MAHTE 8:12 - Jinghpaw Common Language Bible 2009

¹² Rai ti mung dai mungdan a kashu kasha tai ai ni chyawm gaw, shinggan de na nsin hta shaden bang kau ai hkrum na mara ai; dai yang e, hkrap ngu hkrap ngoi ai hte wa wurin wudik rai na mara ai; ngu mu ai.

Jinghpaw Hanson Version Bible

¹² Dai mungdan a kashu kasha ni chyawm gaw, shinggan de na nsin hta shaden bang kau ai hkrum na mara ai: dai yang e, hkrap ngu hkrap ngoi ai hte wa urin udik rai nga na mara ai,” ngu mu ai.

MAHTE 8:12 ပူးပေါင်းရင်းမြစ်များ

SHAKAWN KUNGDAWN 112:10

Tara n lang ai ni dai lam hpe mu nna, masin pawt nga ma ai; shanhte gaw wa utik ai hte myit daw hten mat nna; shanhte a myit mada ai lam ni mung htani htana hten mat na mara ai.

ESAIA 65:14

Shanhte gaw kabu gara mahkawn mangoi na mara ai, rai ti mung nang chyawm gaw myit daw ai hte jahtau hkrap na rai ndai.

MAHTE 13:38

Hkauna gaw mungkan ga rai nga ai. Kaja ai nli gaw Karai Kasang a Mungdan a kashu kasha ni rai nga ma ai; Tsing gaw dai n hkru ai wa a kashu kasha ni rai nga ma ai.

MAHTE 13:42

wan htung hta kabai bang da na maru ai rai nna, dai yang e hkrap ngu hkrap ngoi ai hte wa udik rai na mara ai.

MAHTE 13:50

shanhte hpe wan htung hta kabai bang kau na maru ai; dai yang e shanhte hkrap ngu hkrap ngoi hte wa udik rai na mara ai.

MAHTE 21:43

“Dai rai nna ngai nanhte hpe tsun made ga, Karai Kasang a Mungdan hpe nanhte kaw na shaw la kau nna asi atsawm sha shapraw ya lu ai amyu hpe jaw kau na ru ai.”

MAHTE 24:51

shi a madu gaw shi hpe azat aza di kau nhtawm, sawt ai ni hkam la ga ai ari shi hpe mung garan hkam la shangun na ra ai rai nna, dai yang e shi gaw hkrap ngu hkrap ngoi ai hte wa udik urin ai rai na ra ai.

MAHTE 25:30

Dai akyu n rawng nna n hkaw ai mayam hpe gaw shinggan na nsin sin ai de shaden shapraw kau u: dai shara e shi gaw hkrap ngu hkrap ngoi ai hte wa udik urin rai na ra ai,’ ngu nna jeyang nu ai.

LUKA 13:28

Nanhte gaw, Karai Kasang a mungdan e, Abraham Isak, Yaku hte myihtoi ni yawng nga nga ai hpe nanhte mu lu da nna, nanhte hkum nan gaw shinggan de shapraw kau ai hkrum myit dai shaloi, nanhte gade daram hkrap ngu hkrap ngoi ai hte wa wurin wudik rai na n rai nga myit hka!

KASA 3:25

Shi a myihtoi ni hku nna nanhte hpe Karai Kasang jaw ai ga sadi ni gaw nanhte a matu rai nga ai hta n ga, nanhte a nji nwa ni hte Karai Kasang tawn da ai ga shaka ni hte mung seng nga myit dai. “Karai Kasang gaw Abraham hpe na a amyu matu a marang e ga ntsa na amyu mahkra gumring gumrat chyeju hkam la shajang na mara ai nga nna tsun ai.”

ROMA 9:4

Shanhte gaw Karai Kasang e lata la ai amyu rai nga ma ai; Karai Kasang gaw shanhte hpe kasha yin la nna, shi a hpung shingkang shadan dan mu ai hte shanhte hte ga shaka tawn da nna jep ai Tara jaw mu ai. Shanhte gaw teng man ai nawku daw jau ai lam hte Karai Kasang a ndat ga ni hpe mung hkam la lu ma ai.

2 PETRU 2:17

Ndai masha ni gaw hka hkyet hkraw mat sai hka shi ni hte mung, nbung laru e shapoi hkawm ai sumwi ni hte mung bung nga ma ai. Karai Kasang gaw sin mak nna sung dik ai kaw shanhte a matu shara langai mi mazing da ya manu ai.

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.

1 SAMUELA 2:9

“Shi gaw sadi sahka myit rawng ai amyu masha ni a asak hkrun lam ni hpe makawp maga ya nga ai, rai ti mung, n hkru ai ni chyawm gaw nsin kata hta hkoi mat na mara ai; masha gaw tinang a atsam hte dang lu ai n rai.