MAHTE 6:27 - Jinghpaw Common Language Bible 2009

²⁷ Nanhte hta na kadai rai ti mung, myit tsang ai hte tinang a prat hpe loi mi galu jat shangun lu myit ni?

Jinghpaw Hanson Version Bible

²⁷ Nanhte hta kadai rai timung, myit tsang ai hte, tinang a aprat galu u ga, dawng mi daram jat la lu na myit ni?

MAHTE 6:27 ပူးပေါင်းရင်းမြစ်များ

HPAJI NINGLI 3:14

Karai Kasang galaw ai amu yawng mayawng gaw htani htana agrin nga ai hpe ngai chye nngai. Dai hta hpa mung galaw jat lu ai n rai; dai kaw na hpa mung shayawm kau mai nga ai n rai. Karai Kasang galaw ai lam langai mi chyawm gaw anhte hpe shi hpe hkrit kamyin shangun nga ai.

MAHTE 5:36

Na a baw hta mung dagam lu na ndai n rai, hpa majaw nga yang, nang gaw, na a kara singgawng langai mi hpe pyi, hpraw u ga, shing n rai chyang u ga, n galaw lu ndai.

MAHTE 6:25

“Dai rai nna ngai nanhte hpe tsun made ai gaw, asak hkrung nga lu na matu hpa lu hpa sha na, shing n rai hkum hkrang a matu hpa bu hpa hpun na lam hkum tsang myit; dai asak gaw lu sha hta, hkum hkrang gaw hpun palawng ni hta grau hpu ging nga ai n rai ni?

MAHTE 6:28

“Bai hpun palawng ni a matu hpa rai myit tsang nga myit ta? Nam na nampan ni kaning rai tu kaba wa ma ai hpe yu nna myit sumru yu nga mu; shanhte gaw magan bungli mung n galaw, shanhte a hpun palawng a matu ri mung n ri ma ai.

MAHTE 6:31

Dai re ai majaw anhte hpa sha na, hpa lu na, hpa bu hpa hpun na i? nga nna myit hkum ru hkum tsang nga myit.

MAHTE 6:34

Dai rai nna, hpawt ni na matu myit hkum tsang myit; hpawt ni na hte seng ai myit tsang ai lam ni gaw hpawt ni na matu law nga ai. Lani mi na ru tsang ai gaw, dai shani na matu ram nga ai.

LUKA 10:41

Dai Madu gaw, “Marhta, Marhta, nang gaw amu law law a majaw, myit ru nna tsang nga ndai.

LUKA 12:11

“Nanhte hpe jeyang na matu tara jawng ni de, shing n rai munggyi ni, ahkang aya lu ai du salang ni hpang de dun wa ai hkrum myit yang, tinang a hkum hpe gara hku makawp maga la na shing n rai nanhte hpa baw tsun na hkum tsang myit.

LUKA 12:22

Dai hpang Yesu gaw sape ni hpe, “Dai re ai majaw, ngai nanhte hpe tsun made ga, hpa lu hpa sha na nga nna asak a matu, hpa bu hpa hpun na nga nna hkum hkrang a matu hkum tsang nga myit.

1 KORINHTU 12:18

Ya chyawm gaw, Karai Kasang shi ra ai hte maren, daw shan ni langai hte langai hpe shi shara hte shi shachyaw tawn da mu ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.

1 PETRU 5:7

Nanhte a myit tsang ai nlang hte hpe shi hta kabai ap da mu; hpa majaw nga yang shi gaw nanhte hpe lanu lahku tsang ya nga ai.