap nga ai.

ESAIA 6:7

Shi gaw dai grung nga ai wan n-ga hte nye a nten hpe ahtawk ya let, “Ndai hte na a nten hpe hkra ya sai, ya gaw na a mara mung n nga mat nit dai, na a yubak ni hpe raw dat kau ya sai,” ngu nna tsun ai.

MAHTE 14:36

Shanhte gaw, machyi makaw hkrum ai ni shi a palawng ban byau hpe sha pyi ahtawk na ahkang hpyi nem ma ai: ahtawk ai ni kadai mung mai mat wa ma ai.

MAHTE 20:34

Shaloi Yesu shan hpe matsan dum nna shan a myi hpe ahtawk ya mu ai; shaloi jang shan myi mu wa nna shi kaw hkan nang ma ai.

MAHTE 8:14

Yesu gaw Petru a nta de shang yang, Petru a kani yup ra hta hkali bu taw nga ai hpe mu hkrup wu ai.

MAHTE 8:16

Ya shana de du yang, masha ni gaw nat kap ai ni law law hpe Yesu hpang de woi sa wa mu ai rai nna, ga hte sha, dai nat ni hpe shi shaden kau mu ai; machyi makaw hkrum ai ni yawng hte hpe mung shamai ya mu ai.

MAHTE 8:3

Yesu gaw shi a lata ladawn nna, shi hpe ahtawk let, “Ngai hkraw nga nngai, san pra wa nu!,” ngu wu ai. Dai shaloi jang, shi a manggang ana san pra mat lu ai.

MAHTE 9:20

Ya shi lahkawng ning sai htaw machyi ai numsha langai mi mung Yesu a shingdu maga hku sit sa wa nna palawng ban byau matu hpe ahtawk wu ai.

MAHTE 9:29

Dai rai nna shan a myi hpe ahtawk nna, “Nan kam sham nga ai hte maren, byin wa malit ga,” ngu mu ai.

MARKU 1:29

Dai hpang Yesu hte sape ni gaw Yaku yan Yawhan hte rau tara jawng na pru wa nhtawm, Simun yan Andre a nta de ding tawng sa shang ma ai.

MARKU 1:41

Yesu gaw matsan dum ai hte shi a lata ladawn nna ahtawk let, “Ngai hkraw nga nngai, san pra wa nu!,” ngu nna htan wu ai.

LUKA 8:54

Rai ti mung Yesu chyawm gaw, dai ma a lata jum da nna, “Ma e, rawt u!” ngu nna shaga wu ai.