MAHTE 8:10 - Jinghpaw Common Language Bible 2009

¹⁰ Dai ga hpe Yesu na ai shaloi shi mau nna shi kaw hkan nang ai ni hpe, “Nanhte hpe ngai teng teng tsun made ga, Israela amyu hta pyi dai hte wa kam sham ai gaw langai mi muk n mu hkrup ga nngai.

Jinghpaw Hanson Version Bible

¹⁰ Dai ga Yesu na yang shi mau nna shi kaw hkan nang ai ni hpe tsun mu ai gaw, “Nanhte hpe ngai teng teng tsun made ga, Israela amyu hta pyi, dai hte wa kamsham ai gaw ngai n mu hkrup nngai;

MAHTE 8:10 ပူးပေါင်းရင်းမြစ်များ

NINGPAWT NINGHPANG 43:33

Kahpu kanau ni gaw hpu lat wa kaw nna hpungdim wa kaw du hkra tinang a asak kaji kaba hku hkan nna Yosep hte man hkrum rai sha ku saboi e greng rai dung nga ma ai; shanhte kaning rai dung nga ai hpe shanhte mu ai shaloi shanhte shada da yu nna mau nga ma ai.

MAHTE 15:28

Dai rai nna Yesu gaw, “Nang gaw kam sham myit kaba ai numsha rai nga ndai! Nang ra sharawng ai hte maren byin wa lit ga,” ngu nna shi hpe htan wu ai. Dai ahkying kaw nna nan, shi a shayi sha mai mat lu ai.

MAHTE 8:11

Bai ngai nanhte hpe tsun made ga, sinpraw maga de na hte, sinna maga de na masha ni law law wa du sa wa nna, sumsing lamu a Mungdan hta e, Abraham, Isak, Yaku hte hte rau lusha poi hta dung lu na mara ai.

MAHTE 8:9

Ngai mung du kaba ni a ahkang aya npu na masha langai mi rai nga nngai. Nye lawu de mung hpyen ma ni nga ma ai rai nna, marai langai mi hpe, ‘Sa su’ ngu yang, shi sa wa ai; kaga wa hpe ‘Wa rit’ ngu yang shi wa ai; nye a mayam wa hpe mung, ‘Ndai galaw u’ ngu yang shi galaw nga ai,” ngu nna htan wu ai.

MARKU 6:6

Dai masha ni hta makam masham n nga ai majaw, shi grai mau nga ai. Dai hpang, grup yin hkan na kahtawng ni hta e, shi kawan hkawm nna, masha ni hpe sharin shaga nga ai.

LUKA 5:20

Yesu shanhte hta kam sham ai myit gade daram rawng ai lam mu ai shaloi, katsing si ai wa hpe, “Masha wa e, na a yubak mara ni dat kau ya sade ai,” ngu wu ai.

LUKA 7:50

Rai ti mung, Yesu gaw numsha hpe, “Na a kam sham ai gaw nang hpe hkye la nit dai, apyaw sha wa nu,” ngu nna tsun dat wu ai.

LUKA 7:9

Yesu gaw dai ga na jang, dai wa a lam mau nna, shi kaw hkan nang ai shawa masha ni hpe kayin yu let, “Nanhte hpe ngai tsun made ga, Israela amyu hta pyi, ndai zawn kam sham ai gaw ngai n mu hkrup nngai,” ngu mu ai.

KASA 2:7

Mau mahka let shanhte gaw, “Ndai zawn nga nna shaga nga ai masha ni gaw Galile masha ni n rai nga ma ni?