MAHTE 6:26 - Jinghpaw Common Language Bible 2009

²⁶ Ntsa malen na u ni hpe mada yu mu, shanhte nli n gat n dan ma ai, mam dum ni hta mung n mahkawng bang da ma ai. Shing re ai ni hpe pyi, sumsing lamu na nanhte a Kawa gaw, shanhte hpe lusha jaw da nga ai! Nanhte gaw dai u ni hta grau nga myit dai n rai ni?

Jinghpaw Hanson Version Bible

²⁶ Ntsa malen na u ni hpe mada yu mu; shanhte n gat n dan ma ai, sutdek hta mung n mahkawng da ma ai: rai timung, sumsing lamu na nanhte a Kawa gaw, shanhte hpe lusha jaw da nga ai: nanhte gaw shanhte hta grau nga myit dai n rai ni?

MAHTE 6:26 ပူးပေါင်းရင်းမြစ်များ

NINGPAWT NINGHPANG 6:21

Nang hte dai ni a matu malu masha hkum sumhpa yawng hpe htun da u,” ngu nna tsun wu ai.

YOBA 35:11

Shanhte gaw kaga dusat yam nga hte ntsa malen u hta grau hpaji rawng hkra, anhte hpe hpaji rawng shangun ai Karai Kasang hpang de kayin wa ma ai n rai.

YOBA 38:41

U hka ni kawsi nna nwan pyen nga yang mung, u hka hkalung ni lusha a matu ngai kaw hpyi jahtau yang mung, shanhte hpe kadai jaw sha a ta?

SHAKAWN KUNGDAWN 147:9

Shi gaw yam nga ni hpe shahpa jaw ya ai hte, u hka hkalung ni ngoi shaga ai shaloi, shat ni hpe jaw ya nga ai.

SHAKAWN KUNGDAWN 50:11

Ntsa malen u ni yawng hte udat pa hkan nga ai asak hkrung ai dusat ni yawng mung, nye a rai nga li ai.

MAHTE 6:32

Ndai lam ni gaw Karai Kasang hpe n kam n sham ai tara maigan ni hta myit tsang ai lam ni rai nga malu ai. Ndai yawng mayawng hte hpe nanhte ra nga myit dai gaw, Sumsing lamu na nanhte a Kawa chye ya nga ai.

MAHTE 7:9

Nanhte kawa ni hta na kadai wa mi, shi a kasha muk hpyi yang, nlung jaw na wu ni?

LUKA 12:18

Bai shi gaw, ‘Ngai ndai hku galaw na we ai; nye a dum dingsa ni hpe ngai run kau nna grau kaba ai ni hpe galaw na we ai, dai ni hta nye a nsi naisi hte kaga sut rai ni mahkra hpe ngai shinggyin da na we ai.