MAHTE 6:4 - Jinghpaw Common Language Bible 2009

⁴ dai shaloi she, na a alu jaw ai amu gaw, n dan n leng ai amu tai nna, n dan n leng ai hku galaw ai amu hpe mu lu ai na Nwa gaw, nang hpe bai htang na rin dai.

Jinghpaw Hanson Version Bible

⁴ shing rai, na a alu jaw ai amu n dan n leng ai hta rai nga lu na rai nna, n dan n leng ai shara hpe mu lu ai, na a Nwa gaw, nang hpe bai htang na rin dai.

MAHTE 6:4 ပူးပေါင်းရင်းမြစ်များ

SHAKAWN KUNGDAWN 139:12

nsin mung na a man e, nsin zawn n rai mat nna, dai shana gaw shani zawn tai nga ai. Nsin hte nhtoi gaw na a man e maren sha rai nga ai.

SHAKAWN KUNGDAWN 17:3

Nang gaw nye a myit masin hpe chye ya nga ndai. Shana aten hta, nang gaw ngai kaw du sa nna, ngai hpe akri akrai san jep yu nit dai, ngai hta n hkru ai myit hpa mung n rawng nga ai hpe nang mu ya nga ndai.

SHAKAWN KUNGDAWN 44:21

anhte a kraw kata e makoi da ai myit sawn lam ni hpe nang chye ya nga ndai majaw; nang dai lam hpe teng teng mu chye kau na ndai.

GA SHAGAWP 25:22

Nang gaw shi hpe kaya kahpa hte myi man hkyeng shangun na ra ai hte Madu gaw nang hpe shabrai jaw na ra ai.

YEREMIA 17:10

Ngai Madu nan masha a myit mang ai lam ni hpe sawk tam yu nna shinggyim masha ni a myit masin ni hpe chyam dinglik yu nga nngai. Langai hte langai hpe tinang a arawn alai hte tinang galaw ai amu hte maren, ngai shabrai jaw na nngai,” ngu nna tsun ai.

YEREMIA 23:24

Kadai mung ngai n mu lu ai shara hta n makoi lu nga ai. Ngai gaw sumsing lamu hte ginding aga ntsa shara shagu hta nga nga nngai hpe nang n chye n ni?

MAHTE 10:42

Ngai nanhte hpe teng teng tsun made ai gaw, nye a sape myi man hpe tau nna, nye a sape ni hta na kaji dik ai wa hpe ntsin katsi gawm mi sha jaw wu yang, shi gaw nye a sape rai nga ai majaw, dai jaw ai wa gaw shabrai teng teng n lu la ai nga na n rai,” ngu nna tsun mu ai.

MAHTE 6:18

Shing rai nang lusha gam nga ai hpe masha kaga ni n chye ya lu ai sha, n mu lu ai shara e nga ai na Nwa chyu sha chye ya na ra ai rai nna, n dan n leng ai shara hta e nang galaw ai amu hpe mu ai na Nwa gaw nang hpe htang jaw na rin dai.

MAHTE 6:3

Nang mahtang alu jaw n-yang gaw, na a hkra lata galaw ai amu hpe na a pai lata n chye lu u ga;

MAHTE 6:6

Rai ti mung nanhte mahtang akyu hpyi ai shaloi, nta kata gawk de shang nna, chyinghka hpe la da nhtawm, myi hte n mu lu ai nanhte a Kawa kaw hpyi mu; n dan n leng ai hku galaw ai amu hpe mu lu ai nanhte a Kawa gaw, nanhte hpe bai htang jaw na marin dai.

LUKA 14:14

Shing rai jang, nang a lu ndai, hpa majaw nga yang, shanhte chyeju n htang lu ma ai. Mai kaja ai ni si ai kaw na bai hkrung rawt wa ai shani Karai Kasang bai htang jaw ai hpe nang hkam la lu na rin dai,” ngu wu ai.

LUKA 8:17

Hpa majaw nga yang, makoi da ai arai hpa mung dan dawng ai de shapraw shadan dat na ra ai; ka-up magap da ai, hpa baw mung, mu lu ai nhtoi de shapraw dan na ra ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

HEBRE 4:13

Karai Kasang n mu n chye hkra makoi magap da lu ai hpa mung n nga ai; yawng mayawng gaw shi a man e dan leng nga ai rai nna anhte galaw ai lam shagu shi hpe jahpan dan lu na rai nga ga ai.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

1 SAMUELA 2:30

Na a dinghku hte na a lakung lama ni hkinjawng ni zawn prat tup ngai hpe daw jau lu mu ga ngu, dai MaduIsraela a Karai Kasang ngai nan lai sai prat ni hta ga sadi tawn da ni ai. Rai ti mung ya chyawm gaw dai ga sadi galoi mung grin sana n rai nga sai hpe ngai tsun nga nngai! Shing rai na malai, ngai hpe shagrau sha-a ai ni hpe ngai shagrau sha-a na nngai; ngai hpe n kaw n law re ai ni hpe ngai mung n gawn n sawn di kau na we ai.