MAHTE 7:15 - Jinghpaw Common Language Bible 2009

¹⁵ “Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

Jinghpaw Hanson Version Bible

¹⁵ Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

MAHTE 7:15 ပူးပေါင်းရင်းမြစ်များ

1 HKAWHKAM 13:18

Dai hpang Behtela mare na myihtoi dingla wa gaw shi hpe, “Ngai mung nang hte maren sha myihtoi langai mi rai nga nngai, dai Madu a hkang da ai ga hta, nang hpe ngai nta de woi wa nna hkalum la na lam lamu kasa ngai hpe tsun ai,” ngu nna tsun dan wu ai. Rai ti mung myihtoi dingla wa chyawm gaw masu tsun nga wu ai.

YEREMIA 29:21

Chyahtum Chyalai N-gun Rawng ai dai Madu Israela a Karai Kasang gaw shi a amying gang let masu hkalem ga hte nanhte hpe tsun nga ai Kolaia a kasha Ahab hte Masea a kasha Zedekia yan hte lakap nna tsun wu ai. Shi gaw Babelon Hkawhkam Nebuhkadneza a lata hta ap kau na ra ai hte nanhte a man e shanhte hpe sat kau na ra ai, nga nna dai Madu tsun ai.

EZEKELA 13:16

Yawng hte n kaja nga ti mung, yawng hte kaja nga ai nga nna Yerusalem hpe tsun shangang ai myihtoi ni htum mat na masai!,” nga nna dai Tsaw Htum ai dai Madu shi nan tsun wu ai.

EZEKELA 13:22

“Ngai nchyi nmu n byin shangun mayu ai ndai mai kaja ai amyu masha ni hpe nanhte a masu magaw ga ni hte myit shadaw ya myit dai. N hkru ai masha ni gaw n hkru ai amu hpe kau da nna, shanhte a asak mawai la lu na, nanhte hkum da myit dai.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

EZEKELA 22:27

Asuya mung du ni mung ashan ni gyam sat nna ashep ashin di gang amya sha ai chyahkyawn ni hte bung nga ma ai. Shanhte gaw sut su wa na matu masha sat ai amu hte shut hpyit nga ma ai.

Daniela 11:34

Sat hkat ai lam a byin nga yang, Karai Kasang a amyu masha ni karum la lam kachyi mi hkam la lu na mara ai; dai rai tim pyi, masha law law hte gaw tinang hkrai myit sawn yu nna shanhte hte matut mat wa na mara ai.

MIHKA 3:11

Mare du salang ni gaw mayun kumhpa a matu up hkang nga ma ai; hkinjawng ni gaw shabrai a matu, Tara laika ni hpe lachyum htai sharin ya nga ma ai. Myihtoi ni gaw shanhte lu la na gumhpraw a matu shanhte a shingran ni hpe jaw ya nga ma ai. Shanhte yawng mung dai Madu shanhte hte rau rai nga ai nga nna tsun nga ma ai. Shanhte gaw, “Anhte hta hpa mung machyi hkra na ra ai n rai; dai Madu gaw anhte hte rau anga nga ai,” ngu nna tsun ma ai.

ZEHKARIA 13:4

Dai aten du jang, myihtoi kadai mung shi a shingran hta gumrawng lu na n rai; myihtoi langai zawn galaw lu na n rai, amyu masha ni hpe masu hkalem na nga, myihtoi hpun palawng hpun lu na n rai.

MAHTE 10:17

Masha ni hpe sadi nga mu, hpa majaw nga yang, shanhte gaw nanhte hpe rim la nna tara rung de ap kau na mara ai rai nna, tara jawng ni hta e nanhte hpe anu kayat na marin dai.

MAHTE 16:11

Muk a lam ngai nanhte hpe n tsun nga nngai gaw, nanhte hpa rai n dum nga myit ta? Hparishe ni hte Saduke ni a matsi hpe nanhte dai koi gam nga mu! ngu nna she ngai tsun made ai,” ngu mu ai.

MAHTE 16:6

Shaloi Yesu gaw, “Hparishe ni hte Saduke ni a matsi hpe sadi maja let koi gam nga mu,” ngu nna tsun mu ai.

MAHTE 24:11

Masu ai myihtoi law law mung paw pru nna, masha law law hpe lam shadam na mu ai.

MAHTE 7:14

Rai ti mung, asak hkrung ai de hkrang ai chyinghka chyawm gaw, gyip nga ai hte de a lam yak la nga ai rai nna, dai hpe mu tam ai ni n law la ma ai.

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

LUKA 6:26

Masha yawng mayawng nanhte hpe kaja ai ngu nna tsun myit yang, grai hkrithpa dingnye lu myit dai, hpa majaw nga yang, shanhte a kaji kawa ni mung myihtoi masu ni hpe dai hte maren tsun shakawn lai wa yu masai.

