MAHTE 6:10 - Jinghpaw Common Language Bible 2009

¹⁰ Na a mungdan du wa ru ga, Lamu tang hta na a myit dik nga ai hte maren, ga ntsa e mung dik lit ga law;

Jinghpaw Hanson Version Bible

¹⁰ Na a mungdan du wa ru ga; Lamu tang hta, na a myit dik nga ai hte maren, ga ntsa e mung, dik lit ga law;

MAHTE 6:10 ပူးပေါင်းရင်းမြစ်များ

NEHEMIA 9:6

Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

SHAKAWN KUNGDAWN 2:6

Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

SHAKAWN KUNGDAWN 40:8

Nye a Karai Kasang e, na a myit ra ai hku galaw na, ngai kade wa tsaw nga a hka! Na a sharin shaga ai lam hpe nye a myit kraw lawang hta ngai mazing da nga nngai,” ngu nna ngai htan ni ai.

ESAIA 2:2

Du wa na nhtoi ni hta Nawku Htingnu dung ai bum gaw yawng hta grau tsaw htum ai bum tai na ra ai, kawng ni yawng hta grau tsaw na ra ai. Amyu baw ni law law dai shara de yan bang wa na mara ai,

YEREMIA 23:5

Dai Madu gaw, “Dawi a aru arat kaw na teng man ai hkawhkam langai mi hpe ngai lata san da ai aten du wa na ra ai. Dai hkawhkam wa gaw hpaji rawng ai hte up hkang nna, mungdan ting hpe ding hpring ai hte teng man ai hku up hkang na ra ai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

Daniela 4:35

Shi gaw mungkan masha ni hpe hpa mi n re ai zawn yu nga ai; sumsing lamu na lamu kasa ni hte mungkan ga na masha ni gaw shi up hkang ai n pu hta taw nga ai. Kadai mung shi a sharawng awng ai hpe ninghkap lu ai n rai; shi galaw ai amu hpe kadai mung ga san n shapraw lu nga ai.

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

Daniela 7:27

Ginding aga ntsa na mungdan ni yawng a daru magam n-gun hte galu kaba ai lam gaw Tsaw Htum ai Karai Kasang a amyu masha ni a lata de ap kau ai hkrum na ra ai. Shanhte a hkawhkam daru magam n-gun gaw galoi mung htum mat na ra ai n rai; Ginding aga ntsa na up hkang du ni yawng mayawng mung shi hpe daw jau ai hte shi a ga madat mara na mara ai.

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 12:50

“Ngai nu hte ngai nau ni hpe yu mu: Sumsing lamu hta nga ai Nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 16:28

Ngai nanhte hpe teng teng tsun made ga, nang e tsap nga ai ni nkau mi, dai Masha Kasha gaw Hkawhkam hku du sa wa ai hpe garai n mu mu gaw, si ai n hkrum na ma ai,” ngu mu ai.

MAHTE 26:42

Lang mi bai sa nna, “Wa e, ndai nni nkri gawm hpe ngai n lu ai sha, ngai kaw na shalai kau lu yang gaw, na a myit ra ai hku rai u ga law,” ngu nna akyu hpyi nga ai.

MAHTE 3:2

shi gaw, “Sumsing lamu a mungdan du magang ra ai majaw, nanhte a yubak mara ni kaw na myit malai lu mu!” nga nna hkaw tsun hpang wu ai.

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, nanhte a yubak mara ni kaw na myit malai lu nna kayin wa marit!,” nga nna hkaw tsun hpang nga ai.

MAHTE 7:21

“Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

MARKU 11:10

Du magang ra ai anhte a wa Dawi a mungdan gaw a nga u ga law! Madu Karai Kasang a hpung shingkang hpe shakawn kungdawn mu law!,” nga nna jahtau garu ma ai.

MARKU 3:35

Karai Kasang a myit ra ai lam hte maren hkan sa galaw ai ni kadai rai ti mung, ngai nau, ngai jan, ngai nu, rai nga ma ai,” ngu mu ai.

LUKA 19:11

Dai lam ni hpe masha ni madat nga ma yang, Yesu gaw shanhte hpe ga shadawn langai mi hte tsun wu ai. Yesu gaw Yerusalem mare de du na ni sai majaw mung, Karai Kasang a Mungdan gaw alawan dan pru magang ra ai nga nna myit sawn la shajang nga ma ai.

LUKA 19:38

“Madu a mying nsang hte du sa ai hkawhkam wa hpe Karai Kasang shaman ya u ga law! Sumsing lamu e ngwi pyaw ai hte, Tsaw htum ai shara e Karai Kasang a hpung shingkang rawng nga u ga law!” nga ma ai.

LUKA 22:42

“Wa e, nang ra n yang gaw, ndai nni nkri ngu ai gawm hpe ngai kaw na shalai kau ya e; rai ti mung ngai ra ai hku n rai, nang ra ai hku she rai u ga,” ngu nna hpyi wu ai.

YAWHAN 4:34

Dai rai nna Yesu gaw, “Ngai hpe shangun dat ai wa a myit ra ai hku hkan galaw na hte shi ap ya da ai magam bungli ngut kre hkra galaw na lam gaw nye a sha hpa rai nga li ai.

YAWHAN 6:40

Hpa majaw nga yang, nye Wa a myit ra ai lam gaw, Kasha wa hpe mu nna kam sham ai ni yawng mayawng htani htana asak lu la shangun na lam rai nga ai. Ngai mung hpang jahtum na nhtoi hta shanhte hpe ngai sharawt la na mawe ai,” ngu nna shanhte hpe tsun mu ai.

