MAHTE 6:13 - Jinghpaw Common Language Bible 2009

¹³ Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

Jinghpaw Hanson Version Bible

¹³ Agung alau nga ai de, anhte hpe n sa shangun ai sha, N kaja ai lam hta na, shaw la mi law.

MAHTE 6:13 ပူးပေါင်းရင်းမြစ်များ

NINGPAWT NINGHPANG 22:1

Ya aten ram ram na mat ai hpang, Karai Kasang gaw Abraham hpe chyam yu na nga shi hpe, “Abraham!,” ngu nna shaga wu ai. Abraham mung, “Rai sa, ngai nang e nga nga nngai!,” ngu nna htan wu ai.

1 HKAWHKAM 1:36

Dai hpang Benaia gaw, “Dai hku rai wa sanu ga law, dai Madu na a Karai Kasang gaw dai amu hpe shagrin shangang da sanu ga law.

1 HKAWHKAM LABAU 16:36

Dai Madu Israela a Karai Kasang hpe shakawn kungdawn mu! Ya kaw nna shi hpe htani htana shakawn kungdawn mu! Dai hpang amyu masha ni yawng, “Amen,” ngu nna tsun let dai Madu hpe shakawn kungdawn ma ai.

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

1 HKAWHKAM LABAU 4:10

Rai ti mung Yabet chyawm gaw Israela Karai Kasang hpe, “Karai Kasang e, ngai hpe shaman ya e, ngai hpe lamu ga dam lada jat ya e. Ngai hte rau a nga nga nna ngai hpe machyi hkra shangun ai n hkru n kaja ai lam hta na makawp maga la e law,” ngu nna hpyi wu ai. Shi hpyi ai hte maren, Karai Kasang jaw ya nga ai.

SHAKAWN KUNGDAWN 10:16

Dai Madu gaw htani htana agrin nga ai hkawhkam rai nga ai. tsasam karai ni hpe nawku ai ni gaw shi a lamu ga kaw nna hkoi mat wa na mara ai.

SHAKAWN KUNGDAWN 106:48

Dai Madu Israela a Karai Kasang, hpe shakawn nga mu! Shi hpe ya kaw nna, htani htana shakawn kungdawn nga mu! Masha hkum shagu, “Amen” ngu nna tsun nga mu ga law! Dai Madu hpe shakawn mu!

SHAKAWN KUNGDAWN 22:28

Madu gaw hkawhkam rai nga ai, amyu baw shagu hte hpe shi up hkang nga ai.

SHAKAWN KUNGDAWN 41:13

Dai Madu Israela a Karai Kasang hpe shakawn mu! Ya kaw nna htani htana shi hpe shakawn ga law! Amen! Amen!

SHAKAWN KUNGDAWN 47:2

Tsaw Htum ai dai Madu gaw hkrithpa wa rai nga ai; shi gaw mungkan yawng hpe up hkang nga ai galu kaba ai hkawhkam wa rai nga ai.

SHAKAWN KUNGDAWN 47:7

Karai Kasang gaw mungkan yawng hpe up ai hkawhkam wa rai nga ai; mahkawn mangoi ga ni hte shi hpe shakawn kungdawn mu!

SHAKAWN KUNGDAWN 72:19

Shi a hpung shingkang hte seng ai mying nsang hpe htani htana shakawn mu! Shi a hpung shingkang gaw mungkan ting hta pri rai nga u ga law. Amen! Amen!

SHAKAWN KUNGDAWN 89:52

Madu hpe htani htana shakawn kungdawn nga mu law! Amen! Amen!

PRU MAT 15:18

Madu e, nang gaw htani htana a hkawhkam tai nga na rin dai.”

GA SHAGAWP 30:8

Masu magaw ga tsun ai kaw na, ngai hpe shatsan shagang kau ya e; sut su ai hte matsan ai mung, ngai hta n rai u ga. Dai majaw ngai hta ra kadawn nga ai shat lusha hpe sha, ngai hpe jaw ya e.

