MAHTE 7:21 - Jinghpaw Common Language Bible 2009

²¹ “Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

Jinghpaw Hanson Version Bible

²¹ Ngai hpe, ‘Madu e, Madu e,’ nga ai hte yawng mayawng gaw, sumsing lamu na mungdan hta shang lu na ma ai n rai: sumsing lamu hta nga ai, nye Wa a myit hkan ai wa sha, shang lu na ra ai.

MAHTE 7:21 ပူးပေါင်းရင်းမြစ်များ

MAHTE 12:50

“Ngai nu hte ngai nau ni hpe yu mu: Sumsing lamu hta nga ai Nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 16:17

Dai rai nna Yesu gaw, “Yawhan a kasha Simun e, nang a lu ndai; ndai lam hpe yu maya masha langai mi hku nna nang n chye lu ndai; Sumsing lamu e nga ai nye Wa gaw dai hpe madun dan da ndai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 18:19

Bai ngai nanhte hpe naw tsun made ga, nanhte hta na marai lahkawng dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw shan a matu dai hpe shatup ya na mu ai.

MAHTE 18:3

“Nanhte hpe ngai teng teng tsun made ga, nanhte myit n kayin nna ma kaji zawn n tai myit yang gaw, sumsing lamu a Mungdan hta nanhte n shang lu na myit dai.

MAHTE 18:35

“Shing rai nanhte hta na kadai wa rai ti mung, tinang a hpu nau wa a mara hpe myit masin yawng hte n raw dat kau ya myit yang gaw, sumsing lamu na nye Wa mung, nanhte hpe tai htang na marin dai,” ngu wu ai.

MAHTE 19:24

Bai, ngai nanhte hpe tsun made ga, samyit na hku gawla-uk gale na gaw naw loi na re, sutgan lu su ai wa Karai Kasang a Mungdan hta shang na mahtang grau yak la nga ai,” ngu tsun wu ai.

MAHTE 25:10

Shing rai myit n su ai mahkawn ni sau mari na sa wa ai laman e, la ningnan du sa wa ai. jin jin rai nga ai mahkawn manga hte gaw hkungran ai poi de shi hte rau shang lu ma ai rai nna, dai chyinghka hpe la kau manu ai.

MAHTE 25:21

Shaloi shi a madu gaw, ‘Ara rai sa, kaja ai hte sadi dung ai mayam e, arai loi sha hta nang kangka rai nit dai; dai rai nna arai law law a ntsa e ngai nang hpe san tawn da na de ai, na madu a kabu gara ai hta nang shang lawm u!,’ ngu nna shi hpe tsun wu ai.

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MARKU 3:35

Karai Kasang a myit ra ai lam hte maren hkan sa galaw ai ni kadai rai ti mung, ngai nau, ngai jan, ngai nu, rai nga ma ai,” ngu mu ai.

MARKU 9:47

Na a myi gaw, na a makam masham hpe myit kataw shangun a yang gaw, dai hpe malawk kau u! Myi lahkawng maga ahkum ara hte ngarai mung de jahkrat kau ai hkrum na hta, myi maga mi n hkum ai hte Karai Kasang a mungdan de shang na gaw grau mai nga ai.

LUKA 11:28

Rai ti mung, Yesu gaw, “Karai Kasang a mungga madat la nna, hkan nang ai ni mahtang gade wa a lu nga ma hka!,” ngu nna htan wu ai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

LUKA 18:25

Lu su ai wa Karai Kasang a Mungdan de shang na hta, gawla-uk langai mi samyit na hku gale na mahtang grau loi nga ai,” ngu wu ai.

LUKA 6:46

“Ngai tsun ai hte maren n hkan galaw myit dai mi hpa rai nanhte ngai hpe Madu e, Madu e, nga myit ta?

YAWHAN 14:7

Ya nanhte ngai hpe chye myit dai rai yang gaw, nye Wa hpe mung nanhte chye na manit dai; ya kaw nna nanhte shi hpe chye manit dai, mu mung mu yu manit dai,” ngu nna shi hpe tsun wu ai.

