MAHTE 6:7 - Jinghpaw Common Language Bible 2009

⁷ Nanhte akyu hpyi ai shaloi maigan masha ni zawn lachyum n pru ai ga ni tsun kahtap htap hkum rai myit, dai maigan masha ni gaw shanhte galu galang akyu hpyi ai majaw, shanhte a hpara ni madat ya na zawn nawn nga ma ai.

Jinghpaw Hanson Version Bible

⁷ Nanhte akyu hpyi nga myit yang, tara maigan na ni zawn, ga bai kahtap htap hkum rai nga myit: kaning rai nme law, ga galu galang tsun nga ma ai majaw, shanhte hpe madat mara la ya na ra ai, nga nna shanhte myit nawn ma ai.

MAHTE 6:7 ပူးပေါင်းရင်းမြစ်များ

HPAJI NINGLI 5:7

Nang yup mang kade mi mu ti mung, nang galaw ai amu kade mi akyu n rawng ti mung, nang kade mi ga shaga ti mung, nang gaw Karai Kasang hpe naw hkrit hkungga lu na rai ndai.

MAHTE 18:17

Shanhte a ga hpe shi n madat hkraw a yang gaw, dai lam yawng mayawng dai hpung hpe sa shana ya mu. Hpang jahtum dai hpung hpe mung n madat hkraw a yang gaw, tara maigan wa shing n rai, kang hta ai wa hpe zawn na a man e shi rai u ga.

MAHTE 26:39

Shaloi, dai yang na shi loi mi lai sa nhtawm, ga de myi man gum dagup let akyu hpyi wu ai gaw, “Wa e, ndai n ni n kri ngu ai gawm hpe ngai kaw na shalai kau lu yang gaw, shalai kau ya e! Rai ti mung nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 26:44

Bai shi shanhte hpe kau da nna sa mat wa nhtawm, shawng na ga hte maren masum lang ngu na akyu hpyi wu ai.

MAHTE 6:32

Ndai lam ni gaw Karai Kasang hpe n kam n sham ai tara maigan ni hta myit tsang ai lam ni rai nga malu ai. Ndai yawng mayawng hte hpe nanhte ra nga myit dai gaw, Sumsing lamu na nanhte a Kawa chye ya nga ai.

KASA 19:34

Rai ti mung shi Yuda masha langai mi rai nga ai hpe shanhte chye jang, yawng hte ting, “Ehpesu masha ni a Artemi she galu kaba ai law,” nga nna lang lata hkying hkum lahkawng daram na hkra marawn bu ma ai.