MAHTE 7:1 - Jinghpaw Common Language Bible 2009

¹ “Karai Kasang e jeyang ai n hkrum myit ga, masha kaga ni hpe hkum jeyang myit,

Jinghpaw Hanson Version Bible

¹ Nanhte jeyang ai n hkrum myit ga, hkum jeyang myit.

MAHTE 7:1 ပူးပေါင်းရင်းမြစ်များ

ESAIA 66:5

Shi hpe hkrit kamyin ai hte shi a ga madat mara nga ai nanhte gaw dai Madu ning nga tsun ai ga hpe madat mu: “Nang gaw ngai hta sadi dung nga ndai majaw, na a amyu masha majing na nkau mi ngai hpe n ju ai hte nang hte hpa amu mung galaw na mara ai n rai. Shanhte gaw nang hpe ashu ai hte, ‘Dai Madu gaw shi a galu kaba ai hpe madun nna nang hpe hkye la u ga, shaloi nang kabu gara ai hpe anhte mu lu n-ga,’ ngu nna tsun ma ai. Rai ti mung shanhte nan kaya kahpa hkrum na mara ai!

MAHTE 7:2

hpa majaw nga yang, nanhte masha kaga ni hpe jeyang ai hte maren Karai Kasang gaw nanhte hpe jeyang na marin dai; nanhte masha kaga hpe jeyang ai shaloi lang ai tara hte maren nanhte hpe jeyang na ra ai.

MAHTE 7:5

Sawt ai wa e, na a myi hta na hpun tawng hpe shawng lai kau u; dai hpang na a nhpu nnau wa a myi hta na nbun hpe lai kau ya na matu, nang asan sha mu lu na rin dai.

LUKA 6:37

“Masha ni hpe hkum jeyang myit, shaloi she Karai Kasang mung nanhte hpe n jeyang na ra ai, masha ni hpe mara hkum shagun mu, shing rai yang, Karai Kasang mung nanhte hpe mara n shagun na ra ai. Masha ni hpe mara dat ya mu, shaloi Karai Kasang mung nanhte hpe mara dat ya na ra ai.

LUKA 6:41

“Tinang a myi hta rawng ai hpun tawng hpe shawng n myit yu ai mi, na nhpu nnau wa a myi hta rawng ai nbun hpe hpa rai yu nga n ta?

YAWHAN 8:7

Shanhte shing nga kahtap nna bai san san rai ma ai majaw, shi rawt mada yu nhtawm, “Nanhte hta mara n galaw yu ai wa, shi hpe shawng nlung hte kabai mu,” ngu nna shanhte hpe tsun mu ai.

YAKU 3:1

Nye a hpu nau ni e, anhte sara ni gaw kaga masha ni hta grau nna ja ai tara hte daw dan ai hkrum na raga ai hpe dum let, nanhte marai law law wa sara hkum tai mayu nga mu.