YAWHAN 15:23

Ngai hpe n dawng ai wa gaw, nye Wa hpe mung n dawng ai wa rai nga ai.

YAWHAN 3:5

Yesu gaw, “Ngai nang hpe kaja wa teng teng tsun de ga, hka hte Wenyi e n shangai ai masha gaw, Karai Kasang a Mungdan hta shang lu na n rai.

YAWHAN 5:17

Shaloi Yesu gaw, “Nye Wa gaw ya du hkra pyi amu galaw nga ai rai nna, ngai mung galaw lu na rai nga ai,” ngu nna shanhte hpe htan mu ai.

YAWHAN 6:40

Hpa majaw nga yang, nye Wa a myit ra ai lam gaw, Kasha wa hpe mu nna kam sham ai ni yawng mayawng htani htana asak lu la shangun na lam rai nga ai. Ngai mung hpang jahtum na nhtoi hta shanhte hpe ngai sharawt la na mawe ai,” ngu nna shanhte hpe tsun mu ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

ROMA 2:13

Hpa majaw nga yang, dai Tara hpe na yu ai hte sha Karai Kasang a man e ding hpring lu ai n rai, Tara hta hkang da ai hte maren hkan galaw yang sha ding hpring ai ngu na maru ai.

EHPESU 6:6

Madu ni yu nga ai shaloi myi man pa mayu ai majaw sha hkum galaw myit; Hkristu a mayam ni zawn, Karai Kasang a myit ra ai hku hte maren, myit masin yawng hte galaw nga mu.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

1 HTESALONI 4:3

Karai Kasang gaw, nanhte hpe chyoi pra san seng shangun mayu ai hte n se n sa re ai hku asak hkrung ai lai len kaw na tsep kawp lawt na matu ra sharawng nga ai.

1 HTESALONI 5:18

Lam shagu hta chyeju dum shakawn kungdawn nga mu. Dai gaw Hkristu hta e nanhte a asak hkrung lam hte seng nna Karai Kasang a myit ra ai lam rai nga ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

HEBRE 4:6

Dai Kabu Gara Shiga hpe shawng na la ai ni gaw, dai shiga hpe n kam n sham ma ai majaw dai ban sa ai de n shang lu ma ai. Dai rai nna, dai ban sa ai hpe kaga masha ni hpe mahtang hkam la na ahkang jaw kau mu ai.

YAKU 1:22

Shi a mungga hpe na yu ai hku nna sha tinang a hkum hpe n hkalem kau myit ga; dai mungga hpe hkan galaw ai ni nan atai nga mu.

1 PETRU 2:15

Hpa majaw nga yang, nanhte galaw ai mai kaja ai amu ni a marang e machye machyang n rawng ai angawk angak nga nna shaga ai masha ni a ga hpe nanhte shazim kau mu ga, Karai Kasang ra sharawng nga ai.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

SHINGRAN 2:27

Dai ahkang aya gaw: masha mungdan ni a ntsa e hpri sumdoi hte up hkang nna, di bu sama a di bu ni hpe zawn ayun ayaw rai hkra adup grawp kau na ahkang aya rai nga ai.

SHINGRAN 22:14

Asak jahkrung ai hpun a asi sha lu na hte, mare chyinghka hku shang lu na ahkang lu la na matu, tinang a hpun palawng hkrut jasan kau ai ni gaw a lu ma ai.

SHINGRAN 3:5

Awng padang lu ai ni gaw ning re ai hpraw ai hpun palawng bu hpun lu na mara ai; shanhte a amying ni hpe asak laika hta na ngai shaprai kau ya na n rai. Nye Wa a man e mung, shi a lamu kasa ni a man e mung, shanhte gaw ngai hte seng ai ni rai ma ai ngu nna, dan dan leng leng ngai tsun shana yin la na nngai.