MAHTE 6:30 - Jinghpaw Common Language Bible 2009

³⁰ Karai Kasang hta kam sham ai myit n law ai masha baw e! Dai ni nga nna, hpawt de wan mang hta kabai bang kau ai nam na tsingdu hpe pyi Karai Kasang shing rai jahpun da ai rai yang gaw, dai hta grau nna nanhte hpe jahpun na myit dai n rai ni?

Jinghpaw Hanson Version Bible

³⁰ Ai n kam ai baw e, dai ni nga nna hpawt de wan nmang hta kabai bang kau ai nam na tsingdu hpe pyi, Karai Kasang shing re jahpun da ai rai jang gaw, dai hta grau nna nanhte hpe jahpun na myit dai, n rai ni?

MAHTE 6:30 ပူးပေါင်းရင်းမြစ်များ

SHAKAWN KUNGDAWN 92:7

Tara n lang ai ni gaw tsingdu ni zawn tu wa lu nna, shut hpyit ai amu galaw let ngamu ngamai lu ma ti mung; shanhte yawng hte gaw tsep kawp jahten kau ai hkrum na mara ai.

MAHTE 14:31

Shaloi jang Yesu gaw shi a lata ladawn nna, shi hpe dun la let, “Ai n kam ai wa e! Hpa majaw nang kam shut nga n ta?,” ngu nna shi hpe tsun wu ai.

MAHTE 16:8

Shing nga tsun nga ai hpe Yesu chye wu ai rai nna, “Ai n kam ai ni e, nanhte muk n gun ai lam hpe nanhte shada da hpa rai tsun bawng nga myit ta?

MAHTE 17:17

Yesu htan nna, “Nanhte gaw makam masham n rawng ai hte nhtan shai ai amyu she rai nga myit hka! Nanhte hte rau ngai galoi du hkra nga lu na rai ta? Galoi du hkra, ngai nanhte hpe sharang nga lu na rai ta? Dai la kasha ma hpe ngai hpang de woi sa wa marit,” ngu wu ai.

MAHTE 8:26

Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

MARKU 4:40

Shaloi Yesu gaw shi a sape ni hpe, “Nanhte hpa majaw hkrit kajawng nga myit ta? Nanhte kam sham ai myit garai n rawng nga myit ni?,” ngu nna shanhte hpe tsun mu ai.

MARKU 9:19

Dai rai nna Yesu gaw, “Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,” ngu nna tsun mu ai.

LUKA 12:28

Ai n kam ai baw e, dai ni nga nna hpawt de wan mang hta kabai bang nna nat kau ai nam na tsingdu ni hpe Karai Kasang shing rai shabu jahpun da ai rai yang gaw, dai hta n ga nanhte yawng hpe jahpun na myit dai n rai ni?

LUKA 9:41

Yesu gaw, “Makam masham n rawng ai hte, shut hpyit ai amyu ni e, ngai nanhte hte rau gade na hkra nga nga nna hkam sharang ya lu na rai nga a ta?,” ngu nna htan wu ai. Dai hpang shi gaw, “Na nsha hpe nang de woi sa rit,” ngu nna dai masha wa hpe tsun wu ai.

YAWHAN 20:27

Shaloi Yesu gaw Htawma hpe, “Na a layung nang e shawn yu nna, nye a lata ni hpe yu u; na a lata ladawn nna, nye a garep hpe mung manaw yu u; n kam hkum rai et, kam sham nga u!,” ngu wu ai.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.

1 PETRU 1:24

Dai gaw Chyum Laika hta, “Shinggyim masha amyu baw yawng gaw tsingdu zawn rai nga ai; shanhte a hpung shingkang yawng mung nam na nampan pu hte bung nga ai. Dai tsingdu gaw nyui mat wa nna nampan pu ni run hkrat mat ma ai.