MAHTE 7:6 - Jinghpaw Common Language Bible 2009

⁶ “Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

Jinghpaw Hanson Version Bible

⁶ Chyoi pra ai arai hpe gwi ni hpe hkum jaw mu; nanhte a hkachyi ni hpe wa ni man e hkum kabai tawn mu: shing n rai jang, dai ni tinang a lagaw hte dai hpe kabye kau nna, nanhte hpe nhtang kawa na marin dai.

MAHTE 7:6 ပူးပေါင်းရင်းမြစ်များ

GA SHAGAWP 11:22

Htauli htaula myit n rawng ai num gaw ahpraw tsawm ti mung, wa kanu a nnaw hta noi ai ja shanghkawng hte bung nga ai.

GA SHAGAWP 23:9

Angawk ai wa hpe lachyum sung ai ga, tsun dan na hkum shakut et; shi gaw dai hpe manu chye shadan lu ai n rai.

GA SHAGAWP 26:11

A gwi gaw shi a nhpat bai nhtang sha ai zawn angawk ai wa gaw shi a angawk ai amu hpe bai nhtang galaw nga ai.

GA SHAGAWP 26:4

Lachyum n pru ai ga san hpe nang htai ai rai yang, dai hpe san ai wa zawn nang rai nga ndai.

MAHTE 15:26

Yesu gaw, “Kasha ni a shahpa hpe la nhtawm gwi ni hpe jaw kau na gaw n jaw nga ai,” ngu nna htan wu ai.

MAHTE 24:10

Dai shaloi e, masha law law wa myit kataw nna lam dam wa ai hte shada da ap kau ai hte shada da n dawng n wawm na mara ai.

MAHTE 7:5

Sawt ai wa e, na a myi hta na hpun tawng hpe shawng lai kau u; dai hpang na a nhpu nnau wa a myi hta na nbun hpe lai kau ya na matu, nang asan sha mu lu na rin dai.

2 KORINHTU 11:26

Ngai law law lang bu hkawm sa ai hta hka tung wa nna hkrum ai tsin yam, damya hkrum ai tsin yam, nye a Yuda amyu masha ni di ai tsin yam, maigan amyu ni e di ai tsin yam, mare kahtawng hkan hkrum ai tsin yam nam mali hkan hkrum ai tsin yam, nammukdara e hkrum ai tsin-yam, masu ai hpu nau ni e di ai tsin yam ni hpe hkrum katut lai wa ni ai.

HPILIPI 3:2

N hkru n shawp ai bungli galaw ai ni hpe sadi let makran nga mu; gwi ni hpe makran nga mu. Tinang a hkum hpe gadoi di ai masha ni hpe makran nga mu.

HEBRE 10:29

Dai rai yang gaw, Karai Kasang a Kasha hpe n kaw n law di kau ai wa, tinang hkum hpe yubak mara kaw na shachyoi shapra la ai Karai Kasang a ga shaka hte seng ai asai hpe hpa n nawn, ahpa atang re ai arai shatai ai wa, chyeju jaw ya ai Wenyi hpe roi n ra re ai wa gaw kaning rai na kun? Shi hkrum sha ging ai ari gaw gade grau sawng na kun? She myit yu mu!

HEBRE 6:6

Shing re ai hpang she, ya shanhte gaw shanhte a makam masham hpe kau da manu ai. Shanhte gaw Karai Kasang a Kasha hpe wudang hta kalang mi bai jen da nna, shawa masha ni a man e n gawn n sawn di kaya jahkrum da nga ma ai majaw, shanhte hpe myit malai bai lu shangun na matu gara hku mung n mai byin mat sai.

2 PETRU 2:22

“Gwi gaw tinang a nhpat hpe nhtang sha ai,” bai “Wa gaw kashin ya ngut ai hpang hkum pup hta bai galwi nga ai,” nga ai ga shagawp gaw shanhte a matu teng nga ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.