MAHTE 5:7 - Jinghpaw Common Language Bible 2009

⁷ “Masha kaga ni hpe matsan chye dum ai ni gaw a lu ma ai; hpa majaw nga yang, Karai Kasang shanhte hpe matsan dum la na ra ai!

Jinghpaw Hanson Version Bible

⁷ Matsan chye dum ai ni gaw, a lu ma ai; kaning rai nme law, shanhte matsan dum la ai hkrum na mara ai.

MAHTE 5:7 ပူးပေါင်းရင်းမြစ်များ

2 SAMUELA 17:28

Dawi hte shi a masha ni nam mali kata e hki ba nna kawsi hpang gara hkrum sha nga ma ai hpe shanhte chye ma ai majaw shanhte gaw jarung, ga di bu hte panep ni hpe mung, Dawi hte shi a masha ni sha na lusha a matu hkaulan mam, muk-yaw mam, malu masha, kabaw da ai nsi naisi, shapre, naw kyu, lagat ntsin, htawbat, chyu shage hte sagu ni sa sak jaw ma ai.

2 SAMUELA 22:26

O Madu e, nang hta sadi dung nga ai ni hta nang sadi dung nga ndai; hkum tsup ai ni hpe dik hkra mai kaja ai lam madun ya nga ndai.

SHAKAWN KUNGDAWN 112:4

Matsan chye dum ai, n-gaw n wai myit hte teng man nga ai mai kaja ai masha ni a matu, nhtoi gaw nsin hta htoi tu ya nga ai.

SHAKAWN KUNGDAWN 112:9

Shi gaw ra kadawn nga ai wa hpe nhpaw n-ya jaw ya nna, shi a matsan dum ai lam galoi mung yawm mat ai n rai; Shi gaw daru magam n-gun jat wa ai hte hkungga lara ai hkrum na ra ai.

SHAKAWN KUNGDAWN 18:25

Madu e, nang hta sadi dung nga ai ni a ntsa e, nang mung sadi dung nga ndai; kup tsup ai ni hpe ra n rawng ai chyeju galaw nga ndai.

SHAKAWN KUNGDAWN 37:26

Shi gaw aten shagu, ndut ndang jaw ya ai hte kaga ni hpe hkoi ya nga ai; shi a kashu kasha ni mung chyeju kumhpa tai nga ma ai.

GA SHAGAWP 11:17

Nang gaw matsan chye dum ai wa rai yang, nang nan matsan dum hkrum na lam lajang da nga ndai; nang lama, mazut ai wa rai yang chyawm gaw na hkum hpe chyu sha machyi shangun nga ndai.

GA SHAGAWP 11:25

Ndaw nhta jaw ya u, shing rai jang, nang ngamu ngamai wa na ra ai; kaga masha ni hpe karum shingtau u, shing rai jang karum shingtau la ai nang bai hkam la lu na rin dai.

GA SHAGAWP 14:21

A lu ai lam hpe nang ra marit yang, matsan mayan wa hpe, matsan dum u; kadai hpe rai tim, n kaw n law re ai lam gaw, yubak rai nga ai.

GA SHAGAWP 19:17

Matsan mayan wa hpe nang jaw ai gaw dai Madu hpe hkoi ya ai hte bung nga ai rai nna; dai Madu gaw nang hpe bai htang jaw na ra ai.

ESAIA 57:1

Mai kaja ai amyu masha ni si nga ai, kadai mung n chye na ma ai, lanu lahku ai pyi n nga nga ai. Rai ti mung shanhte si ai shaloi, tsin-yam tsindam hpa mung shanhte hpe machyi shangun lu ai n rai.

Daniela 4:27

Dai rai nna madu hkawhkam e, nye a hpaji jaw ga hta hkan u. Yubak lam hpe kau da nna jaw ai amu galaw u. Matsan mayan masha ni hpe matsan dum u. Shaloi nang gaw matut nna ngamu ngamai wa na rai ndai.”

HOSEA 1:6

Gome gaw lahkawng ngu na ma lu nga ai. Ndai lang na ma gaw shayi sha langai rai nga ai. Dai Madu gaw Hosea hpe, “Dai numsha hpe, ‘N tsaw ra nu ai’ ngu nna shamying u; hpa majaw nga yang, ngai gaw Israela amyu masha ni hpe galoi mung tsaw ra myit madun na nngai n rai; shanhte hpe mara raw dat ya na nngai n rai.

HOSEA 2:1

Dai rai nna na a kahpu kanau Israela masha ni hpe, “Karai Kasang a amyu masha ni” hte “Madu e tsaw ra la hkrum ai ni,” ngu nna shaga na mara ai.

