MAHTE 6:19 - Jinghpaw Common Language Bible 2009

¹⁹ “Manut hte nhkan e sha jahten nhtawm, lagu lagut ni tawk htu nna lagu la lu ai, dinghta ga ntsa e, nanhte a matu sutgan hpe hkum mahkawng da mu.

Jinghpaw Hanson Version Bible

¹⁹ Manut hte nhkan e sha jahten nna, lagu lagut ni tawk htu nna lagu la lu ai, dinghta ga a ntsa e, nanhte a sutgan hpe hkum mahkawng da mu.

MAHTE 6:19 ပူးပေါင်းရင်းမြစ်များ

YOBA 24:16

Lagu lagut ni gaw shana e nta kata de hpya shang ma ai; shanhte gaw shana e mahtang dai nhtoi hpe yen nga ma ai.

YOBA 31:24

Ngai gaw sut gan ni hta galoi mung kam hpa ai n rai

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

PRU MAT 22:2

Shi hta wa na arai hpa mung n lu ai rai yang, shi galaw hkrup kau sai lagu ai arai hpe wa na matu mayam zawn shi dut kau ai hkrum na rai wu ai. Shi lagu la sai yam nga ni hta dumsu kanu mi rai rai, sagu mi rai rai, shi hta na chyahkrung mu la lu yang gaw htam lahkawng shi wa na rai wu ai. “Lagut gaw shana e nta sa hpya nna rim hkrum ai hte sat kau hkrum ai rai yang, shi hpe sat ai wa gaw dai masha sat ai amu a majaw mara lu na wu ai n rai; rai ti mung shani e byin ai rai yang chyawm gaw dai masha sat ai amu a majaw mara lu nga ai.

GA SHAGAWP 11:4

Si ai de nang myi man yawng ai shani e, sut gan gaw nang hpe hpa karum lu na n rai; ding man ai lam chyawm gaw na a asak hpe hkye hkrang la lu nga ai.

GA SHAGAWP 16:16

Aja hte gumhpraw hta hpaji byeng-ya hte machye machyang hpaji lu la ai gaw grau kaja nga ai, dik hkra grau kaja nga ai.

HPAJI NINGLI 2:26

Karai Kasang gaw shi awng sharawng ai ni hpe hpaji byeng-ya, machye machyang hte kabu gara ai lam jaw nga ai, rai ti mung shi gaw mara kap ai ni hpe amu galaw shangun ai, asak kan bau shangun ai hte mahkawng da shangun nga ai, shaloi shanhte lu ai arai gaw shi awng sharawng ai ni a lata de jaw ya lu nga ai. Dai yawng mayawng mung kaman lila rai nga ai. Dai gaw nbung hpe shachyut nga ai zawn rai nga ai.

ZEHPANI 1:18

Shi a sindawng kahtet ai hpe madun ai shani hta, shanhte a ja gumhpraw mahkra hte pyi shanhte hpe hkye la lu na n rai. Shi a masin kahtet ai wan hte mungkan ga ting hpe jahten kau na ra ai. Mungkan ga ntsa e nga ai masha hkum shagu a matu, akajawng sha re ai jahtum nhtoi shabyin dat na ra ai.

MAHTE 19:21

Shaloi Yesu gaw, “Nang ding hpring mayu n yang gaw, wa su, nang lu ai arai ni mahkra dut kau nna, matsan mayan ni hpe garan jaw u; shing rai jang sumsing lamu ntsa e sutgan ni lu na rin dai; ngai kaw mung sa nna hkan nang rit,” ngu nna shi hpe tsun wu ai.

MAHTE 6:20

Shing rai na malai, manut hte nhkan e n sha jahten lu nna, lagu lagut ni e mung n tawk htu lu ai hte n lagu la lu ai, sumsing lamu hta e nanhte a matu sutgan hpe mahkawng da mu.

LUKA 12:21

“Tinang a matu sutgan mahkawng da nhtawm, Karai Kasang a man e n lu n su ai wa gaw, shing re ai sahti wa hte bung na ra ai,” ngu nna tsun hpungdim wu ai.

LUKA 12:33

Nanhte lu ai arai ni yawng dut kau nna lu ai gumhpraw, matsan mayan ni hpe karan jaw mu, tinang a matu dingsa n chye ai gumhpraw jan galaw nna, lagut n du, manut e mung n jahten kau lu ai, sumsing lamu e n htum n wai chye ai sutgan kyem da nga mu.

LUKA 12:39

Nta madu wa gaw gara ahkying aten hta lagut sa na hpe lama chye lu ai rai yang, shi amaja nga nna, shi a nta hpe tawk htu waw shang shangun na wu ai n rai nga ai hpe chye nga mu.

LUKA 18:22

Yesu gaw dai ga na jang, “Lam langai mi nang naw galaw ra nga ndai, nang lu malu dut kau nna matsan mayan ni hpe garan jaw u; shing rai jang she sumsing lamu ntsa e nang sutgan lu na rin dai, dai hpang ngai kaw hkan nang rit,” ngu nna shi hpe tsun wu ai.

LUKA 18:24

Yesu gaw dai wa myit yawn mat ai hpe mu jang, “Sut su ai ni gaw Karai Kasang a Mungdan hta shang na grai yak la nga a hka!

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.