MAHTE 6:33 - Jinghpaw Common Language Bible 2009

³³ Shing rai na malai nanhte gaw, shi a mungdan hte shi a ding hpring ai lam hpe shawng tam nga mu; shaloi dai kaga ra ai nlang hte hpe shi nanhte hpe kahtap jaw na marin dai.

Jinghpaw Hanson Version Bible

³³ Nanhte chyawm gaw, shi a mungdan hte shi a dinghpring ai lam hpe shawng tam nga mu; shaloi dai nlang nanhte hpe kahtap jaw na marin dai.

MAHTE 6:33 ပူးပေါင်းရင်းမြစ်များ

1 HKAWHKAM 17:13

Elia gaw shi hpe, “Hkum tsang et; shawng wa magang nna na a shahpa wa lajang shachyip magang su. Rai ti mung nang lu malu hta na muk kaji mi shawng galaw nna ngai hpe la sa jaw e, dai hpang na a matu hte na a shadang sha a matu dai naw ngam ai hte hkyen la u.

SHAKAWN KUNGDAWN 112:3

Shi a dinghku masha ni gaw sut ring chying wa ai hte sut su wa na mara ai; shi htani htana ngamu ngamai wa na ra ai.

SHAKAWN KUNGDAWN 37:25

Ya chyawm gaw, ngai asak kaba ugut gu wa nga nngai, ngai gaw aten na na asak hkrung nga ni ai; rai ti mung, mai kaja ai masha wa hpe Madu kau da nna, shi a kashu kasha ni lusha hpyi sha hkawm ai hpe ngai galoi mung garai n mu yu nga nngai.

SHAKAWN KUNGDAWN 37:3

Dai Madu hta kam hpa nga let mai kaja ai amu hpe galaw nga u; dai lamu ga hta shanu nga nna shim nga u.

GA SHAGAWP 10:3

Dai Madu gaw mai kaja ai masha ni hpe kawsi n jahkrum shangun nga ai, tara n lang ai ni hpe chyawm gaw shanhte a myit ra ai de, n du shangun nga ai.

GA SHAGAWP 28:10

Myit malang ai wa hpe n hkru ai amu galaw na matu nang masu hkalem ai rai yang, nang gaw na a mahkam hta di hkrat na rin dai. Mara kata ai wa chyawm gaw kumhpa kaja lu la na ra ai.

GA SHAGAWP 8:18

Sut su ai hte shagrau sha-a na lam, ngamu ngamai lam hte awng dang ai lam jaw ya na matu mung, ngai lu nga nngai.

HPAJI NINGLI 10:2

Hpaji rawng ai wa gaw jaw ai amu galaw nna angawk ai wa shut ai amu chye galaw ai gaw shingra htung tara langai rai nga ai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

ESAIA 33:6

Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

MAHTE 19:28

Yesu gaw, “Ngai nanhte hpe teng teng tsun made ga, Mungkan Ga Ningnan bai shangai ai ban prat e, dai Masha Kasha gaw shi a hpung shingkang a tingnyang hta dung nga ai shaloi nanhte nye a sape ni shi lahkawng mung, tingnyang shi lahkawng hta dung lawm nna, Israela amyu shi lahkawng hpe up nga lu na marin dai.

MAHTE 19:29

Nye a majaw nta ni, kahpu kanau ni, kajan ni, kanu kawa, kashu kasha ni hte yi hkauna ni hpe kau da ai wa kadai rai ti mung, htam latsa n ga akyu lu la nna htani htana asak a sali wunli hkam la na ru ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, nanhte a yubak mara ni kaw na myit malai lu nna kayin wa marit!,” nga nna hkaw tsun hpang nga ai.

MAHTE 5:6

“Karai Kasang a myit ra ai hte maren hkan sa galaw na matu ra sharawng dik ai myit ngu ai ding hpring ai hpe kawsi hpang gara ai ni gaw a lu ma ai; hpa majaw nga yang, Karai Kasang gaw shanhte hpe myit dik hkru kat hkra jaw na maru ai!

LUKA 1:6

Dai yan gaw Karai Kasang a man e ding hpring ai yan rai nga ma ai. Shan gaw Madu a jep ai tara nga manga hte hkang da mada yawng hpe htep lahti hkan nang ma ai.

