MAHTE 6:12 - Jinghpaw Common Language Bible 2009

¹² Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

Jinghpaw Hanson Version Bible

¹² Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

MAHTE 6:12 ပူးပေါင်းရင်းမြစ်များ

1 HKAWHKAM 8:30

Nye a akyu hpyi ga ni hpe mung, ndai shara de myi man yawng nna hpyi ai na a amyu masha ni a akyu hpyi ga ni hpe mung na ya e. Sumsing lamu na na a nta hta anhte a akyu hpyi ga hpe madat ya nna anhte hpe mara dat ya mi law.

1 HKAWHKAM 8:34

shanhte a hpyi nem ai ga hpe sumsing lamu hta madat mara ya u. Na a amyu masha ni a yubak mara ni hpe raw dat kau ya nna shanhte a kaji kawa ni hpe jaw na ngu ai mungdan de bai woi wa u law.

1 HKAWHKAM 8:39

shanhte a akyu hpyi ga hpe na ya u. Sumsing lamu na, na a nta hta shanhte a ga hpe madat ya nna shanhte hpe mara dat ya let karum la u law. Nang chyu sha shinggyim masha a myit masin kata na myit mang ai lam ni hpe chye ya nga ndai. Langai hte langai tinang galaw ai amu hte maren hkam la shangun mi law;

1 HKAWHKAM 8:50

Shanhte shut hpyit kau ai yubak mara mahkra hte nang hpe gumlau ai lam yawng hpe mara dat ya u; shanhte a gumlau hpyen ni shanhte hpe matsan yu dum shangun nga u law.

SHAKAWN KUNGDAWN 130:4

Rai ti mung, nang anhte hpe mara raw dat ya nga ndai, dai majaw, anhte nang hpe hkrit hkungga ai hte madat mara hkan sa nga ga ai.

SHAKAWN KUNGDAWN 32:1

Yubak dat kau hkrum ai hte, shut hpyit ai ni a mara hta na raw dat kau hkrum nga ai ni gaw a lu ma ai.

PRU MAT 34:7

Ngai gaw nye a ga sadi hpe prat ban hkying mun du hkra shadik shatup nna n hkru ai amu hte yubak mara ni hpe raw dat kau ya nga nngai; rai ti mung, kashu kasha ni hpe chyawm gaw shanhte a kanu kawa ni shut hpyit kau ai yubak mara ni a majaw prat ban masum mali du hkra ari n jaw ai nga na n rai,” ngu nna tsun wu ai.

ESAIA 1:18

Dai Madu gaw, “Ya, anhte bawng jahkrup yu ga. Nanhte a yubak gaw sai zawn hkyeng nga ti mung hkyen zawn hpraw san hkra ngai kashin kau ya na nngai. Nanhte a yubak gaw dik hkra hkyeng nga ti mung, sagu mun zawn hpraw wa lu na marin dai.

Daniela 9:19

Madu e, anhte a ga na ya e. Madu e, anhte a mara dat ya mi. Madu e, anhte a ga madat ya ai hte shabyin ya mi! Nang Karai Kasang rai nga ndai hpe masha shagu chye na wa lu mu ga, hkum kanung nga et! Ndai mare hte ndai amyu masha ni gaw na a ni rai nga lit dai,” ngu nna tsun nngai.

MAHTE 26:28

Ndai gaw yubak hpe raw dat kau myit ga, law law a matu ru kau ya ai, dai ga shaka hte seng ai, nye a asai rai nga li ai.

MAHTE 9:2

Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MARKU 11:25

Nanhte rawt tsap let akyu hpyi ai shaloi, masha langai ngai nanhte hpe shut ai mara lama ma nga yang, dai hpe raw dat kau ya na rai myit dai, shaloi she sumsing lamu e nga ai nanhte a Kawa gaw nanhte a mara ni hpe mung raw dat kau ya na ra ai.’

LUKA 11:4

Anhte hpe shut ai ni yawng mayawng a mara, anhte raw kau ya ga ai majaw, anhte a mara ni hpe mung raw kau ya mi; agung alau nga ai shara de mung anhte hpe hkum sa shangun mi,’” ngu nna shanhte hpe tsun mu ai.

LUKA 13:4

Siloam ngu ai shara na langchyi daw hkrat nna gamyet si ai masha marai shi matsat gaw, Yerusalem mare masha ni yawng hta mara grau law ai ni rai ma ai, ngu nna nanhte myit da mu ni?

LUKA 6:37

“Masha ni hpe hkum jeyang myit, shaloi she Karai Kasang mung nanhte hpe n jeyang na ra ai, masha ni hpe mara hkum shagun mu, shing rai yang, Karai Kasang mung nanhte hpe mara n shagun na ra ai. Masha ni hpe mara dat ya mu, shaloi Karai Kasang mung nanhte hpe mara dat ya na ra ai.

KASA 13:38

Dai re ai majaw, hpu nau Israela amyu masha ni e, dai Yesu a marang e yubak raw dat kau lu na mungga a lam nanhte hpe ngai hkaw dan nga nngai hpe mung, Yesu hpe kam sham ai ni nlang hte gaw Mawshe a jep ai Tara hte n raw dat kau ya lu ai yubak mara yawng hta na nanhte hpe raw dat kau ya ai lam hpe mung,

EHPESU 1:7

Hpa majaw nga yang, Hkristu a si hkam ai lam a majaw, anhte shalawt dat ai hkrum ga ai; dai gaw nanhte a yubak mara ni hpe raw dat kau ya ai lam rai nga ai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

KOLOSE 3:13

Nanhte hta marai langai ngai a ntsa e mara shagun shara nga ai shaloi shada da hkam sharang ai hte shada da mara raw dat hkat nga mu. Dai Madu gaw nanhte hpe mara raw dat kau ya manit dai hte maren, nanhte shada da mung mara raw dat lu na rai myit dai.