YEREMIA 15:21

N hkru ai hte kashun kashe du daw sai hkaw amu galaw ai masha ni a lata kaw na ngai nang hpe mawai la na nngai. Dai Madu ngai nan tsun ni ai,” nga nna tsun htang wu ai.

YEREMIA 28:6

“Mau na zawn re ai she rai sahka! Dai Madu gaw dai amu hpe galaw u ga, ngai myit mada nga nngai. Nawku Htingnu sut gan ni yawng hte bawng dung hkrum mat wa ai mung masha ni yawng hpe Babelon mung kaw nna shi bai woi wa na lam tsun ai na a myihtoi ga shi shadik ya na hpe ngai teng teng myit mada nga nngai.

Daniela 4:25

Nang gaw uhpung kaw na gawt shapraw kau ai hkrum nhtawm, matse labye dusat ni hte rau nga na rai ndai. Nang gaw dumsu zawn sanit ning tup tsingdu tsingman sha nna, na a ntsa e numri hkrat bun, gangbang shara hta yup nga na rai ndai. Dai shaloi nang gaw Tsaw Htum ai Karai Kasang gaw masha mungdan yawng hpe up hkang nna, shi lata la ai masha kadai hpe mung shi jaw ya lu nga ai hpe, nang yin la na rai ndai.

Daniela 7:18

Tsaw Htum ai Karai Kasang a amyu masha ni gaw hkawhkam daru magam n-gun hpe hkam la nna dai hpe htani htana madu la na mara ai,” ngu nna tsun wu ai.

BU HKAWM 5:22

Ndai ntsin hka gaw na a kan kata de shang wa nna na a num hkrang hpe kyip htun shangun u ga law.” Numsha mung, “Ngai myit hkrum nngai; dai Madu daw dan ya rit ga,” ngu nna htan na wu ai.

MAHTE 26:41

Agung alau ai n hkrum myit ga, maja nga ai hte akyu hpyi nga mu; Wenyi gaw teng man ai Karai Kasang a myit ra ai hku galaw mayu nga ai, hkum shan mahtang n-gun kya nga ai,” ngu mu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, lamu ga aprat htum hkra ngai nanhte hte rau dinggrin anga nga na nngai law,” ngu nna shanhte hpe matsun dat mu ai.

MAHTE 5:37

Na ga gaw, ‘Re ai’ shing n rai, ‘N re ai,’ ngu nna sha tsun u. Dai hta jan nna nang tsun ai ga gaw n kaja ai wa kaw na pru ai ga rai nga ai.

MAHTE 6:10

Na a mungdan du wa ru ga, Lamu tang hta na a myit dik nga ai hte maren, ga ntsa e mung dik lit ga law;

YAWHAN 17:15

Ndai ni hpe mungkan ga na htawt la na nang kaw ngai hpyi nngai n rai, shanhte hpe Satan a lata na lawt hkra makawp maga na she ngai hpyi nngai.

1 KORINHTU 10:13

Nanhte hkrum hkra yu ai agung alau ni gaw, masha yawng hta byin hkrum ga ai baw sha rai nga ai. Rai ti mung Karai Kasang gaw, ga sadi dung ai Madu rai nna, nanhte hpe nanhte n hkam n jan lu ai agung alau hkrum shangun na myit dai n rai. Agung alau hkrum ai ten hta hkam jan lu ai n-gun lagaw jaw nna, dai agung alau kaw na lawt pru lu na hkat shi hpaw da ya na ra ai.

1 KORINHTU 14:16

Nanhte gaw Wenyi hte sha Karai Kasang a chyeju hpe shakawn nna akyu hpyi ai rai yang nawku ai hpawng hta lawm nga ai yu maya masha langai mi gaw, nanhte tsun ai ga n chye na ai majaw, nanhte a kyu hpyi ai ga hpe kaning rai “Amen,” ngu nna tsun lu na a ta?

2 KORINHTU 1:20

Shi gaw Karai Kasang a ga ndat ni yawng a matu “Re ai” ngu ai mahtai rai nga ai. Dai rai nna anhte gaw Karai Kasang a hpung shingkang dan hkung shangun na matu Yesu Hkristu hta “Amen” ngu ga ai.

