MAHTE 7:3 - Jinghpaw Common Language Bible 2009

³ Dai rai yang nanhte gaw tinang a myi hta rawng ai hpun tawng hpe n myit shakru ya ai mi, na nhpu nnau wa a myi hta rawng ai nbun hpe, hpa rai yu nga n ta?

Jinghpaw Hanson Version Bible

³ Tinang a myi hta rawng ai hpuntawng hpe n myit yu ai mi, na a nhpu nnau a myi hta rawng ai nbun hpe, nang hpa rai yu nga n ta?

MAHTE 7:3 ပူးပေါင်းရင်းမြစ်များ

MAHTE 7:4

Na a myi hta hpun tawng rawng nga nlen, ‘chyeju hte na a myi hta na nbun hpe ngai lai kau ya de ga,’ ngu nna na nhpu nnau wa hpe nang kaning rai tsun gwi lu n ta?

MAHTE 7:5

Sawt ai wa e, na a myi hta na hpun tawng hpe shawng lai kau u; dai hpang na a nhpu nnau wa a myi hta na nbun hpe lai kau ya na matu, nang asan sha mu lu na rin dai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.

ROMA 2:1

Jinghku wa e, nang gaw masha kaga wa hpe jeyang daw dan nga n ni? Nang gaw kadai wa mi rai nga ti mung, na a mara raw lu hkra jahpai na lam mi n nga mat salit dai. Hpa majaw nga yang, nang gaw masha kaga wa hte maren sha yubak galaw ai wa rai nga da ninglen masha kaga wa hpe jeyang daw dan n yang gaw na hkum hpe mahtang nang daw dan kau da wu ai.

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.