LUKA 12:31

Nanhte gaw shi a mungdan hpe mahtang tam nga mu, shaloi dai lam ni nanhte hpe jaw na marin dai.

YAWHAN 5:4

(Karai Kasang a lamu kasa langai mi gaw jahkring jahkring sha hka lawng de yu sa nna hka hpe shamu shangun wu ai rai nna, dai masha ni gaw hka shamu wa na hpe la nga ma ai. Shing rai hka shamu wa ai hte rau shawng nnan hka lawng de shang lu ai wa gaw ana ahkya mat nga malu ai)

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

KASA 20:25

“Ngai gaw Karai Kasang a Mungdan lam hpe nanhte hpang de hkaw tsun kawan hkawm ni ai. Rai ti mung ya gaw nanhte hta na kadai mung nye a myi man hpe htawm hpang de galoi mung bai n mu lu na rai myit dai hpe ngai chye nga nngai.

KASA 28:31

Karai Kasang a mungdan lam hkaw dan ai hte Madu Yesu Hkristu hte seng ai lam n dut n dang nden ja ai myit hte hkaw tsun sharin shaga nga ai.

ROMA 1:17

Dai hta kaga, “Karai Kasang hta ding hpring ai wa gaw kam sham ai hte hkrung nga lu na ra ai,” nga nna Chyum ga hta ka da nga ai hte maren Karai Kasang gaw masha ni hpe gara lai hku nna sharawng awng hkap la nga ai lam dai Kabu Gara Shiga hta shadan dan nga ai. Dai gaw shawng ningpawt kaw nna jahtum du hkra kam sham ai lam rai nga ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

ROMA 14:17

Hpa majaw nga yang, Karai Kasang a Mungdan gaw sha sha, lu lu rai nga na hku n re ai sha, Chyoi Pra ai Wenyi e jaw ya ai shaman chyeju ni rai nga ai, ding hpring ai ngwi pyaw ai hte kabu gara ai lam ni hte seng nga ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

1 KORINHTU 3:22

Pawlu mung, Apolo mung, Petru mung, ndai mungkan ga mung, asak hkrung lam hte si ai lam mung, ya e nga ai hte htawm hpang e pra na ra ai mung, yawng mayawng hte gaw nanhte a rai nga malit dai.

2 KORINHTU 5:21

Hkristu gaw yubak mara n kap ai wa rai nga ai, rai ti mung anhte gaw Hkristu hte langai sha tai wa nna Karai Kasang a ding hpring ai hpe hkam la na matu, Karai Kasang gaw Hkristu hpe anhte a matu mara anhte zawn yubak lu ai wa shatai wu ai.

HPILIPI 3:9

Ngai gaw jep ai Tara hpe madat mara hkan sa shadik ai hku nna nye a ding hpring ai hpe n lu la lu nngai. Ya gaw Hkristu hpe kam sham ai a marang e jaw ya ai ding hpring ai hpe ngai lu la nngai. Dai gaw makam masham a marang e Karai Kasang e matsan dum nna jaw ya ai chyeju kumhpa rai nga ai.

2 HTESALONI 1:5

Ndai lam ni mahkra gaw, Karai Kasang a tara daw dan ai lam teng nga ai hpe sakse madun ya nga ai. De a akyu a majaw, nanhte gaw shi a mungdan hte ging dan ai ni tai wa na marin dai, de a matu she nanhte nni nkri hkrum nga myit dai.

1 TIMOHTI 4:8

Hkum hkrang hte seng nna sha shaman shakyang ai lam gaw akyu loi sha mi nga ai; rai ti mung wenyi makam masham lam hta shaman shakyang ai gaw lam shagu hta akyu nga nga ai; hpa majaw nga yang dai gaw ndai prat hte htawm hpang prat a matu ga ndat rawng nga ai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

2 PETRU 1:11

Dai lam hku hkan sa myit yang gaw, anhte a Madu hte hkye hkrang la ai Yesu Hkristu a htani htana re ai mungdan de shang lu na ahkang nanhte hpe hpring hpring tsup tsup jaw ya na marin dai.