MAHTE 7:11 - Jinghpaw Common Language Bible 2009

¹¹ Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

Jinghpaw Hanson Version Bible

¹¹ Dai rai nna, nanhte pyi n hkru nga myit dai mi, tinang a kasha ni hpe kaja ai kumhpa chye jaw myit yang gaw, dai hta grau n-ga, sumsing lamu na nanhte a Kawa gaw, shi hpe hpyi ai ni hpe kaja ai kumhpa jaw na n rai hka!

MAHTE 7:11 ပူးပေါင်းရင်းမြစ်များ

NINGPAWT NINGHPANG 6:5

Ga ntsa na shinggyim masha shagu hte gaw kade wa n shawp n kap nga ai hte aten shagu hta shanhte a myit mang ai lam kade wa n hkru nga ma ai hpe dai Madu mu ai shaloi,

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

2 SAMUELA 7:19

Ti mung ya chyawm gaw dai hta n-ga grau nna pyi galaw ya nga ndai. Tsaw Htum ai Madu e, du wa na shaning ni hta pra sa wa na nye a amyu matu mara ni hte seng ai ga sadi ni hpe mung nang shagrin da ya nga nit dai. Tsaw Htum ai Madu e, nang gaw ndai lam mu shangun nga nit hka!

YOBA 15:16

Anhte gaw n hkru ai amu hpe hka zawn lu ga ai; rai sa, anhte gaw hten mat chye ga ai; anhte gaw manu n dan ga ai.

SHAKAWN KUNGDAWN 84:11

Madu gaw anhte hpe makawp maga ai wa hte hpung shingkang hte hpring ai hkawhkam wa rai nna; matsan dum ai myit hte arawng sadang anhte hpe shaman ya nga ai. Shi gaw teng man ai amu galaw ai ni hpe mai kaja ai lam hpa hpe mung jaw ya na, ningdang ai n rai.

SHAKAWN KUNGDAWN 85:12

Dai Madu gaw anhte hpe ngamu ngamai shangun na ra ai; anhte a lamu ga gaw nsi naisi nhpaw n-ya shapraw ya na ra ai.

SHAKAWN KUNGDAWN 86:15

Rai ti mung, Madu e, nang gaw tsaw ra matsan dum ai Karai Kasang rai nga ndai; nang gaw tut nawng e hkam sharang ai, matsan dum ai hte sadi sahka nga ai wa rai nga ndai.

SHAKAWN KUNGDAWN 86:5

Nang gaw anhte a ntsa e, mai kaja nga nna mara dat kau ya nga ndai; nang kaw akyu hpyi nga ai ni yawng a matu, na a dinggrin tsaw ra myit hpe hpring hpring tsup tsup hkam sha shangun nga ndai.

ESAIA 49:15

Dai rai nna dai Madu gaw, “Numsha gaw tinang a chyu chyu ai ma hpe malap kau nna shi shangai ai ma hpe n tsaw ra mai nga a ni? Kanu gaw tinang a kasha hpe malap kau tim pyi, ngai gaw nang hpe galoi mung malap kau na nngai n rai.

ESAIA 63:7

Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

YEREMIA 17:9

“Masha a myit masin hpe kadai chye lu nga a ni? Grai masu magaw ai hta jan nna hpa mung n nga nga ai; dai gaw shamai shatsai la na matu nau wa machyi sawng mat nga ai.

YEREMIA 33:14

Dai Madu gaw, “Israela hte Yuda amyu masha ni hpe ngai tawn da ai ga sadi hpe ngai shadik mat wa na aten gaw du wa ra ai.

HOSEA 14:2

Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

MIHKA 7:18

Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

MALAHKI 1:6

Chyahtum Chyalai N-gun rawng ai dai Madu gaw hkinjawng ni hpe, “Kasha gaw shi a kawa hpe shagrau hkungga ai; shangun ma wa gaw shi a madu hpe shagrau hkungga nga ai. Ngai gaw na a nwa rai nga nngai-hpa majaw nang ngai hpe n shagrau hkungga a ni? Ngai gaw na a madu rai nga nngai-hpa majaw nang ngai hpe n hkungga a ni? Nang gaw ngai hpe n kaw n law di nga ndai, shing rai tim, nang gaw, “Anhte nang hpe kaning rai n kaw n law di kau saga ta?,” nga nna san myit dai.

MAHTE 23:9

Nanhte gaw ndai ga ntsa e kadai hpe mung, ‘Wa e’ hkum nga myit, hpa majaw nga yang, nanhte hta sumsing lamu na Kawa langai hkrai sha lu myit dai.

MAHTE 7:10

Shing n rai nga hpyi yang lapu jaw na wu ni?

YAWHAN 3:16

Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha htani htana asak lu la mu ga nga, Karai Kasang gaw shi a kasha shingtai hpe jaw kau ai kaw du hkra mungkan ga hpe grai tsaw ra wu ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.

ROMA 3:9

Dai hku rai yang, anhte Yuda amyu masha ni gaw kaga amyu masha ni hta gara hku grau jan nga ga ni? Gara hku mung grau jan ai madang hta n nga ga ai! Yuda masha ni rai ti mung, tara maigan masha ni rai ti mung, yubak mara a n-gun atsam kata e yawng maren rawng nga ga ai lam ngai shawng de tsun dan ga ni ai.

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

GALATI 3:22

Rai ti mung mungkan ga ting gaw dai yubak mara a n-gun atsam e ka-up kau ai hkrum nu ai, nga nna Chyum Laika hta tsun nga ai. Dai rai nna Yesu Hkristu hpe kam sham ai hta npawt nhpang de da ai ga ndat hte seng ai chyeju sali wunli gaw kam sham ai ni hkam la manu ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.

1 YAWHAN 4:10

Tsaw ra ai myit ngu nna tsun ai shaloi; anhte Karai Kasang hpe tsaw ra ai hpe ngu ai n rai, anhte a yubak mara ni hpe raw dat kau ya na matu gawng malai hkungga tai u ga, shi a Kasha hpe shangun dat ai hte tsaw ra mi ai hpe ngu ai rai nga ai.