MAHTE 7:7 - Jinghpaw Common Language Bible 2009

⁷ “Hpyi mu, shaloi nanhte lu na myit dai; tam mu, shaloi nanhte mu lu na myit dai; akawk mu, shaloi nanhte a matu chyinghka hpaw ya na ra ai.

Jinghpaw Hanson Version Bible

⁷ Hpyi mu, shaloi nanhte lu la na myit dai; tam mu, shaloi nanhte mu lu na myit dai; akawk mu, shaloi nanhte a matu hpaw na ra ai.

MAHTE 7:7 ပူးပေါင်းရင်းမြစ်များ

NINGPAWT NINGHPANG 26:32

Dai shani jang, Isak a shangun ma ni gaw, “Anhte hka mu saga ai,” nga nna shanhte htu da sai hka htung a lam shi hpe wa tsun dan mu ai.

1 HKAWHKAM 3:5

Dai Madu gaw dai shana e yup mang hta shi kaw dan pru nhtawm, “Ngai nang hpe hpa jaw na hpyi e,” ngu nna shi hpe san wu ai.

SHAKAWN KUNGDAWN 10:17

O Madu e, grit nem ai ni a akyu hpyi ga ni hpe nang madat ya na rin dai; nang gaw shanhte hpe nden marai jaw ya na ra ai.

SHAKAWN KUNGDAWN 10:4

Tara n lang ai masha wa gaw Madu a lam hpe hpa zawn n nawn nga ai; Karai Kasang n ra ai nga nna shi a myit hta gumrawng nga lu ai.

SHAKAWN KUNGDAWN 119:12

Madu e, ngai nang hpe shakawn nga nngai; na a lam ni, ngai hpe sharin ya e.

SHAKAWN KUNGDAWN 27:8

“Ngai hpe nawku daw jau na sa rit,” nga nna nang tsun ndai shaloi, “Madu e, ngai sa wa na nngai,” ngu nna ngai htan ni ai.

SHAKAWN KUNGDAWN 34:4

Ngai gaw Madu kaw akyu hpyi ni ai hte shi ngai hpe htan ya ni ai; shi gaw nye a hkrithpa lam yawng kaw na, ngai hpe shalawt la ni ai.

SHAKAWN KUNGDAWN 37:4

Dai Madu hta na a kabu gara ai lam hpe tam la u; shi gaw na a myit ra sharawng ai lam hpe jaw ya na ra ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 69:32

Dip gamyet sha hkrum nga ai ni, dai lam hpe mu ma ai shaloi, shanhte kabu gara wa lu na mara ai; Karai Kasang hpe nawku daw jau ai ni mung myit n-gun lu la na mara ai.

SHAKAWN KUNGDAWN 70:4

Nang kaw du sa ai ni yawng hte gaw awng sharawng ai hte kabu gara nga mu ga. Na a hkye hkrang la ai lam hpe chyeju dum ai ni yawng hte gaw, “Madu gaw kade wa galu kaba nga a hka!,” nga nna tut tut atsun nga mu ga.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

GA SHAGAWP 8:17

Ngai hpe tsaw ra ai ni hpe ngai tsaw ra nga nngai; ngai hpe tam ai ni kadai rai ti mung, ngai hpe mu tam lu nga ai.

Shawlumon A Mahkawn Ga 3:2

Ngai gaw mare hkan e mung, de a nmaw lam ni hte lam kaji hkan e mung kahkrang hkawm nngai. Ngai gaw ngai tsaw ra ai wa hpe tam hkawm nngai; ngai mada yu ti mung shi hpe mu lu ai n rai.

ESAIA 30:19

Yerusalem hta shanu nga ai amyu masha ni, nanhte gaw galoi mung hkrap sana n rai. Dai Madu gaw matsan chye dum ai wa rai nga ai, nanhte shi kaw karum la na matu jahtau ai shaloi, shi nanhte hpe htan ya na ra ai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

AMO LAIKA (AMOS) 5:4

Dai Madu gaw Israela amyu masha ni hpe, “Ngai hpang de sa marit, nanhte hkrung nga na rai myit dai.

MAHTE 18:19

Bai ngai nanhte hpe naw tsun made ga, nanhte hta na marai lahkawng dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw shan a matu dai hpe shatup ya na mu ai.

MAHTE 21:22

Nanhte gaw kam sham ai myit hte akyu hpyi myit yang, nanhte hpyi mahpyi mahkra lu la na marin dai,” ngu nna shanhte hpe tsun mu ai.

MAHTE 6:33

Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

MAHTE 7:8

Hpa majaw nga yang, hpyi ai wa kadai mung lu la ai; tam ai wa kadai mung mu la ai; akawk ai wa hpe mung chyinghka hpaw ya na wu ai.

MARKU 11:24

Dai re ai majaw ngai nanhte hpe tsun made ai gaw; nanhte akyu hpyi ai hte lama ma hpyi myit yang, nanhte lu la na ra ai ngu nna kam sham nga mu, shing rai jang nanhte hpyi ai hpa rai ti mung, lu la na marin dai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

LUKA 18:1

Dai hpang Yesu gaw, tut nawng akyu ahpyi nga mu ga hte myit n hten malu ga, sape ni hpe ga shadawn langai mi hte sharin shaga mu ai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

YAWHAN 15:7

Nanhte ngai hta noi nga nna, nye ga mung nanhte hta noi nga ai rai yang gaw, nanhte hpa hpyi mayu yang hpyi mu, hpyi ai hte maren nanhte lu na myit dai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

ROMA 3:11

Chye chyang ai wa langai mi mung n nga ai, Karai Kasang hpe nawku ai wa mung n nga ai.

HEBRE 11:6

Makam masham n rawng yang kadai mung Karai Kasang hpe sharawng awng shangun lu ai n rai, hpa majaw nga yang, Karai Kasang kaw sit shang ai wa kadai mung, Karai Kasang nga nga ai hte shi hpe hkan tam ai ni hpe chyeju htang jaw nga ai, ngu ai hpe kam sham ai wa rai lu na rai nga ai.

YAKU 5:15

Kam sham ai myit hte akyu hpyi ai ga gaw dai machyi ai wa hpe shamai shatsai lu nna dai Madu gaw shi hpe bai hkam kaja wa shangun na ru ai hte shi galaw hkrup kau ai yubak mara ni hpe mung raw dat kau ya na ra ai.

1 YAWHAN 3:22

Anhte gaw Karai Kasang a hkang da ai ga ni hpe madat mara nna, shi a sharawng awng ai amu hpe galaw ga ai majaw, anhte hpyi ai lam shagu hpe anhte lu la ga ai.