YAWHAN 10:12

Nchyang sha re ai wa gaw, sagu rem mung n rai, sagu madu mung n re ai majaw, chyahkyawn ni sa wa ai mu jang, sagu ni hpe kau da nna hprawng mat wa nga ai, chyahkyawn mung sagu ni hpe hpya sha nna shabra kau nga ai.

KASA 13:40

Dai rai yang gaw myihtoi ni tsun ai lam nanhte hta n byin u ga sadi nga mu!

KASA 13:6

Ya shanhte gaw dai zunlawng ting ga hkawm sa wa nna Pahpu mare du ma yang Bara-Yesu mying ai Yuda masha rai nga ai lakle sara mung rai, masu ai myihtoi mung rai, re ai wa hpe mu hkrup ma ai.

GALATI 2:4

Dai masha ni gaw anhte Hkristu Yesu hte langai sha tai nna asak hkrung ai a marang e anhte lu la ai shanglawt ahkang hpe kin-yu yu na matu Hkristan hpu nau ni tai masu let anhte a hpawng de mayun shang wa ai ni rai ma ai. Shanhte gaw anhte hpe mayam shatai mayu da mi ai.

EHPESU 4:14

Dai shaloi anhte gaw masha hpe lam dam hkra masu hkalem chye ai masha ni hpaji daw sharin shaga ai nbung leng kata hta nbung lam galai mat shagu kadau kadap nhting nhtang rai poi lawm mat wa ai ma kaji ni zawn rai sana n rai.

EHPESU 5:6

Kadai mung kaman lila ga ni hte nanhte hpe hkum hkalem hkalau shangun nga myit; hpa majaw nga yang dai lam ni nan a majaw Karai Kasang a pawt sindawng ai gaw n madat n mara ai ni a ntsa e du na ra ai.

HPILIPI 3:2

N hkru n shawp ai bungli galaw ai ni hpe sadi let makran nga mu; gwi ni hpe makran nga mu. Tinang a hkum hpe gadoi di ai masha ni hpe makran nga mu.

KOLOSE 2:8

Hkristu a hkang da ai kaw na n re ai sha, shinggyim masha ni a matsun maroi ga hkan nna akyu n rawng ai myit sawn hpaji hku nna hkalem hkalau ai lam hte mung, lamu ganghkau n-gawn tawa hta nga ai nat hpara ni kaw na pru ai sharin shaga ai lam ni hte mung, kadai mung nanhte hpe mayam n shatai myit ga, sadi nga mu.

2 TIMOHTI 3:13

N hkru n kaja ai masha ni hte masu hkalem sha ai ni chyawm gaw masha hpe hkalem sha nna tinang ni nan hkalem sha ai bai hkrum ai hte n hkru ai lam hta n kaja ai kaw nna n kaja dik ai de grau grau matut shanang sa wa na mara ai.

2 TIMOHTI 4:3

Masha ni gaw dai teng man nna ra n rawng ai sharin shaga ai lam hpe n madat n mara nna tinang a myit kayut ai hta hkan mat wa ai hte shanhte a myit hta kaya kayoi nga hkra madat la mayu ai lam ni hpe sharin ya na sara ni shanhte a matu grau grau law wa hkra tam lahkawn la ai aten du na ra ai.

2 PETRU 3:17

Rai ti mung manang ni e, nanhte gaw ndai lam ni hpe chye nga chyalu rai nga manit dai. Dai re ai majaw nanhte gaw tara kata ai masha ni a shut ai lam de woi mat wa ai hta n lawm na hte, shim ai asak hkrung lam kaw na n hkrat sum mat na matu a maja nga mu.

1 YAWHAN 4:1

Tsaw ra ai ni e, Wenyi hkam la lu ga ai nga nna tsun ai ni yawng hpe hkum kam nga myit; shanhte hkam la ai ngu ai wenyi gaw Karai Kasang kaw na yu wa ai wenyi rai nga ai kun? jep yu mu; hpa majaw nga yang, masu ai myihtoi ni law law wa shara shagu hkan du taw nga masai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.

SHINGRAN 16:13

Shaloi, shu zawn san ai, n san n seng ai nat masum hpe ngai mu nngai, Shanhte gaw, baren numraw a n-gup hta na mung, matse labye a n-gup hta na mung, myihtoi masu a n-gup hta na mung pru wa ma ai.

SHINGRAN 17:6

Bai, dai numsha gaw Karai Kasang a masha ni a asai hpe mung, Madu Yesu hta sadi dung ai majaw sat kau hkrum ai ni a asai hpe mung, lu nna nang bam taw nga ai hpe, ngai mu nngai. Shi hpe mu yang, kaja wa dik hkra mau mahka mat nngai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.

SHINGRAN 20:10

Dai hpang, shanhte hpe hkalem ai Nat mung, wan hte kan grung ai nawng hta jahkrat bang kau ai hkrum wu ai. Dai yang e, dai matse labye hte dai masu ai myihtoi mung, shawng kaw nna rawng nga ma ai. Shanhte gaw shani shana nni nkri hkrum let, htani htana prat dingsa arawng nga lu na mara ai.