MAHTE 7:16 - Jinghpaw Common Language Bible 2009

¹⁶ Shanhte galaw ai sat lawat asi hte shanhte hpe nanhte chye lu na marin dai. Ju hpun ni hta na maihpang si di la lu a ni?

Jinghpaw Hanson Version Bible

¹⁶ Shanhte a asi hte shanhte hpe chye lu na rai mu ai. Ju hpun hta na tsabyi si, salau hpun hta na maihpang si di la lu a ni?

MAHTE 7:16 ပူးပေါင်းရင်းမြစ်များ

GA SHAGAWP 20:11

Ma kaji langai pyi gaw, shi galaw ai amu hte shi kaning re ai wa re ai lam hpe chye shangun nga ai; shi myit malang ai hte mai kaja ai wa rai nga ai hpe nang yu shapraw lu nga ndai.

MAHTE 12:33

“Kaja ai asi lu na matu kaja ai hpun hkai ra ai. N kaja ai hpun gaw n kaja ai asi si na ra ai. Asi hpe yu nna hpun hpe chye ginhka lu nga ai.

MAHTE 7:20

Dai rai nna myihtoi masu ni hpe shanhte a sat lawat lailen hku nna chye lu na marin dai.

GALATI 5:22

Rai ti mung dai Wenyi a asi chyawm gaw, tsaw ra ai, kabu gara ai, ngwi pyaw ai, myit galu kaba ai, matsan dum ai, mai kaja ai,

YAKU 2:18

Rai ti mung, “Marai langai mi hta makam masham rawng nna kaga langai mi hta magam bungli galaw ai lam ni nga nga ai,” nga nna marai langai ngai tsun dara a yang gaw, “Magam bungli n lawm ai makam masham ngai hpe madun dan rit; ngai chyawm gaw nye a makam masham hpe nye a magam bungli ni hte nang hpe madun na de ai.”

YAKU 3:12

Nye a hpu nau ni e, maihpang hpun hta tsanlun si, sabyi ru hta maihpang si n si lu nga ai; dai hte maren jum shum ai hka hpawk kaw nna mu ai ntsin hpe n shapraw lu nga ai.

1 SAMUELA 24:13

Moi na ga malai hta, ‘N hkru ai amu hpe n hkru ai masha ni chyu sha galaw ma ai,’ ngu nna tsun ai ga hpe mung nang chye nga ndai; dai rai nna nang hpe ngai n machyi hkra na de ai.