MAHTE 6:28 - Jinghpaw Common Language Bible 2009

²⁸ “Bai hpun palawng ni a matu hpa rai myit tsang nga myit ta? Nam na nampan ni kaning rai tu kaba wa ma ai hpe yu nna myit sumru yu nga mu; shanhte gaw magan bungli mung n galaw, shanhte a hpun palawng a matu ri mung n ri ma ai.

Jinghpaw Hanson Version Bible

²⁸ Bai, hpun palawng a matu nanhte hpa rai myit tsang nga myit ta? Prang na hkalaw pan ni, kaning rai kaba wa ma ai hpe, myit dum nga mu: dai ni gaw, makan mung n galaw, ari mung n ri ma ai:

MAHTE 6:28 ပူးပေါင်းရင်းမြစ်များ

HOSEA 14:5

Ngai gaw hkun hkraw ai shara hta marang htu ai zawn ngai gaw Israela amyu masha ni a matu tai na nngai. Shanhte gaw nampan ni zawn pu wa nna; Lebanon a hpun ni zawn ngang ngang ru jung na ra ai.

MAHTE 10:10

hkrun lam na matu nhpye hte palawng shajan hkum gun, kyepdin hte dawhkrawng mung hkum lang myit: hpa majaw nga yang, amu galaw ai wa gaw shi a shahpa lu la ging nga ai.

MAHTE 6:25

“Dai rai nna ngai nanhte hpe tsun made ai gaw, asak hkrung nga lu na matu hpa lu hpa sha na, shing n rai hkum hkrang a matu hpa bu hpa hpun na lam hkum tsang myit; dai asak gaw lu sha hta, hkum hkrang gaw hpun palawng ni hta grau hpu ging nga ai n rai ni?

MAHTE 6:27

Nanhte hta na kadai rai ti mung, myit tsang ai hte tinang a prat hpe loi mi galu jat shangun lu myit ni?

MAHTE 6:31

Dai re ai majaw anhte hpa sha na, hpa lu na, hpa bu hpa hpun na i? nga nna myit hkum ru hkum tsang nga myit.

LUKA 10:41

Dai Madu gaw, “Marhta, Marhta, nang gaw amu law law a majaw, myit ru nna tsang nga ndai.

LUKA 12:11

“Nanhte hpe jeyang na matu tara jawng ni de, shing n rai munggyi ni, ahkang aya lu ai du salang ni hpang de dun wa ai hkrum myit yang, tinang a hkum hpe gara hku makawp maga la na shing n rai nanhte hpa baw tsun na hkum tsang myit.

LUKA 12:22

Dai hpang Yesu gaw sape ni hpe, “Dai re ai majaw, ngai nanhte hpe tsun made ga, hpa lu hpa sha na nga nna asak a matu, hpa bu hpa hpun na nga nna hkum hkrang a matu hkum tsang nga myit.

LUKA 12:27

Nampan ni kaning rai kaba wa ai hpe yu yu mu, shanhte gaw amu mung n galaw ma ai, shanhte a matu hpun palawng mung n da ma ai. Rai ti mung, ngai nanhte hpe tsun made ga, Shawlumon pyi shi a hpung shingkang sutgan mahkra hte ndai nampan langai mi zawn tsawm hkra bu hpun lu ai n rai.

LUKA 3:11

Shi shanhte hpe htan mu ai gaw, “Palawng lahkawng lu ai wa gaw, n lu ai wa hpe karan u ga, shat lusha lu ai wa mung dai hte maren jaw u ga,” ngu mu ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

1 PETRU 5:7

Nanhte a myit tsang ai nlang hte hpe shi hta kabai ap da mu; hpa majaw nga yang shi gaw nanhte hpe lanu lahku tsang ya nga ai.