MAHTE 7:23 - Jinghpaw Common Language Bible 2009

²³ Dai shaloi e, ‘Ngai nanhte hpe galoi mung n chye made ai; n hkru n kaja ai masha ni e, ngai kaw na pru mat wa mu!,’ ngu nna ngai shanhte hpe tsun na mawe ai.

Jinghpaw Hanson Version Bible

²³ Dai shaloi e, ‘Ngai nanhte hpe galoi mung n chye made ai; n tara ai amu galaw ai ni e, ngai kaw na pru mat wa mu,’ ngu nna ngai shanhte hpe tsun na mawe ai.

MAHTE 7:23 ပူးပေါင်းရင်းမြစ်များ

SHAKAWN KUNGDAWN 119:115

Yubak kap ai masha ni e, ngai kaw nna pru mat wa mu, nye a Karai Kasang a hkang da ai ga ni hpe ngai madat mara nga na nngai.

SHAKAWN KUNGDAWN 5:5

Gumrawng gumtawng ai ni gaw na a man e tsap lu ma ai n rai, tara n lang ai masha ni yawng hpe mung nang n ju n dawng nga ndai.

SHAKAWN KUNGDAWN 6:8

N hkru ai masha nanhte e, ngai kaw nna pru mat wa mu! Dai Madu gaw nye a hkrap ngu hkrap ngoi ai nsen hpe na ya nga ai;

MAHTE 25:12

La ningnan wa mahtang htan nna, ‘Nanhte hpe ngai teng teng tsun made ga, ngai nanhte hpe n chye made ai,’” ngu mu ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

LUKA 13:27

Rai ti mung nta madu wa gaw, “Nanhte kanang na rai myit dai hpe ngai n chye nngai, n hkru n shawp ai masha ni yawng hte e, ngai kaw na pru mat wa mu!,” nga nna tsun na ra ai.

YAWHAN 10:14

Ngai gaw sagu rem wa kaja rai nngai; nye Wa gaw ngai hpe chye ai rai nna ngai mung Wa hpe chye nngai zawn,

2 TIMOHTI 2:19

Rai ti mung Karai Kasang e jahkrat da sai ngang kang ai npawt nhpang hkridun chyawm gaw shamu shamawt shangun lu ai n rai; dai npawt nhpang a ntsa e dai Madu gaw, “Shi a masha rai nga ai ni hpe chye chyap nga ai,” nga nna mung, “Madu hte seng ai wa rai nngai nga nna tsun matsun yawng hte gaw shut hpyit ai amu hpe tawn kau da mu ga,” nga nna masat dazik ka shakap da nga ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.