MAHTE 6:9 - Jinghpaw Common Language Bible 2009

⁹ Dai rai nna nanhte ning ngu akyu hpyi mu: ‘Sumsing lamu na anhte a Wa e, Na a mying nsang chyoi pra nga lit ga,

Jinghpaw Hanson Version Bible

⁹ Dai rai nna, nanhte gaw ning ngu akyu hpyi mu, Sumsing lamu na anhte a Wa e, Na a amying nsang chyoi pra nga lit ga;

MAHTE 6:9 ပူးပေါင်းရင်းမြစ်များ

2 SAMUELA 7:26

Na a mying ningsang galu kaba wa nna amyu masha ni mung, ‘Chyahtum Chyalai N-gun rawng ai Madu gaw Israela a ntsa e nga ai Karai Kasang rai nga ai,’ nga nna htani htana atsun nga na rai ma ai. Nang gaw nye a magam tingnyang hpe ju majat prat janat shagrin da ya nga nu ga law.

1 HKAWHKAM 8:43

shi a akyu hpyi ga hpe madat ya u. Sumsing lamu na nang nga ai shara hta, shi a ga hpe madat ya nna, galaw na matu nang hpe hpyi tsun ai lam hpe galaw ya u, shaloi mungkan ting na masha amyu ni yawng gaw na a amyu masha Israela ni galaw ai zawn nang hpe chye chyap wa nna na a ga hpe madat mara hkan sa na mara ai. Dai shaloi shanhte gaw nang hpe nawku na matu ngai galaw da sai ndai Nawku Htingnu rai nga ai hpe chye lu na mara ai.

1 HKAWHKAM LABAU 17:24

Na a mying ningsang kajai gumhkawng ai gaw galu kaba wa nna, amyu masha ni mung, ‘Chyahtum Chyalai n-gun rawng ai dai Madu gaw Israela amyu a matu Karai Kasang rai nga ai,’ nga nna htani htana a tsun nga na mara ai. Nang gaw nye a magam tingnyang hpe ju majat prat janat shagrin da ya nga nu ga law.

2 HKAWHKAM LABAU 20:6

“O Madu anhte a kaji kawa ni a Karai Kasang e, nang gaw mungkan ga na amyu baw ni yawng hpe sumsing lamu kaw nna up hkang nga ndai. Nang gaw daru magam n-gun hte chyalai n-gun hpring nga ndai majaw kadai mung nang hpe n lu ninghkap lu nga ai.

NEHEMIA 9:5

Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

SHAKAWN KUNGDAWN 111:9

Shi a amyu masha ni hpe shi shalawt dat nhtawm, htani htana hte seng ai ga shaka hpe shanhte hte shi galaw da nu ai. Shi gaw Chyoi Pra nga ai hte Chyalai n-gun rawng ai wa rai nga ai!

SHAKAWN KUNGDAWN 115:3

Anhte a Karai Kasang gaw sumsing lamu hta nga nga ai; shi ra ai hku hpa lam hpe mung shi galaw nga ai.

SHAKAWN KUNGDAWN 72:18

Madu Israela a Karai Kasang hpe shakawn mu! Shi chyu sha ndai mauhpa magam bungli ni hpe galaw nga ai.

ESAIA 37:20

Ya chyawm gaw, Madu anhte a Karai Kasang e, Asuri masha ni a lata kaw na anhte hpe hkye mawai la mi, shaloi mungkan ga na masha amyu baw ni yawng gaw nang chyu sha Karai Kasang rai nga ai hpe chye lu na mara ai.”

ESAIA 57:15

“Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.

ESAIA 6:3

Shanhte langai hte langai gaw ning ngu nna tsun jahtau ma ai: “Chyoi pra, chyoi pra, chyoi pra! Chyahtum Chyalai N-gun rawng ai dai Madu gaw chyoi pra nga ai! Shi a hpung shingkang gaw mungkan ga hta hpring nga ai.”

ESAIA 63:16

Nang gaw anhte a kawa rai nga ndai. Anhte a kaji kawa ni rai nga ai Abraham hte Yaku yan gaw anhte hpe n chye mi ai, rai ti mung Madu nang gaw anhte a kawa rai nga ndai, anhte hpe tut nawng hkye mawai la ai wa mung rai nga ndai.

ESAIA 64:8

Rai ti mung, nang gaw dai Madu anhte a kawa rai nga ndai. Anhte gaw kagam ga hte bung ga ai, nang gaw di bu sama wa hte bung nga ndai. Nang anhte hpe hpan da ndai,

ESAIA 66:1

Dai Madu gaw, “Sumsing lamu gaw nye a tingnyang, ginding aga gaw nye a lagaw kabye lahkum rai nga ai. Dai rai yang, nye a matu kaning re ai nta nang galaw lu nga n ta? Nye a matu shanu nga na shara kaning re ai mi rai nga a ta?

EZEKELA 36:23

Maigan amyu ni a ka-ang e, nanhte jahpoi kau ya ai nye a galu kaba ai dai chyoi pra ai mying ningsang hpe masha amyu baw ni a man e n-gun madun dan ai shaloi, ngai nan dai Madu rai nga nngai hpe shanhte chye lu na mara ai. Tsaw Htum ai dai Madu ngai nan tsun ni ai. Ngai nan chyoi pra nga nngai lam masha amyu baw ni hpe madun dan lu na matu, ngai nang hpe jai lang na nngai.

