MAHTE 6:14 - Jinghpaw Common Language Bible 2009

¹⁴ “Nanhte gaw masha ni nanhte hpe shut hpyit ai mara ni hpe raw kau ya myit yang gaw, sumsing lamu na nanhte a Kawa mung, nanhte a mara ni hpe raw kau ya na myit dai.

Jinghpaw Hanson Version Bible

¹⁴ Kaning rai nme law, masha ni a shut hpyit ai hpe nanhte raw kau ya myit yang gaw, nanhte a lamu na Kawa gaw, nanhte a shut hpyit ai hpe mung, raw kau ya na myit dai;

MAHTE 6:14 ပူးပေါင်းရင်းမြစ်များ

GA SHAGAWP 21:13

Matsan mayan wa a hpyi jahtau ai nsen hpe nang n madat ai rai yang, nang hpe karum la na matu, na a hpyi jahtau ai nsen hpe, kadai mung na ya na ra ai n rai.

MAHTE 5:7

“Masha kaga ni hpe matsan chye dum ai ni gaw a lu ma ai; hpa majaw nga yang, Karai Kasang shanhte hpe matsan dum la na ra ai!

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

MAHTE 7:2

hpa majaw nga yang, nanhte masha kaga ni hpe jeyang ai hte maren Karai Kasang gaw nanhte hpe jeyang na marin dai; nanhte masha kaga hpe jeyang ai shaloi lang ai tara hte maren nanhte hpe jeyang na ra ai.

MARKU 11:25

Nanhte rawt tsap let akyu hpyi ai shaloi, masha langai ngai nanhte hpe shut ai mara lama ma nga yang, dai hpe raw dat kau ya na rai myit dai, shaloi she sumsing lamu e nga ai nanhte a Kawa gaw nanhte a mara ni hpe mung raw dat kau ya na ra ai.’

LUKA 6:37

“Masha ni hpe hkum jeyang myit, shaloi she Karai Kasang mung nanhte hpe n jeyang na ra ai, masha ni hpe mara hkum shagun mu, shing rai yang, Karai Kasang mung nanhte hpe mara n shagun na ra ai. Masha ni hpe mara dat ya mu, shaloi Karai Kasang mung nanhte hpe mara dat ya na ra ai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

KOLOSE 3:13

Nanhte hta marai langai ngai a ntsa e mara shagun shara nga ai shaloi shada da hkam sharang ai hte shada da mara raw dat hkat nga mu. Dai Madu gaw nanhte hpe mara raw dat kau ya manit dai hte maren, nanhte shada da mung mara raw dat lu na rai myit dai.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

YAWSHU 22:15

Rubin, Gad hte sinpraw hkran na Manashe amyu bawsang ni nga ai Gilead mung de shanhte sa mat wa nhtawm,

1 YAWHAN 3:10

Dai gaw Karai Kasang a kashu kasha ni hte, Nat a kashu kasha ni a adan aleng shai hkat ai lam rai nga ai. Kadai rai ti mung, ding hpring ai amu n galaw ai hte shing n rai, shi a kahpu kanau hpe n tsaw n ra ai wa gaw Karai Kasang a kashu kasha n rai nga ai.