MAHTE 7:22 - Jinghpaw Common Language Bible 2009

²² Tara daw dan ai nhtoi du ai shaloi, ‘Madu e, Madu e, na a mying hte Karai Kasang a mungga hkaw tsun saga ai hte, na a mying hte nat law law hpe shaden kau nna, na a mying hte mauhpa magam amu law law shachyen saga ai,’ nga nna law law wa ngai hpe tsun na mara ai.

Jinghpaw Hanson Version Bible

²² Dai shani e, ‘Madu e, Madu e,’ na a amying hte anhte myihtoi htoi saga ai hte, na a amying hte nat hkyawt kau nna, na a amying hte magam amu law law shachyen saga ai, n rai ni? nga nna law law wa ngai hpe tsun na mara ai.

MAHTE 7:22 ပူးပေါင်းရင်းမြစ်များ

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 2:17

Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.

BU HKAWM 24:4

Ngai chyawm gaw Chyahtum Chyalai n-gun rawng ai Karai Kasang kaw na shingran hku dinghkren lu ai Myi hte myit shingran mu chye nngai.

BU HKAWM 31:8

Midian hkawhkam manga rai nga ai Ewi, Rekem, Zura, Hura hte Reba ni lawm hkra sat kau ma ai. Beora a kasha Balam hpe mung sat kau ma ai.

MAHTE 10:15

Ngai nanhte hpe teng teng tsun made ai gaw, tara dara ai nhtoi hta e dai mare masha ni gaw Sodom hte Gomora mare hta grau nna yubak ari hkrum sha na mara ai.

MAHTE 24:36

“Rai ti mung, dai du na ra ai shani hte ahkying hpe chyawm gaw kadai mung n chye lu ai; lamu kasa ni hte Kasha wa pyi dai hpe n chye lu ai; Wa hkrai sha dai hpe chye lu ai.

MAHTE 25:11

“Dai hpang mahkawn kaga ni du wa nna, ‘Madu e! Madu e! Anhte hpe hpaw la mi!,’ ngu nna hpyi mu ai.

MAHTE 7:21

“Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

LUKA 10:12

Ngai nanhte hpe tsun made ga, dai Tara Dara ai Nhtoi hta karai kasang gaw Sodom mare hpe dai mare hta grau nna matsan dum ai myit madun na ra ai.

YAWHAN 11:51

Ya dai hpe kaja wa shi a myit hte shi tsun wu ai n rai, dai shaning e shi Hkinjawng Agyi Kaba rai nga ai majaw Yesu gaw, Yuda masha ni a matu si hkam na ra ai lam myihtoi ga tsun nga ai.

1 HTESALONI 5:4

Rai ti mung Hpu nau ni e, nanhte chyawm gaw nsin hta e nga nga ai ni n rai myit dai majaw, dai Madu bai du sa na shani gaw lagut zawn akajawng sha nanhte hpe dep la kau lu na n rai.

2 HTESALONI 1:10

Madu gaw bai du sa ai shani e, shi a amyu masha ni yawng mayawng a man e hpung shingkang hpe mung, kam sham ai ni yawng e shagrau hkungga ai lam hpe mung, hkam la na ra ai. Anhte hkaw tsun dan ai mungga hpe nanhte kam sham nga manit dai majaw, Madu hpe shagrau sha-a ai ni hta nanhte mung lawm na marin dai.

2 TIMOHTI 1:12

Dai lam a majaw ndai nni nkri ru yak jam jau ni hpe ngai hkam jan nngai, Rai ti mung nye a kam hpa ai myit gaw ngai hta naw hpring chyat nga ai. Hpa majaw nga yang, ngai kadai wa hpe kam manoi nga nngai gaw ngai chye nga ai hte ngai hpe kam nna nye a lata hta ap tawn da sai dai Kabu Gara Shiga hpe tara jeyang ai Shani Nhtoi du hkra makawp maga mahkyu da ya lu ai n-gun atsam shi hta rawng nga ai ngu nna ngai myit mu myit hkut nga nngai.

2 TIMOHTI 1:18

Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.