MAHTE 6:20 - Jinghpaw Common Language Bible 2009

²⁰ Shing rai na malai, manut hte nhkan e n sha jahten lu nna, lagu lagut ni e mung n tawk htu lu ai hte n lagu la lu ai, sumsing lamu hta e nanhte a matu sutgan hpe mahkawng da mu.

Jinghpaw Hanson Version Bible

²⁰ Manut hte nhkan n sha jahten lu nna, lagu lagut ni mung n tawk htu lu ai hte n lagu la lu ai, sumsing lamu hta e, nanhte a matu sutgan hpe mahkawng da mu:

MAHTE 6:20 ပူးပေါင်းရင်းမြစ်များ

ESAIA 33:6

Amyu baw hpe ngang grin lam jaw ya na ra ai. Shi gaw shi a amyu masha ni hpe tut nawng makawp maga ai hte shanhte hpe hpaji byeng-ya hte machye machyang nyan jaw ya nga ai. Shanhte a galu kaba htum ai sut gan gaw dai Madu hpe hkrit hkungga ai lam rai nga ai.

MAHTE 19:21

Shaloi Yesu gaw, “Nang ding hpring mayu n yang gaw, wa su, nang lu ai arai ni mahkra dut kau nna, matsan mayan ni hpe garan jaw u; shing rai jang sumsing lamu ntsa e sutgan ni lu na rin dai; ngai kaw mung sa nna hkan nang rit,” ngu nna shi hpe tsun wu ai.

MAHTE 6:19

“Manut hte nhkan e sha jahten nhtawm, lagu lagut ni tawk htu nna lagu la lu ai, dinghta ga ntsa e, nanhte a matu sutgan hpe hkum mahkawng da mu.

MARKU 10:21

Yesu shi hpe tsaw ra ai hte azi yu let, “Lam langai mi sha nang naw ra nga ndai: nang wa su, nang lu malu hpe dut kau nna, matsan mayan ni hpe karan jaw u. Shing rai jang sumsing lamu ntsa e nang sut gan lu na rin dai; dai hpang ngai kaw sa nna hkan nang rit,” ngu nna shi hpe san wu ai.

LUKA 12:33

Nanhte lu ai arai ni yawng dut kau nna lu ai gumhpraw, matsan mayan ni hpe karan jaw mu, tinang a matu dingsa n chye ai gumhpraw jan galaw nna, lagut n du, manut e mung n jahten kau lu ai, sumsing lamu e n htum n wai chye ai sutgan kyem da nga mu.

LUKA 18:22

Yesu gaw dai ga na jang, “Lam langai mi nang naw galaw ra nga ndai, nang lu malu dut kau nna matsan mayan ni hpe garan jaw u; shing rai jang she sumsing lamu ntsa e nang sutgan lu na rin dai, dai hpang ngai kaw hkan nang rit,” ngu nna shi hpe tsun wu ai.

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

1 TIMOHTI 6:19

Ndai hku nna shanhte gaw hpang na prat a matu ngang kang ai npawt nhpang tai nga u ga, hpu ging ai sutgan shanhte mahkawng da lu nna teng man ai asak hkrung lam majing hpe lu la na mara ai.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.

HEBRE 11:26

Shi gaw Meshia a matu jahpoi asawng hkrum ai gaw Egutu mungdan a sutgan yawng mayawng hta grau kaja reng nga ai ngu nna myit nawn wu ai, hpa majaw nga yang, shi gaw du na ra ai aten hta bai lu la na shagrau kumhpa hpe myit nga ai.

YAKU 2:5

Nye a tsaw ra ai hpu nau ni e, madat mu! makam masham hta lu su ai ni tai lu na hte shi hpe tsaw ra ai ni hpe jaw na nga nna ndat da sai sumsing lamu a sali wunli hkam la na matu Madu gaw ndai mungkan hta matsan mayan re ai ni hpe lata la mu ai.

1 PETRU 1:4

Dai rai nna anhte gaw shi a amyu masha ni a matu Karai Kasang kyem mazing da ai n taw n tsang re ai shaman chyeju ni hpe madu la lu na matu myit mada nga ga ai. Shi gaw n run n hten ai awu asin n re ai n wai n mat ai sali wunli ni hpe sumsing lamu e nanhte a matu kyem mazing da nu ai.

1 PETRU 5:4

Dai Sagu Rem Agyi Kaba Wa dan pru ai shaloi nanhte gaw htoi kabrim ai nsam galoi mung n mat chye ai arawng sadang hte hpring ai janmau lu la na marin dai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.