GALATI 1:4

Ndai ya na n hkru n kaja ai prat kaw na mawai la u ga, anhte a Kawa Karai Kasang myit ra ai hte maren madat mara let anhte a yubak mara a matu mara Hkristu gaw shi hkum hpe nan ap ya kau nu ai.

TARA JAHPRANG 8:16

Nanhte a nji nwa ni pyi galoi mung garai n sha yu ai Manna lusha hpe nam mali e jaw ya wu ai. Nanhte hpe chyam yu na nga, yak hkak jam jau jahkrum nhtawm jahtum e nanhte hpe mai kaja ai sut rai ni hte shaman ya wu ai.

TARA JAHPRANG 8:2

Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

1 HTESALONI 1:10

sumsing lamu de na du sa na ra ai Karai Kasang a Kasha hpe ala nga myit dai hpe mung, dai masha ni yawng tsun kajai nga ma ai. Dai Kasha Yesu gaw, si mat ai kaw na Karai Kasang e hkrung sharawt la nna, du na ra ai Karai Kasang a pawt sindawng ai kaw na anhte hpe mawai la ai wa rai nga ai.

2 HTESALONI 3:3

Rai ti mung Madu gaw kangka nga ai rai nna, shi gaw nanhte hpe myit n-gun shaja ya ai hte N hkru N kaja Ai Wa a hpyen ai kaw na makawp maga na ra ai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.

1 PETRU 5:8

Nanhte htauli htaula rai nga mu! Nanhte a hpyen wa ngu ai Satan gaw, kadai hpe kawa mayu sha kau lu na i? nga nna shabam ai hkanghkyi zawn ningwan hkawm nga ai.

2 PETRU 2:9

Dai re ai majaw Karai Kasang gaw tara hkung ga ai ni hpe shanhte hkrum hkra nga ai chyam dinglik ai lam ni a kata na gara hku mawai la na hte, n hkru n kaja ai ni hpe tara daw dan ai nhtoi du hkra gara hku ari jaw na hpe mung shi chye nga ai.

1 YAWHAN 3:8

Yubak sha naw agalaw shanang nga ai wa kadai rai ti mung, Nat hte seng ai wa rai nga ai, hpa majaw nga yang, Nat gaw shawng npawt kaw nna yubak galaw nu ai. Dai rai nna Nat a amu bungli hpe sharun jahten kau na matu, Karai Kasang a Kasha gaw paw pru wa sai.

SHINGRAN 1:18

Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

SHINGRAN 19:1

Dai hte a hpang e, sumsing lamu kata e masha wunawng wuwa kaba langai mi a wu ngoi ai nsen hte bung ai nsen hpe ngai na nngai. Shanhte gaw, “Karai Kasang hpe shakawn kungdawn mu! Hkye hkrang la ai lam, hpung shingkang hte hpung dagu gaw, anhte a Karai Kasang hte seng nga ai!

SHINGRAN 19:4

Shaloi, dai salang hkun mali hte asak hkrung ai dusat mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen! Karai Kasang hpe shakawn kungdawn mu!,” nga ma ai.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

SHINGRAN 3:14

“Ladoki mare na hpung a lamu kasa hpe ning ngu ka dat u: “Ndai gaw kangka ai hte teng man ai sakse wa, Karai Kasang hpan tawn da ai yawng mayawng a npawt, Amen ngu ai wa kaw na mungga rai nga ai.

SHINGRAN 5:13

Dai hta n ga, lamu lahta tsang hta na mung, ginding aga ntsa hta na mung, mungkan ga a lawu tsang hta na mung, panglai hta na mung, ninggawn tawa ting na hkrung mahkrung yawng hte gaw, “Tingnyang hta dung nga ai wa hte Sagu Kasha gaw, arawng sadang hpung shingkang hte daru magam, anga nga u ga law!,” nga nna shanhte mahkawn mangoi nga ma ai hpe ngai na nngai.