HOSEA 2:23

Ngai gaw nye a amyu masha ni hpe ndai lamu ga hta shanu nga shangun nna shanhte hpe ngamu ngamai shangun na nngai. Ngai gaw “Tsaw ra n hkrum ga ai” ngu tsun hkrum nga ai ni hpe mung, “Nye a amyu masha ni n re” nga nna tsun hkrum ai ni hpe mung tsaw ra myit madun na we ai. Ngai gaw, “Nanhte gaw nye a amyu masha ni rai nga myit dai,” ngu nna tsun na we ai, shanhte gaw, “Nang gaw anhte a Karai Kasang rai nga ndai,” nga nna htan na mara ai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

MARKU 11:25

Nanhte rawt tsap let akyu hpyi ai shaloi, masha langai ngai nanhte hpe shut ai mara lama ma nga yang, dai hpe raw dat kau ya na rai myit dai, shaloi she sumsing lamu e nga ai nanhte a Kawa gaw nanhte a mara ni hpe mung raw dat kau ya na ra ai.’

LUKA 6:35

Nanhte chyawm gaw, nanhte a hpyen ni hpe tsaw ra mu; hpa mung lu la na n myit mada ai sha hkoi shap ya mu. Shing rai yang, nanhte shabrai kaba lu na hte, Tsaw Htum ai Karai Wa a kasha ni mung nanhte tai na marin dai; hpa majaw nga yang shi gaw chyeju malap kau ai ni hte, n hkru n hkra re ai ni hpe chyeju galaw mu ai.

ROMA 11:30

Nanhte maigan amyu masha ni chyawm gaw moi shawng de Karai Kasang hpe n madat n mara myit dai; rai ti mung ya Karai Kasang matsan dum lama ai lam hkam la lu ai gaw Yuda amyu masha ni Karai Kasang a ga hpe n madat n mara ai majaw rai nga ai.

1 KORINHTU 7:25

Ya nanhte laika ka nna san dat ai garai n hkungran ai ni hte seng nna dai Madu kaw na htet da ai ga ngai n lu nngai: rai ti mung Karai Kasang a matsan dum ai chyeju majaw kam ging ai wa langai mi rai nga ai hku nna, nye a myit la lu ai lam hpe tsun shana dat nngai.

2 KORINHTU 4:1

Karai Kasang gaw shi a matsan dum ai myit a jaw e, anhte hpe ndai magam gun hpai na amu ap ya mani ai rai nna, anhte hta myit daw n-gun yawm ai lam n nga ai.

EHPESU 4:32

Nanhte shada da matsan dum ai, mai kaja ai myit madun hkat nna Karai Kasang gaw Hkristu hta e nanhte a mara raw ya manit dai hte maren nanhte mung shada da mara raw dat hkat nga mu.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

1 TIMOHTI 1:16

Rai ti mung Karai Kasang ngai hpe matsan dum la ai lam gaw, htawm hpang de Madu hpe kam sham nna htani htana asak lu la na rai nga ai ni yawng a matu mara kasi ningli langai mi tai nga u ga, Hkristu Yesu gaw ngai zawn re ai yubak lu ai ni hta sawng dik ai wa a ntsa e shi a myit galu hkam sharang ai hpe madun dan ai lam rai nga ai.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.

HEBRE 6:10

Hpa majaw nga yang, Karai Kasang gaw n tara ai wa n rai nga ai. Shi gaw nanhte galaw gun hpai lai wa sai magam bungli hpe mung, Madu hpe tsaw ra ai lam nanhte madun dan na matu lai wa sai ten kaw nna ya du hkra Hkristan masha shada da karum la hkat ai hpe mung, Karai Kasang malap kau wu ai n rai.

YAKU 2:13

Hpa majaw nga yang matsan dum ai lama myit n rawng ai masha hpe daw dan ai shaloi Karai Kasang gaw matsan dum lama ai lam madun na ru ai n rai; rai ti mung matsan dum lama ai lam gaw tara daw dan ai hpe awng dang kau wu ai.

YAKU 3:17

Rai ti mung ntsa de na du sa ai hpaji byeng-ya chyawm gaw shawng npawt e san seng ai, dai hpang ngwi pyaw sim sa ai, sumnung shingdi ai hte hku hkau ai lam hpe byin shangun nga ai hta n ga, tsaw ra matsan dum myit hte hpring nna kaja ai magam bungli ni ngu ai apu asi ni hpe shabyin shapraw nga ai. Dai gaw myi man lata ai lam hte hpyi hpun ai lam hta n lawm nga ai.

1 PETRU 2:10

Nanhte gaw shawng de kalang mi Karai Kasang a amyu masha ni n rai myit dai; rai ti mung ya gaw, shi a masha ni rai wa manit dai. Shawng de kalang mi nanhte gaw Karai Kasang a matsam dum lama ai hpe n hkap la lu myit dai; ya chyawm gaw hkap la lu manit dai.