MAHTE 6:21 - Jinghpaw Common Language Bible 2009

²¹ Hpa majaw nga yang, na a sutgan nga ai kaw na myit masin galoi mung nga na ra ai.

Jinghpaw Hanson Version Bible

²¹ kaning rai nme law, na a sutgan nga ai kaw, na a myit masin mung nga na lit dai.

MAHTE 6:21 ပူးပေါင်းရင်းမြစ်များ

GA SHAGAWP 4:23

Na a myit mang ai lam gaw na a asak hpe hkrang shapraw ya nga ai majaw, nang myit mang ai lam gara hku rai nga ai hpe sadi sahka nga u.

ESAIA 33:6

Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

YEREMIA 4:14

Yerusalem e, na a myit masin kaw na n hkru ai hpe kashin kau u, shaloi hkye hkrang la hkrum na ndai. Nang gaw kade na hkra yubak hte seng ai myit mang lam ni hpe matut myit na ngu wu ni?

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? Hpa majaw nga yang, kraw hta hpring chyat nga ai kaw na, n-gup de tsun nga ai.

MAHTE 6:22

“Myi gaw hkum a matu pyengdin langai mi zawn rai nga ai; na a myi asan sha rai nga yang gaw, na a hkum ting htoi san nga na ra ai.

LUKA 12:34

Hpa majaw nga yang, nanhte a sutgan nga ai kaw, nanhte a myit masin mung nga na malit dai.

KASA 8:21

Karai Kasang a man e na a myit masin n ding n hpring nga lit dai majaw, anhte galaw ai amu hta na a matu kamhtaw hpa mung lawm lu na ndai n rai.

2 KORINHTU 4:18

Anhte gaw myi hte mu lu ai arai ni hpe yu azi majen nga ga ai n re ai sha, myi hte n mu lu ai arai ni hpe she yu azi majen nga ga ai. Hpa majaw nga yang, myi hte mu lu ai arai gaw jahkring jahkra sha nga nna, myit hte n mu lu ai arai mahtang gaw htani htana agrin nga ai.

HPILEMON 1:19

Ngai Pawlu gaw dai hka wa na ngu nna nye a lata hte nan ka dat nngai. (Rai ti mung nang hkum nan pyi Hkristu a majaw lu la ai asak hkrung lam ningnan a matu ngai hpe hka wa ra nga ndai ngu nna tsun shapraw dan ra na zawn n shadu nngai.)

HPILEMON 1:3

Anhte a Wa Karai Kasang hte Madu Yesu kaw na chyeju hte ngwi pyaw ai gaw nanhte hte rau anga nga malit ga law.

HEBRE 3:12

Kam sham ai hpu nau ni e, ahkrung nga ai Karai Kasang kaw na htak mat wa hkra n hkru n shawp kam shut chye ai myit masin rawng ai masha nanhte hta na langai mi mung n lawm malit ga, sadi nga mu.