YAWHAN 7:17

Dai Madu a myit ra ai lam hkan galaw mayu ai wa kadai mung, ngai sharin shaga ai ga gaw Karai Kasang kaw na re ai, shing n rai nye a myit hte sha tsun ai rai kun?, chye ginhka lu na wu ai.

KASA 13:22

Dai hpang Shawlu hpe jahkrat kau nhtawm, Karai Kasang gaw Dawi hpe shanhte a hkawhkam sharawt ya mu ai. Dai wa a lam Karai Kasang tsun ai gaw, ‘Yese a kasha Dawi gaw nye a myit hte tup hkrak ra sharawng ai masha, ngai galaw shangun mayu ai nga manga hpe galaw shadik ya na wa re ai hpe ngai mu se ai,’ nga ai.

KASA 21:14

Shingrai anhte Pawlu hkraw hkra n lu tsun ai majaw, “Madu a myit rai nu ga,” ngu nna anhte mung atsin sha nga mat ga ai.

KASA 22:14

Bai shi gaw, ‘Anhte a ji wa ni a Karai Kasang gaw, nang hpe shi myit ra ai lam chye shangun na matu mung, shi a ding hpring ai Madu hpe mu lu na matu hte shi a nsen hte nan shaga ai hpe na lu n ga, nang hpe lata san nit dai.

ROMA 12:2

Nanhte gaw ndai dinghta mungkan a lai madang ni hpe n hkan dagraw ai sha, nanhte gaw Karai Kasang hku nna nanhte a kata lam myit masin hpe tsep kawp galai shai kau shangun mu. Dai shaloi nanhte gaw Karai Kasang a myit ra ai lam, mai kaja ai lam, shi hpe sharawng awng shangun ai lam, hkum tsup re ai lam gaw, hpa rai nga ai ngu ai hpe chye ginhka lu na marin dai.

EHPESU 6:6

Madu ni yu nga ai shaloi myi man pa mayu ai majaw sha hkum galaw myit; Hkristu a mayam ni zawn, Karai Kasang a myit ra ai hku hte maren, myit masin yawng hte galaw nga mu.

KOLOSE 1:13

Shi gaw anhte hpe n hkru n kaja ai nsin a n-gun atsam kata kaw na hkye mawai la nna shi a tsaw ra ai Kasha a mungdan hta shashawn mi ai.

KOLOSE 1:9

Dai re ai majaw, nanhte a lam na yu ai shani kaw nna, anhte gaw nanhte a matu mara n sim n sa akyu hpyi nga ga ai. Nanhte gaw Karai Kasang a myit ra ai lam hpe chye lu ai nyan hpaji, dai Wenyi e jaw ya ai hpaji byeng-ya yawng mayawng hte machye machyang ni, hte jahpring ya ai hkrum myit ga Karai Kasang kaw anhte akyu hpyi ya nga ga ai.

1 HTESALONI 4:3

Karai Kasang gaw, nanhte hpe chyoi pra san seng shangun mayu ai hte n se n sa re ai hku asak hkrung ai lai len kaw na tsep kawp lawt na matu ra sharawng nga ai.

1 HTESALONI 5:18

Lam shagu hta chyeju dum shakawn kungdawn nga mu. Dai gaw Hkristu hta e nanhte a asak hkrung lam hte seng nna Karai Kasang a myit ra ai lam rai nga ai.

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.

HEBRE 10:36

Karai Kasang a myit ra ai lam hkan galaw na hte, shi a ga sadi ni hte maren akyu hkam la lu hkra nanhte myit galu kaba hkam sharang ra nga myit dai.

HEBRE 10:7

Shaloi ngai gaw, ‘Karai Kasang e tara laika hta nye a lam ka da nga ai hte maren, nang myit ra ai hku galaw na, ya ngai nang e du sa ring ngai,’ ngu we ai,’” nga nna tsun ai.

HEBRE 13:21

Nanhte gaw shi a myit ra ai lam hkan galaw lu na matu nanhte hta ra kadawn nga ai mai kaja ai lam shagu hpe ngwi pyaw ai Karai Kasang gaw nanhte hpe jaw ya myit ga; Madu gaw shi a myit ra ai hku hte maren, Hkristu a marang e anhte hpe jahkum shatsup ya mi ai. Yesu Hkristu a marang e, shi a sharawng awng ai lam hpe anhte shabyin shatai u ga, Hkristu hta htani htana prat dingsa hpung shingkang anga nga u ga law. Amen.

1 PETRU 2:15

Hpa majaw nga yang, nanhte galaw ai mai kaja ai amu ni a marang e machye machyang n rawng ai angawk angak nga nna shaga ai masha ni a ga hpe nanhte shazim kau mu ga, Karai Kasang ra sharawng nga ai.

1 PETRU 4:2

Dai re ai majaw ya kaw nna ndai mungkan hta nanhte asak hkrung na matu naw ngam nga ai asak aprat laman shinggyim hkum shan a ra marit ai myit n hkan ai sha, Karai Kasang a myit ra ai lam a hkang ai hku nanhte asak hkrung sa wa lu na rai myit dai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 12:10

Dai hpang sumsing lamu kata na nsen kaba gaw, “Ya anhte a Karai Kasang a hkye hkrang la ai lam du ra ai! Ya Karai Kasang gaw hkawhkam rai nga ai lam shi a atsam madun dan nu ai! Ya shi a Meshia gaw shi a daru magam ahkang aya hpe madun dan nu ai! Hpa majaw nga yang, anhte a hpu nau ni hpe, shani shana anhte a Karai Kasang a man e mara shagun, jahte tam ai wa hpe sumsing lamu kata kaw nna jahkrat kau ai hkrum nu ai.

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.