MAHTE 6:22 - Jinghpaw Common Language Bible 2009

²² “Myi gaw hkum a matu pyengdin langai mi zawn rai nga ai; na a myi asan sha rai nga yang gaw, na a hkum ting htoi san nga na ra ai.

Jinghpaw Hanson Version Bible

²² Dai myi gaw, hkum a pyengdin rai nga lu ai; na a myi asan sha rai nga yang gaw, na a hkum ting a htoi nga ai;

MAHTE 6:22 ပူးပေါင်းရင်းမြစ်များ

ESAIA 5:20

Nang gaw dingnye hkrum nga ndai! Nang gaw n kaja ai hpe kaja ai, kaja ai hpe n kaja ai nga nna tsun ndai. Nang gaw nsin hpe nhtoi de, nhtoi hpe nsin de kayin kau nga ndai. Nang gaw hka ai hpe dwi ai, dwi ai hpe hka ai hku galaw nga ndai.

MAHTE 5:15

Pyengdin langai mi hpe shatu nhtawm mung npu e kadai n tawn da yu ai. Shing rai na malai, nta masha ni yawng hpe nhtoi jaw lu hkra, pyengdin shadun hta tawn da ga ma ai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

2 KORINHTU 11:3

Ewa gaw lapu a hpaji rawng ai zai byeng-ya hte masu hkalem hkrum ai zawn, nanhte mung nanhte a myit mang ai lam jahten kau hkrum nna, nanhte a hpring tsup nna san seng ai myit hte Hkristu hta maju jung kam sham daw jau ai lam hpe kau da na myit tsang nga nngai.

EHPESU 6:5

Mayam ni e, nanhte Hkristu hpe daw jau nga ai zawn, nanhte a shinggyim madu ni hpe madat mara let hkrit kamyin ai hte myit malang nna myit su ai hku galaw mu.

KOLOSE 3:22

Mayam ni e nanhte a shinggyim madu ni hpe lam shagu hta madat mara nga mu: nanhte gaw myi man pa mayu ai hte shanhte a man e ga madat ai hku n re ai sha, Karai Kasang hpe hkrit hkungga let shanhte a ga hpe san seng ai myit hte madat mara nga mu.