MAHTE 7:19 - Jinghpaw Common Language Bible 2009

¹⁹ Ja ai asi n si ai hpun shagu hpe gaw kran daw kau nna, wan hta kabai bang kau ai hkrum ma ai.

Jinghpaw Hanson Version Bible

¹⁹ Ja ai asi n si ai hpun yawng mayawng hte gaw, kran daw kau nna wan hta kabai bang kau ai hkrum ma ai.

MAHTE 7:19 ပူးပေါင်းရင်းမြစ်များ

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

Daniela 4:14

Shi gaw nsen ja ja hte, ‘Hpun hpe kran kau nna de a lakung lakying ni hpe krum kau u; de a alap ni hpe ashin kau nhtawm asi ni hpe sharun ayai kau u. De a hpun npu hkan nga ai dusat ni hte lakung lakying hkan dung ai ntsa malen u ni hpe shaden kau u.

MAHTE 3:10

Hpun ni hpe ru npawt kaw nna kran daw kau na matu ningwa hpe hkyen tawn da chyalu rai nna, asi kaja n si ai hpun shagu hpe kran daw kau nna, wan hta kabai bang kau na ra ai.

MAHTE 7:18

Kaja ai hpun gaw n ja ai asi si lu ai n rai, hpun daw wa ai hpun mung, ja ai asi si lu ai n rai.

LUKA 3:9

Dai nwa gaw, hpun ni hpe ru kaw nna hkawt kran kau na matu hkyen da chyalu rai nga sai, dai rai nna, asi kaja n si ai hpun shagu hpe kran daw kau nna, wan hta kabai bang kau na rai nga ai,” ai.

TITU 3:14

Sha na, bu hpun na, nga na lam a matu kaja wa ra kadawn nga ai hpe jaw lu hkra, anhte a masha ni kaja ai kan bau bungli galaw ai hta shanhte a aten hpe jai lang chye mu ga hte, shanhte gaw akyu n rawng ai baw asak n hkrung mu ga sharin ya u.

HEBRE 6:8

Rai ti mung dai aga gaw ju hpun hte atsing ni sha tu pru shangun ai rai yang gaw hpa akyu mi n nga ai hta n ga, Karai Kasang a dagam dala ai hkrit hpa hte wan hta jahten kau ai hkrum na ra ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.