EZEKELA 38:23

Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

HABAKU 2:14

Rai ti mung, Panglai ni gaw hka hte hpring nga ai zawn ginding aga gaw dai Madu a hpung shingkang a machye machyang hpaji hte hpring nga na ra ai.

ZEHKARIA 14:9

Dai hpang, dai Madu gaw mungkan ting a hkawhkam tai na ra ai; masha shagu mung shi hpe Karai Kasang hku nawku nna shi a amying maren sha rai nga ai hpe chye lu na mara ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

MAHTE 10:29

U tsa lahkawng hpe pyeksan langai mi hte mari lu ai n rai ni? Rai ti mung, nanhte a Kawa a myit ra ai hku n rai yang gaw, dai ni hta na langai mi pyi ga de n hkrat ma ai.

MAHTE 23:9

Nanhte gaw ndai ga ntsa e kadai hpe mung, ‘Wa e’ hkum nga myit, hpa majaw nga yang, nanhte hta sumsing lamu na Kawa langai hkrai sha lu myit dai.

MAHTE 26:29

Nanhte hpe ngai tsun made ai gaw, nye Wa a mungdan hta e, nanhte hte rau, sabyi nnan hpe ngai lu lu na nhtoi du hkra, ndai sabyi ru a asi hta na ngai bai lu na n rai,” ngu nna shanhte hpe gam jaw mu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

MAHTE 5:48

Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

MAHTE 6:14

“Nanhte gaw masha ni nanhte hpe shut hpyit ai mara ni hpe raw kau ya myit yang gaw, sumsing lamu na nanhte a Kawa mung, nanhte a mara ni hpe raw kau ya na myit dai.

MAHTE 6:6

Rai ti mung nanhte mahtang akyu hpyi ai shaloi, nta kata gawk de shang nna, chyinghka hpe la da nhtawm, myi hte n mu lu ai nanhte a Kawa kaw hpyi mu; n dan n leng ai hku galaw ai amu hpe mu lu ai nanhte a Kawa gaw, nanhte hpe bai htang jaw na marin dai.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

LUKA 15:18

Ngai rawt nna, nye wa kaw wa nhtawm, wa e, Karai Kasang hpe mung, nang hpe mung, ngai shut ni ai.

LUKA 15:21

Shaloi kasha wa gaw, ‘Wa e, Karai Kasang hpe mung, nang hpe mung, ngai shut ni ai. Ya kaw nna na nsha ngu na ngai n ging n dan nngai,’ ngu nna kawa hpe tsun nem wu ai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwi pyaw ai gaw anga nga nu ga law!” nga ma ai.

YAWHAN 20:17

Yesu gaw, “Ngai e hkum hkra et, hpa majaw nga yang, ngai Wa hpang de garai n lung wa nngai. Rai ti mung ngai nau ni hpang de wa nna nye a Kawa ngu ai nanhte a Kawa, nye a Karai Kasang ngu ai nanhte a Karai Kasang hpang de ngai lung wa sana da, ngu nna shanhte hpe wa tsun dan su,” ngu nna shi hpe tsun dat wu ai.

ROMA 1:7

Karai Kasang e tsaw ra nna shi a amyu masha tai na matu shaga la hkrum sai Roma hpung masha ni yawng hpang de ndai laika ka dat nngai. Anhte a Wa Karai Kasang hte Madu Yesu Hkristu kaw na chyeju hte ngwi pyaw ai gaw, nanhte hta e anga nga u ga law.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

GALATI 1:1

Masha a ahkang hte kasa aya hta dang da hkrum ai wa mung n rai; masha e san da ai kasa mung n rai, Yesu Hkristu hte si mat ai ni kaw nna shi hpe hkrung sharawt la ai Kawa Karai Kasang a ahkaw ahkang hte kasa rai nga ai ngai Pawlu gaw,

GALATI 4:6

Ya nanhte gaw Karai Kasang a kasha ni rai nga ai hpe sakse madun na matu “Wa e, nye Wa e,” nga nna shaga chye ai shi a kasha a Wenyi hpe anhte a kraw lawang kata de shangun dat nu ai.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

1 PETRU 1:17

Dai hta kaga masha yawng hte hpe myi man n lata ai sha langai hte langai tinang galaw ai hte maren tara jeyang chye ai Karai Kasang kaw nanhte akyu hpyi myit yang, shi hpe, “Wa e,” ngu nna hpyi myit dai, Dai rai nna ndai mungkan hta nanhte asak hkrung nga ai laman hta shi hpe hkrit hkungga nga mu.

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.

SHINGRAN 5:12

Shanhte gaw, “Sat kau hkrum ai Sagu Kasha gaw, hpung dagu, sut gan, hpaji atsam, n-gun lagaw arawng sadang, hpung shingkang hte, shakawn kungdawn ai hpe hkam la ging nga ai law!,” nga nna nsen kaba hte shakawn nga ma ai.